சூரியனால் நாய்க்கு ஏற்படும் பிரச்சனை குறித்து அவசியம் தெரிந்து கொள்ள வேண்டியவைகள்!!!

வெண்ணிற நாய்கள்

வார இறுதியில் உங்கள் நண்பர்களுடன் கடற்கரைக்கு செல்லும் போது, வெள்ளையாக இருக்கும் உங்கள் நண்பர்கள் தான் வெயிலின் தாக்கத்திற்கு வேகமாக பாதிக்கப்படுவார்கள். அதே போல் தான் வெண்ணிற அல்லது மெல்லிய நிறத்தை கொண்டுள்ள நாய்களும். கருப்பாக இருக்கும் நாய்களை விட இந்த நாய்கள் தான் சூரிய ஒளியால் வேகமாக பாதிக்கப்படும். அதனால் உங்கள் கால்நடை மருத்துவர் பரிந்துரைக்கும் செல்லப் பிராணிக்கான சன் ஸ்க்ரீன் லோஷனை பயன்படுத்துங்கள்.

கொஞ்சமாக ரோமம் கொண்ட நாய்கள்

நாய்க்கு இருக்கும் ரோமத்தின் முக்கியமான ஒரு செயல்பாடு, நாயை சூரிய கதிர்களில் இருந்து பாதுகாப்பதே. அதனால் ரோமம் குறைவாக உள்ள நாய்கள் என்றால் அவைகளுக்கு இந்த பாதுகாப்பு குறைவாகவே இருக்கும். குறிப்பாக இவ்வகையான நாய்களுக்கு சன் ஸ்க்ரீன் லோஷன் உதவியாக இருக்கும். ஜின்க் ஆக்சைட் இல்லாத சன் ஸ்க்ரீன் லோஷனை வாங்குங்கள். ஏனென்றால் ஜின்க் ஆக்சைட் என்பது நாய்களுக்கு நச்சை உண்டாக்கும். மேலும் அது சிகப்பு இரத்த அணுக்களை தீவிரமாக பாதித்துவிடும். இதனால் இரத்தத்தை முழுமையாக மாற்ற வேண்டி வரும்.

முடியில்லா நாய்கள்

இதைப் பற்றி நீங்கள் சற்று தீவிரமாக யோசிக்கலாம். ஆனால் வேறு வழியில்லை. சூரிய ஒளி பாதிப்பால் பாதிக்கப்பட போகும் எந்த ஒரு நாய் வகையையும் நாம் விடுவதாக இல்லை. சைனீஸ் க்ரெஸ்டெட், சோலோயிட்ஸ்குவின்ட்லி மற்றும் பெருவியன் இன்கா ஆர்சிட் போன்ற முடியில்லா சில நாய் வகைகள் கண்டிப்பாக சன் ஸ்க்ரீன் போட்டுக் கொள்ள வேண்டும். அவைகள் கொளுத்தும் வெயிலில் செல்லவும் கூடாது.

வெளிரிய மூக்கை கொண்ட நாய்கள்

உங்கள் நாயின் மூக்கு வெளிரிய அல்லது பிங்க் நிறத்தில் உள்ளதா? நிறமி குறைவாக இருக்கையில் சூரிய ஒளி பாதிப்பு அதிகமாக இருக்கும். உங்கள் நாய்க்குட்டியின் உடல் முழுவதும் ரோமங்கள் அடர்த்தியாக இருந்தாலும் சரி, முடி குறைவாக இருக்கும் இடங்களில் சன்ஸ்க்ரீன் பயன்படுத்த உங்கள் கால்நடை மருத்துவர் பரிந்துரைப்பார். குறிப்பாக மூக்கு, வயிறு போன்ற பகுதிகளில்.

சூரிய குளியல்

உங்கள் வீட்டில் விழும் சூரிய ஒளி நாயின் மீது அப்படியே விழுகிறதா? அது எந்தளவு இடர்பாடு நிறைந்தது என்பது உங்களுக்கு தெரியாது. கால்நடை புற்றுநோய் மருத்துவர் டாக்டர். ஆன் ஹொயென்ஹாஸ் கூறுகையில், "சூரிய ஒளியில் படுத்து கிடக்க விரும்பும் நாய்க்கு, ரோமம் லேசாக முளைத்திருக்கும் வயிற்று பகுதியில் உள்ள செதில் அணுக்கள் புற்றுநோய் வளர வழிவகுக்கும்."