வீட்டில் கொசு மற்றும் கரப்பான் பூச்சி தொல்லை அதிகமா இருக்கா? அதிலிருந்து விடுபட ஓர் எளிய வழி!

நேச்சுரல் ஸ்ப்ரே

கொசுக்கள் மற்றும் கரப்பான் பூச்சிகளை அழிப்பதற்கு கடைகளில் கெமிக்கல் கலந்த ஸ்ப்ரேக்கள் விற்கப்படலாம். ஆனால் அவற்றில் உள்ள கெமிக்கல் தெரிந்தோ தெரியாமலோ நம் உடலினுள் சென்றுவிட்டால், அதனால் பேராபத்தை சந்திக்க நேரிடும். எனவே தமிழ் போல்ட் ஸ்கை இந்த தொல்லைகளை அழிக்கும் ஒரு நேச்சுரல் ஸ்ப்ரேவைக் கொடுத்துள்ளது.

தேவையான பொருட்கள்:

ஷாம்பு - 1/2 கப்

வினிகர் - 1/2 கப்

வெஜிடேபிள் ஆயில் - 1/2 கப்

தயாரிக்கும் முறை:

முதலில் ஸ்ப்ரே பாட்டிலில் அனைத்து பொருட்களையும் ஊற்றி நன்கு குலுக்கிக் கொள்ள வேண்டும். இப்போது கொசுக்கள் மற்றும் கரப்பான் பூச்சிகளை அழிக்கும் நேச்சுரல் ஸ்ப்ரே தயார்.

பயன்படுத்தும் முறை:

இந்த நேச்சுரல் ஸ்ப்ரேவை கொசுக்கள் மற்றும் கரப்பான் பூச்சிகள் வரும் இடத்தில் தெளித்துவிட்டால், அப்பூச்சிகள் வருவது தடுக்கப்படும். மேலும் இந்த கலவையை கை, கால்களில் கூட தடவிக் கொள்ளலாம். இதனால் கொசுக்கள் நம்மை அண்டாது.