செல்லமாக வளர்க்கும் பூனைகள் நிச்சயம் சாப்பிடக்கூடாத உணவுகள்!

By Boopathi Lakshmanan

Updated: Tuesday, January 28, 2014, 15:50 [IST]

செல்லப் பிராணிகளில் சிறந்த ஒன்றாக இருப்பது பூனையாகும். இவற்றை நாம் பத்திரமாக பார்த்துக் கொள்ள வேண்டியது அவசியம். இல்லையென்றால் அவைகளின் உடல் நலக்கேடு நம்மை மிகவும் வேதனைக்கு உள்ளாக்கி விடும். பூனைகள் எதையாவது எடுத்து உண்டால் அது அவைகளுக்கு நலமாய் இருக்குமா என்பது அவைகளுக்குத் தெரியாது.

நாம் தான் கவனத்துடன் அவைகளை குழந்தைகள் போல் பார்த்துக் கொள்ள வேண்டும். அவை கெட்டுப் போன பொருட்களை சாப்பிடாமல் இருப்பதை பார்த்து, அவைகளுக்கு எல்லாம் தெரியும் என்று எண்ணி விடாதீர்கள். கவனத்துடன் பார்த்துக் கொள்ளுங்கள்.

நாய்களுக்கு நிச்சயம் கொடுக்கக்கூடாத உணவுகள்!!!

பூனைகள் பொதுவாக சாப்பிடக் கூடாத உணவுகள் என சில உள்ளன. உங்கள் செல்லப் பிராணிக்கு உணவு கொடுக்கும் ஆசையில் தவறான உணவை கொடுத்து அவைகளை சிரமத்திற்கு உண்டாக்காதீர்கள். இதை பற்றித் தெரிந்து கொள்ள மற்றும் என்னென்ன உணவுகளை அவைகளுக்கு கொடுக்கலாம் என்பதை அறிந்து கொள்ள மேற்கொண்டு படியுங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

சாக்லெட்

மனிதர்கள் மத்தியில் மிகுந்த வரவேற்பை பெற்றிருக்கும் சாக்லெட்டுகளை பூனைகளிடம் கொடுத்தால் பெரும் ஆபத்தை விளைவிக்கும். இதை நீங்கள் சாப்பிடும் போதும், உங்கள் குழந்தைகள் சாப்பிடும் போதும் மறந்தும் கூட கொடுத்துவிடக் கூடாது. சாக்லெட்டில் உள்ள தியோபுரோமைன் மிகவும் நச்சுத்தன்மை கொண்டது. இவை பூனையின் ஆரோக்கியத்தை பாழாக்கிவிடும். ஆகையால் இந்த உணவு பொருளை பூனைகளுக்கு கொடுக்காமல் இருப்பது சிறந்தது.

மீன் வகைகள்

பொதுவாகவே மீன்கள் பூனைகளுக்கு பிடித்த உணவாகும். ஆனால் அதையும் பார்த்து தான் தர வேண்டும். சில வகை மீன்களில் மெர்குரி அளவு அதிகமாக உள்ளது. அத்தகைய மீன்களை நாம் குறைவாக கொடுக்க வேண்டும். இல்லையெனில் இவை பூனைக்கு தீங்காகிவிடும்.

பச்சை முட்டை

பச்சை முட்டைகளை நமது செல்லப்பிராணிகளின் எட்டாத தூரத்தில் வைக்க வேண்டும். இதில் உள்ள பாக்டீரியா மற்றும் இதர கிருமிகள் பூனையின் வயிற்றுக்குள் சென்று சிரமத்தை கொண்டு வந்து விடுகின்றன.

காளான்

மனிதர்கள் மத்தியில் காளான்கள் மிகவும் பிடித்த உணவாகும். ஆனால் இது பூனைகளுக்கு பொருந்தாது. சில பூனைகளுக்கு ஒத்துப் போனாலும், பல பூனைகளுக்கு காளர் சிறந்த உணவு கிடையாது. ஒருவேளை நச்சுத்தன்மை அதிகமாகிவிட்டால் அது பூனையின் உடல் நலத்தை பாதித்துவிடும். ஆகையால் காளான்களை உண்பதை விட தவிர்ப்பதே சிறந்தது.

பச்சை நிற தக்காளி

பூனைகள் பொதுவாக சிவப்பு தக்காளியை சாப்பிடலாம். இது நிச்சயம் தீங்கிழைக்காது. ஆனால் இதே வகையில் பச்சைத் தக்காளியையும் எண்ணி விடக்கூடாது. இதை சாப்பிட்டால் பூனைகளுக்கு வாய்வு கோளாறுகள் வரக்கூடும். ஆகையால் இந்த உணவை அறவே தவிர்க்க வேண்டும்.

பூண்டு மற்றும் வெங்காயம்

வெங்காயம் நாம் பொதுவாக சமைக்காமல் சாப்பிடும் ஒரு காய். அதற்காக இதை பூனையும் சாப்பிடலாம் என்று எண்ணி விடாதீர்கள். வெங்காயம் மற்றும் பூண்டு ஆகியவை பூனைக்கு அபாயமூட்டும் உணவுகளாகும். இதை உண்டால் பூனைக்கு இரத்த சோகை ஏற்படும். வெங்காயம் மற்றும் பூண்டு ஆகியவற்றை சமைத்தோ அல்லது சமைக்காமலோ கொடுப்பது தவறு. இதனால் உங்கள் செல்லப் பிராணி இருக்கும் இடத்தில் இத்தகைய பொருட்களை வைக்க வேண்டாம்.

மது அருந்துதல்

நீங்கள் வார இறுதியில் உங்களை மகிழ்விக்க மது அருந்துவது வழக்கமாக இருக்கலாம். ஆனால் இதை உங்கள் பூனைக்கும் கொடுத்து விடாதீர்கள். மது அருந்தினால் பூனையின் மூளை செயல்பாடும், ஈரலின் செயல் திறனும் பாதிக்கப்பட அதிக வாய்ப்புக்கள் உள்ளன.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்