குழந்தைகளுக்கு பிடித்தவாறு இருக்கும் சில மொசுமொசு நாய்கள்!!!

கோல்டன் ரிட்ரைவர் (Golden Retriever)

இந்த நாய் ஒரு நல்ல விளையாட்டுத்தனமுடையது. இந்த நாயின் ரோமங்களை வெட்டாமல் இருந்தால், இது மிகவும் அழகாக மொசுமொசுவென்று இருக்கும்.

கோமண்டர் (Komondor)

இது ஒரு வகையான ஹங்கேரியன் ஷேபர்டு நாய். இந்த நாய்க்கு அதிகமான ரோமங்கள் இருப்பதோடு, அவை சுருண்டு இருக்கும். இதுவும் பார்ப்பதற்கு சூப்பராக இருக்கும்.

பூடில் (Poodle)

இந்த மொசுமொசு நாய் பொம்மை போன்று இருக்கும். இந்த நாய் சிறிய பெண் குழந்தைகளுக்கு நல்ல துணையாக இருக்கும். இது நன்கு விளையாடுவதோடு, வீட்டில் எந்த ஒரு பிரச்சனையையும் கொடுக்காது.

பூலி (Puli)

இது பார்ப்பதற்கு செம காமெடியாக இருந்தாலும், இதுவும் வளர்ப்பதற்கு ஏற்ற ஒரு அழகான நாய் தான். ஆனால் என்ன, இதன் முகத்தை தேட வேண்டியிருக்கும்.

மால்தீஸ் (Maltese)

இது ஒரு சிறிய மொசுமொசுவென இருக்கும் குட்டி நாய். இது வீட்டில் வளர்க்கக்கூடிய ஒரு சிறந்த நாய். இந்த நாயின் மீது சிறந்த அன்பை காட்டினால், உயிரையே கொடுக்கும் அளவு அது பாசம் வைக்கும்.

ஸ்க்னாசர் (Schnauzer)

இந்த நாய் இனம் பார்ப்பதற்கு ஒரு கார்ட்டூன் கதாப்பாத்திரத்தில் இருப்பது போல் காணப்படும். ஏனெனில் இந்த நாயின் ரோமங்களானது முகம், வயிறு மற்றும் கால்களில் இருக்கும். இதனால் இந்த நாய் வித்தியாசமான தோற்றத்தைத் தருகிறது.

லாசா ஆப்சோ (Lhasa Apso)

இந்த அழகான நாய் திபெத்தில் இருந்து வந்தது. இது மிகவும் சோம்பேறித்தனமான மற்றும் வீட்டிற்கு தொல்லை தராமல் இருக்கும். மேலும் இந்த நாயின் ரோமங்கள் மிகவும் மென்மையானவையாகவும், நீளமாகவும் இருக்கும்.

ஆப்கன் ஹவுண்ட் (Afghan Hound)

இந்த நாய் மிகவும் ஒல்லியாகவும், உயரமாகவும் இருப்பதோடு, அழகான பட்டுப்போன்ற ரோமங்களைக் கொண்டது. இவை நன்கு வேகமாக ஓடக்கூடியவை மற்றும் விசுவாசமாக இருக்கக்கூடியவை.

பொமரேனியன் (Pomeranian)

இந்தியாவில் பொதுவாக காணப்படும் நாய் இனங்களில் ஒன்று தான் பொமரேனியன். இந்த நாய் பெரியவர்களுக்கும் சரி, குழந்தைகளுக்கும் சரி ஏற்றதாக இருக்கும். மேலும் இவை குழந்தைகளுடன் நன்கு விளையாடக்கூடியவை மற்றும் இதற்கு அதிகப்படியான பராமரிப்புக்களை அவசியம் என்பதில்லை.