2023-ல் இருந்து உங்கள் வீட்டில் நேர்மறை ஆற்றல் அதிகரிக்கணுமா? அப்ப வாஸ்துப்படி இத செய்யுங்க...

வாசல் சுத்தம்

வீட்டின் வாசலானது எப்போதும் சுத்தமாக இருக்க வேண்டும். ஏனெனில் நேர்மறை ஆற்றல் வீட்டில் வாசல் வழியாகத் தான் வீட்டினுள் நுழையும். இந்நிலையில் வாசல் அசிங்கமாக, அழுக்காக இருந்தால், நேர்மறை ஆற்றலுக்கு பதிலாக எதிர்மறை ஆற்றல் தான் வீட்டினுள் நுழையும். எனவே தினமும் வீட்டின் வாசலை சுத்தம் செய்ய வேண்டும்.

விண்ட் சைம்கள்

வீட்டில் உள்ள எதிர்மறை ஆற்றலை வெளியேற்ற வேண்டுமானால், வீட்டினுள் ஒரு விண்ட் சைம்களை வாங்கி தொங்க விடுங்கள். இதனால் காற்றடிக்கும் போது அந்த விண்ட் சைம்களில் இருந்து வரும் ஒலியானது வீட்டில் உள்ள எதிர்மறை ஆற்றலை உடைத்தெறிந்து, நேர்மறை ஆற்றல் ஓட்டத்தை அதிகரிக்கும்.

கல் உப்பு

வாஸ்துவில் கல் உப்பு எதிர்மறை ஆற்றலை நீக்க உதவும் அற்புத பொருளாக கருதப்படுகிறது. அதற்கு வீட்டின் ஒவ்வொரு மூலையிலும் ஒரு பௌல் கல் உப்பை நிரப்பி வைக்க வேண்டும். இப்படி செய்வதனால், வீட்டில் உள்ள எதிர்மறை ஆற்றல் அனைத்தும் உறிஞ்சப்பட்டு, நேர்மறை ஆற்றலை அதிகரிக்கும்.

எலுமிச்சை

வாஸ்துப்படி எலுமிச்சையும் வீட்டில் உள்ள எதிர்மறை ஆற்றலை நீக்க உதவுகிறது. அதற்கு ஒரு கண்ணாடி டம்ளரில் நீரை நிரப்பி, அதில் ஒரு எலுமிச்சையைப் போட்டு, வீட்டின் ஹாலில் வைக்க வேண்டும். இந்த நீர் மற்றும் எலுமிச்சையை ஒவ்வொரு சனிக்கிழமையும் மாற்ற வேண்டும். இப்படி செய்வதன் மூலமும் வீட்டில் உள்ள எதிர்மறை ஆற்றலை வெளியேற்றலாம்.

நெய் விளக்கு

வாஸ்துப்படி வீட்டில் நல்லெண்ணெய் விளக்கை ஏற்றுவதை விட, நெய் விளக்கை தினமும் ஏற்றி கடவுளை வழிப்பட்டால், வீட்டினுள் உள்ள எதிர்மறை ஆற்றல் அழிக்கப்பட்டு, நேர்மறை ஆற்றல் ஓட்டம் அதிகரிக்கும்.

உப்பு, மஞ்சள் தூள், குங்குமம்

வீட்டினுள் எதிர்மறை ஆற்றல் நுழையாமல் இருக்க, இரண்டு சிறிய மண்குவளையில் கல் உப்பை நிரப்பி, மேலே சிறிது மஞ்சள் தூள் மற்றும் குங்குமம் சேர்த்து, வீட்டு வாசலின் இருபுறமும் வைக்க வேண்டும். இப்படி வைப்பதால், எதிர்மறை ஆற்றல் வீட்டினுள் நுழையாமல் இருப்பதோடு, திருஷ்டி படாமலும் இருக்கும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)