உங்கள் செல்ல நாய் நோய்வாய்பட்டிருந்தால் வெளிப்படும் அறிகுறிகள்!!!

தோற்றம்

நாய்க்கு உடல்நிலை சரியில்லாவிட்டால், அதன் கண்கள் சிவப்பாக வீங்கி, மூக்கானது வறட்சியடைந்து, வித்தியாசமான துர்நாற்றத்துடன் இருக்கும். இது தான் முதன்மையான அறிகுறியாக இருக்கும்.

நடத்தை

உங்களின் செல்ல நாய் திடீரென்று இருமவோ, தும்மவோ, சரியாக சாப்பிடாமலோ, எப்போதும் சோர்வுடன் படுத்தவாறே இருந்தால், அதனை உடனே கால்நடை மருத்துவரிடம் அழைத்துச் செல்ல வேண்டும்.

ஈறுகள்

நாய்களின் ஈறுகளைக் கொண்டும், அது ஆரோக்கியமாக உள்ளதா இல்லையா என்பதை தெரிந்து கொள்ளலாம். அதிலும் அது பிங்க் நிறத்தில் இருந்தால் எவ்வித பிரச்சனையும் இல்லை. அதுவே மஞ்சள், நீலம், வெள்ளை அல்லது கிரே நிறத்தில் இருந்தால், நோய்வாய் பட்டுள்ளது என்று அர்த்தம்.

நடுக்கம்

உங்கள் நாய் தூங்கும் போது, அமைதியாக தூங்காமல், அதன் உடலானது நடுக்கத்துடன் இருந்தால், அதற்கு ஏதோ வலி உள்ளது என்று அர்த்தம்.

சிறுநீர் பிரச்சனை

அளவுக்கு அதிகமாக சிறுநீர் அல்லது மலம் கழித்தால், நாய்க்கு சிறுநீர்ப்பை அல்லது சிறுநீரக பாதையில் தொற்றுகள் ஏற்பட்டுள்ளது என்று அர்த்தம்.