அனைவரையும் கவரும் அழகான 10 நாய்க்குட்டிகள்!!!

By Maha

Updated: Monday, April 15, 2013, 19:00 [IST]

செல்லப்பிராணிகள் வளர்த்தாலே ஒருவித சந்தோஷமும், குதூகலமும் மனதில் நிலவும். சொல்லப்போனால், நாய்களை குட்டியாக இருக்கும் போது பார்த்தால், மிகவும் அழகாகவும், பார்த்தாலே அதைத் தூக்கிக் கொஞ்ச வேண்டும் என்ற எண்ணமும் மனதில் தோன்றும். மேலும் நாய்க்குட்டிகளும் சிறு குழந்தை போன்றதே. அத்தகைய நாய்க்குட்டிகளுக்கு பெரும்பாலானோர் வைக்கும் பெயர் என்னவென்று பார்த்தால், அது "பப்பி" தான்.

இத்தகைய நாய்கள் எப்போதுமே மிகவும் நன்றியுள்ளது. அதிலும் அதனை குட்டியாக இருக்கும் போதே வளர்த்து வந்தால், அதன் பிரிவைத் தாங்கவே முடியாது. ஏனெனில் அந்த அளவில் நாய்க்குட்டிகள் அன்பு வைத்து, நம்முடன் பழகிக் கொள்ளும். மேலும் சில நாய்களை சற்று பெரிதானப் பின்னர் வாங்கினால், அது நம்முடன் பழகுவதற்கு நீண்ட நாட்கள் ஆகும். ஆனால், சிறு வயதிலிருந்தே வளர்த்து வந்தால், அவை எப்போதுமே சாந்தமாக, ஒரு நண்பன் போன்று பழகும்.

சரி, இப்போது நாய்க்குட்டிகளில் மிகவும் அழகாக இருக்கும் சில குட்டி நாய்களைப் பார்ப்போமா!!!

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

லாப்ரடோர் நாய்க்குட்டிகள்

இந்த வகையான நாய்க்குட்டிகள் நன்கு கொழுகொழுவென்று இருப்பதோடு, நன்கு சுறுசுறுப்புடனும் இருப்பதால், எப்போதும் இதன் மேல் ஒரு கண்ணை வைத்துக் கொள்ள வேண்டும்.

மால்டிஸ் நாய்க்குட்டிகள்

இந்த நாய்க்குட்டிகள் ஒரு பொம்மை போன்று காணப்படும். ஏனெனில் இவை மிகச் சிறியதாக இருப்பதோடு, அதன் உடலில் அதிகப்படியான உரோமங்கள் இருக்கும். சொல்லப்போனால் இது அனைவரது மனதில் இருக்கும் ஒரு கற்பனையான அழகான நாய்க்குட்டி என்று சொல்லலாம்.

டச்ஹவுண்ட் நாய்க்குட்டிகள்

இந்த டச்ஹவுண்ட் நாய்க்குட்டிகள் ஆச்சரியமான வகையில் இருக்கும். ஏனெனில் இதன் உடல் நீளமாகவும், கால்கள் குட்டையாகவும் அழகாக சிறிய அளவில் காணப்படும்.

பக் நாய்க்குட்டிகள்

இந்த நாய்க்குட்டிகளின் முகம் பார்ப்பதற்கு தான் சுருங்கிய மெத்தை போன்று இருந்தாலும், இதனை சிறு வயதில் பார்க்கும் போது ஆசையானது மனதில் இருந்து துள்ளிக் கொண்டு வெளிவரும்.

பீகள் நாய்க்குட்டிகள்

பீகள் ஒரு நடத்தரளவிலான ஒரு நாய்க்குட்டி. இந்த நாய்க்குட்டி கொழுப்பின்றி, அதிமான அளவில் மென் உரோமங்களுடன் காணப்படும். மேலும் இதன் வியத்தகு வெளிபாடுகள், இதனை இன்னும் அழகாக வெளிப்படுத்தும்.

கோல்டன் ரெட்ரீவர் நாய்க்குட்டிகள்

நாய் இனங்களுள் கோல்டன் ரெட்ரீவர் நாய்க்குட்டிகள் மிகவும் க்யூட்டாக இருக்கும். இதன் அழகும் இதன் உரோமம் தான்.

புல்டாக் நாய்க்குட்டிகள்

பெரியதாக இருக்கும் புல்டாக் நாய்கள் வல்லமைமிக்கதாகவும், பார்ப்பதற்கு பயமாகமூட்டக்கூடிய வகையிலும் இருக்கும். ஆனால் புல்டாக் நாய்க்குட்டிகள் மிகவும் சுட்டித்தனமாக இருக்கும். மேலும் இதன் தலை, உடலை விட பெரியதாக இருக்கும்.

பூடில் நாய்க்குட்டிகள்

பூடில் நாய்களும் பொம்மை போன்று அதிகமான அளவில் ரோமங்களுடன் இருக்கும். ஆனால் பெரிய பூடிலை விட, பூடில் குட்டிகள் மிகவும் க்யூட்டாக இருக்கும்.

சமாய்டு நாய்க்குட்டிகள்

சமாய்டு நாய்க்குட்டிகளில் வெள்ளை நிற குட்டிகள் பார்ப்பதற்கு ஆச்சரியமூட்டும் வகையில் இருக்கும். ஏனெனில் இதன் உடல் முழுவதும் ரோமங்களுடன், பார்ப்பதற்கு, பொம்மை போன்று இருக்கும்.

கார்கி நாய்க்குட்டிகள்

கார்கி நாய்க்குட்டிகள் ஓநாய்களின் காதுகள் போன்றும், உடல் முழுவதும் மிதமான ரோமங்களும் இருக்கும். இது நன்கு விளையாட்டுத்தனமான இயல்புகளைக் கொண்டதால், அனைவரரையும் ஈர்ப்பதோடு, குழந்தைகளுடன் விளையாடுவதற்கு ஏற்ற நாய்க்குட்டிகளுள் ஒன்றாகவும் உள்ளது.