சமையலறையில் இந்த பொருட்கள் இருந்தா உடனே தூக்கிப் போடுங்க.. இல்ல துரதிர்ஷ்டம் தான் வரும்...

உடைந்த பாத்திரங்கள்

சமையலறையில் எப்போதும் உடைந்த பாத்திரங்களை அல்லது வெடித்த பாத்திரங்களை வைத்திருக்கக்கூடாது. ஏனெனில் இம்மாதிரியான பாத்திரங்கள் எதிர்மறை ஆற்றலை அதிகரிக்கும். மேலும் குடும்பத்தில் பிரச்சனைகள் அதிகரிப்பதோடு, வீட்டில் உள்ளோரின் முன்னேற்றத்தில் இடையூறும் ஏற்படும்.

சமையலறையில் துடைப்பம் கூடாது

உங்கள் வீட்டு சமையலறையில் துடைப்பத்தை வைத்திருந்தால், உடனே அதை அப்புறப்படுத்துங்கள். வாஸ்து சாஸ்திரத்தின் படி, சமையலறையில் துடைப்பத்தை வைத்திருக்கக்கூடாது. சமையலறையில் துடைப்பம் வைப்பதால் வீட்டில் குழப்பம் அதிகரிக்கும். வீட்டில் உள்ளோரின் ஆரோக்கியம் பாதிக்கப்படும். நிதி நிலை மோசமடையத் தொடங்கும்.

பூச்சிக்கொல்லி மருந்துகள்

வாஸ்துப்படி, பூச்சிக்கொல்லி மருந்துகளை சமையலறையில் வைத்திருக்கக்கூடாது. இது வீட்டில் எதிர்மறை ஆற்றலை அகிரிக்கும். இது தவிர, சமையல் செய்யும் அறையில் பூச்சிக்கொல்லிகளை வைத்திருப்பது மிகவும் ஆபத்தானதும் கூட. எனவே உங்கள் வீட்டு சமையலறையில் இருந்தால், உடனே அதை அப்புறப்படுத்துங்கள்.

கண்ணாடி கூடாது

உங்கள் வீட்டின் சமையலறையில் கண்ணாடி இருக்கிறதா? அப்படியென்றால் அந்த கண்ணாடியை முதலில் எடுத்துவிடுங்கள். ஏனெனில் வாஸ்துப்படி சமையலறையில் கண்ணாடி இருந்தால், அது வீட்டில் எதிர்மறை ஆற்றலை அதிகரிக்கும். அதோடு வீட்டில் உள்ளோருடன் பிரச்சனை அதிகரித்து, விலகல் ஏற்படும்.

குப்பைத் தொட்டி

உங்கள் வீட்டு சமையலறையில் குப்பைத் தொட்டி இருந்தால், அதை சமையலறையின் வடகிழக்கு மூலையில் வைத்திருப்பதைத் தவிர்த்திடுங்கள். இல்லாவிட்டால் அது துரதிர்ஷ்டத்தை தருவதோடு, வீட்டின் அமைதியை சீர்குலைக்கும். முக்கியமாக குப்பைத் தொட்டி முடியவாறு இருக்க வேண்டும்.