வயதான நாயை ஆரோக்கியமாக வைத்துக் கொள்ள சில டிப்ஸ்...

டயட்

வயதான நாயின் டயட்டை மாற்ற வேண்டும். பொதுவாக வயதாகிவிட்டால், செரிமான மண்டலத்தின் செயல்பாடு குறைவாக இருப்பதால், நாய்க்கு எளிதில் செரிமானமாகக்கூடிய உணவுப் பொருட்களை கொடுக்க வேண்டும். குறிப்பாக புரோட்டீன் குறைவாகவும், நார்ச்சத்து அதிகமாகவும் இருக்குமாறான உணவுப் பொருட்களைக் கொடுக்க வேண்டும். அதுமட்டுமின்றி, நாயின் நோயெதிர்ப்பு மண்டலத்தை வலுப்படுத்தவும், செரிமான மண்டலத்தை சீராக செயல்பட வைக்கவும், வைட்டமின் ஈ, பீட்டா-கரோட்டீன் மற்றும் ஒமேகா-3 ஃபேட்டி ஆசிட் நிறைந்த உணவுப் பொருட்களையும் கொடுக்க வேண்டும்.

கால்நடை மருத்துவரிடம் செல்லவும்

செல்ல நாயை கால்நடை மருத்துவரிடம் அழைத்துச் சென்று, வருடத்திற்கு இரண்டு முறையாவது இரத்த பரிசோதனை செய்து, அதன் ஆரோக்கியத்தை பரிசோதித்துப் பார்க்க வேண்டும். இதனால் உங்கள் வயதான நாய்க்கு உள்ள உடல்நல பிரச்சனைகளை தெரிந்து கொள்ளலாம்.

விளையாட்டுக்கள்

நாய்களுக்கு வயதாக வயதாக, அதன் சுறுசுறுப்பு குறைந்து, எப்போதும் சோர்வுடன் இருக்கும். எனவே அப்போது உங்கள் நாயை வெறும் வாக்கிங் மட்டும் அழைத்துச் செல்லாமல், அதனை புதிய புதிய விளையாட்டுக்களிலும் ஈடுபடுத்த வேண்டும். இதனால் உடல் ஆரோக்கியமாக இருப்பதோடு, அதன் மனமும் சந்தோஷமாக இருக்கும்.

எடையை பரிசோதிக்கவும்

நாய்கள் வயதாகும் போது உடல் பருமனால் அவஸ்தைப்படும். இதனால் நாயின் கால்களில் வலி ஏற்பட்டு மிகுந்த அவஸ்தைக்கு உள்ளாகி, நடக்கவே சிரமப்பட்டு, எப்போதும் சோர்வுடன் உட்கார்ந்திருக்கும். அப்படியிருந்தால் அவ்வப்போது அதன் உடல் எடையை சோதித்து பார்த்து, அதனை போதிய உடற்பயிற்சியில் ஈடுபடுத்தி, அதன் உடல் எடையை கட்டுப்பாட்டுடன் வைத்துக் கொள்ளுங்கள்.

நடக்கும் விதம்

நாய்களுக்கு வயதாகும் போது ஒன்று மிகவும் அமைதியாக இருக்கும் அல்லது எதிலும் மிகவும் ஆர்வத்துடன் இருக்கும். எனவே அதனைப் புரிந்து கொண்டு, அதனை சந்தோஷமாகவும், அது வசதியாக உணரும் வண்ணம் பார்த்துக் கொள்ள வேண்டும்.