எக்காரணம் கொண்டும் இந்த காய்கறிகளை ஃப்ரிட்ஜில் வெச்சுடாதீங்க... இல்ல அது விஷமாயிடும்...

தக்காளி

காய்கறிகளில் பெரும்பாலானோர் அதிகமாக வாங்கி நீண்ட நாட்கள் வைத்து பயன்படுத்தும் ஓர் காய்கறி தான் தக்காளி. இந்த தக்காளி பிரஷ்ஷாக இருக்க, பலரும் அதை ஃப்ரிட்ஜ்ஜில் வைப்பார்கள். ஆனால் உண்மையில் தக்காளியை ஃப்ரிட்ஜ்ஜில் வைப்பதை விட, வெளியே அறை வெப்பநிலையில் காற்றோட்டமாக வைத்திருப்பதே நல்லது. தக்காளியை ஃப்ரிட்ஜ்ஜில் வைக்கும் போது, குளிர்ச்சியான வெப்பநிலையால் அதன் சுவையும், சத்துக்களும் குறையும். எனவே தக்காளியை ஃப்ரிட்ஜ்ஜில் வைப்பதைத் தவிர்த்திடுங்கள்.

குடைமிளகாய்

கொரோனா பரவலுக்கு பின்னர் வைட்டமின் சி அதிகம் நிறைந்த குடைமிளகாயை நிறைய பேர் வாங்க சாப்பிட தொடங்கியுள்ளனர். மேலும் குடைமிளகாயின் சுவை தனித்துவமாக இருப்பதால், பெரும்பாலானோருக்கு இந்த காய் மிகவும் பிடிக்கும். நீங்கள் இதுவரை குடைமிளகாயை ஃப்ரிட்ஜில் வைத்து வந்தால், இனிமேல் அந்த தவறை செய்யாதீர்கள். இல்லாவிட்டால், அதன் மேற்புற தோல் சுருங்கி, சத்துக்கள் குறைய ஆரம்பிக்கும்.

வெங்காயம் மற்றும் பூண்டு

வெங்காயம், பூண்டு ஆகிய இரண்டுமே அன்றாட சமையலில் பயன்படுத்தும் காய்கறிகளாகும். நிச்சயம் இதை பலரும் அதிகளவில் வாங்குவோம். இந்த காய்கறிகளை வைக்க சிறந்த இடம் என்றால், அது வறட்சியான இடத்தில், அறைவெப்பநிலையில் தான். எனவே இவ்விரு காய்கறிகளையும் தெரியாமல் கூட ஃப்ரிட்ஜ்ஜில் வைத்துவிடாதீர்கள்.

பூசணிக்காய்

குளிர்கால காய்கறியான பூசணிக்காய் ஃப்ரிட்ஜ்ஜில் தான் இருக்க வேண்டும் என்பதில்லை. அதன் தோல் தடிமனாக இருப்பதால், இந்த காய்கறியை ஃப்ரிட்ஜ்ஜிற்கு வெளியே அறைவெப்பநிலையில் வைத்தாலே போதுமானது. ஒருவேளை பூசணிக்காயின் தோலை நீக்கிவிட்டால், அப்போது அவற்றை ஃப்ரிட்ஜில் வைத்துக் கொள்ளலாம்.

வெள்ளரிக்காய்

நிறைய பேர் வெள்ளரிக்காயை வாங்கினால் அவற்றை ஃப்ரிட்ஜில் வைத்து பயன்படுத்துவார்கள். ஆனால் அப்படி செய்வது தவறு. ஏற்கனவே நீர்ச்சத்து கொண்ட வெள்ளரிக்காயை வெளியே வைத்து தான் பயன்படுத்த வேண்டும். குளிர்ச்சியான வெப்பநிலையில் வெள்ளரிக்காயை வைத்தால், அதன் சுவை மற்றும் நிறம் பாழாகிவிடும். எனவே இனிமேல் வெள்ளரிக்காயை ஃப்ரிட்ஜில் வைக்காதீர்கள்.

மேலே கொடுக்கப்பட்டுள்ள காய்கறிகளைத் தவிர, கத்திரிக்காய், அவகேடோ, கேரட், உருளைக்கிழங்கு போன்றவற்றையும் ஃப்ரிட்ஜில் வைப்பதைத் தவிர்க்க வேண்டும். இல்லையெனின் அவற்றின் தோலில் சுருக்கம் ஏற்பட்டு, சத்துக்களும் குறைந்துவிடும்.