வெள்ளை நிறத் துணிகளில் படிந்த குழம்பு கறையைப் போக்க சில எளிய வழிகள்!!!

கிளிசரின்

கறை படிந்த துணியை துவைக்கும் முன், கிளிசரினை கறை படிந்த இடத்தில் தடவி சிறிது நேரம் கழித்து, சோப்பு நீரில் ஊற வைத்து அலசினால், கறைகளானது சீக்கிரம் போய்விடும்.

வினிகர்

வெள்ளை வினிகரைப் பயன்படுத்தி கூட மஞ்சள் நிற குழம்பு கறையை போக்கலாம். அதற்கு 1 டேபிள் ஸ்பூன் வெள்ளை வினிகரை, 1 டேபிள் ஸ்பூன் டிஷ் வாஷ் நீர்மம் மற்றம் 2 கப் குளிர்ந்த நீரில் கலந்து, கறை படிந்த துணியை அதில் ஊற வைத்து துவைக்க வேண்டும்.

ஆல்கஹால்

வெள்ளை துணியில் குழம்புக் கறை படிந்தால், ஆல்கஹாலில் கறை படிந்த துணியை ஊற வைத்து, பின் தேய்த்து துவைக்க வேண்டும்.

ஹைட்ரஜன் பெராக்ஸைடு

ஹைட்ரஜன் பெராக்ஸைடை நீரில் கலந்து, அந்நீரில் கறைப் படிந்த வெள்ளை நிற துணியை போட்டு 30 நிமிடம் ஊற வைத்து, பின் தேய்த்து அலசினால், கறை மாயமாய் மறைந்துவிடும்.

சுடுநீர் அல்லது குளிர்ந்த நீர்

காட்டன் துணியில் படிந்த மஞ்சள் நிற கறையை போக்கும் போது கவனமாக இருக்க வேண்டும். அதிலும் கறையானது நன்கு காய்ந்துவிட்டால், அதனை போக்குவது கடினம். எனவே கறை படிந்த இடத்தில் சுடுநீரிலோ அல்லது குளிர்ந்த நீரிலோ சிறிது நேரம் ஊற வைத்து, பின் சோப்பு பயன்படுத்தி தேய்த்தால், கறைகள் விரைவில் நீங்கிவிடும்.

எலுமிச்சை

எலுமிச்சை சாற்றில் சிறிது வினிகரை ஊற்றி கலந்து, அந்த கலவையைக் கொண்டு துணியில் உள்ள கறை படிந்த இடத்தை தேய்த்து, பின் சோப்பு நீரில் ஊற வைத்து துவைத்தால், கறைகள் போய்விடும்.