இந்த பவுடர் மட்டும் கொஞ்சம் தூவினா போதும்... இனி வீட்ல வடிகால் அடைப்பு பிரச்னையே வராது...

Posted By: VathiMathi s
Subscribe to Boldsky

சாக்கடை அடைப்பு என்பது நம் அனைவரையும் அருவருக்கச் செய்யும் விஷயமாகவே இருக்கிறது. இதற்கு நாம் செய்யும் சிறுசிறு தவறுகளும் கவனக்குறைவுமே கூட காரணம் என்று சொல்லலாம். வீட்டில் உள்ள சமையலறை, கழிப்பிடம், குளியல் தொட்டி ஆகியவற்றில் அடைப்பு ஏற்பட்டுவிட்டால் மிகவும் சங்கடமான சூழ்நிலையை ஏற்படுத்திவிடும். அதுவும் முறையாக சுழற்சி முறையில் கழிவு நீர் வடிகாலை சுத்தம் செய்த பின்னரும் இ ந்த அடைப்பு ஏற்பட்டால் நிச்சயம் எரிச்சல் தான் ஏற்படும்.

home and garden

கடைகளில் விற்கப்படும் டிரைன் கிளீனர்களை வாங்கி வந்து நாம் பயன்படுத்திவிடுகிறோம். இதில் பல விதமான ரசாயனங்கள் இருக்கிறது என்பதை மறந்துவிட வேண்டாம். இதனால் உங்களது வீட்டில் உள்ளவர்களுக்கும், சுற்றி வசிப்பவர்களுக்கும் நல்லது கிடையாது. உங்களது கைகளுக்கும், கண்களுக்கும் அதிக ஆபத்தை ஏற்படுத்தும். ஆசிட் சார்ந்த டிரைன் கிளீனர்கள் வடிகால் பாதையில் உள்ள ரப்பர் மற்றும் இதர மென்மையான பொருட்களை சேதப்படுத்திவிடும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
வடிகால் அடைப்பு

வடிகால் அடைப்பு

வடிகால் குழாயைப் பாழாக்கிவிடும். அதோடு பிளம்பர்கள் போடும் பில்லால் உங்களது பாக்கெட்டுக்கு இழப்பு அதிகமாக இருக்கும். அதனால் உங்களது பணப்பைக்கும், உடல் ஆரோக்கியத்துக்கும் எவ்வித பாதிப்பும் இல்லாமல் குளியல் தொட்டி அல்லது இதர வடிகால்களை சுத்தம் செய்வது எப்படி என்பதை இங்கே காண்போம்.

ஏன் நாம் இயற்கையாகவே வடிகால் கிளீனர்களைப் பயன்படுத்துவது கிடையாது. வீட்டின் சமையலறையிலும், வீட்டிலும் உள்ள பொருட்களை கொண்டே இந்த இயற்கை கிளீனரை தயார் செய்துவிடலாம். வடிகால் அடைப்புக்கு வீட்டிலேயே இயற்கை முறையில் தீர்வு காணும் வகையிலான வழி முறைகள் உங்களுக்காக இங்கே கொடுக்கப்பட்டுள்ளது.

இயற்கையாக நீக்குவது எப்படி?

இயற்கையாக நீக்குவது எப்படி?

பேக்கிங் சோடா, வினீகர் ஆகியவை அடைப்பு ஏற்பட்ட வடிகாலை சுத்தம் செய்ய பயன்படுத்தலாம். பொதுவாக வீட்டு சமையலறை அலமாரியில் இருக்கும் பேக்கிங் சோடா மற்றும் வினீகர் இதற்கு போதுமானதாகும். இதை சுடு தண்ணீருடன் கலந்து வடிகால் சுத்தம் செய்யலாம். பேக்கிங் சோடா மற்றும் சுடு தண்ணீரும் இணைந்து வடிகாலின் அடிப்பகுதியில் உள்ள சேறும், சகதியுமான பகுதிகளைத் தளர்த்தி அகற்றும். வினீகரை சோடாவுடன் கலக்கும் போது இதன் மூலம் ஏற்படும் எதிர்வினை வடிகாலை சுத்தப்படுத்த உதவும். வடிகால் சுத்தம் செய்ய சமையலறை பொருட்களை எப்படி பயன்படுத்துவது என்பது இங்கே கொடுக்கப்பட்டுள்ளது.

பேக்கிங் சோடா

பேக்கிங் சோடா

தேவையான பொருட்கள்:

. பேக்கிங் சோடா அரை கப்

. வினீகர் ஒரு கப்

. சுடு தண்ணீர் 2 அல்லது 3 குடம்

செய்முறை

.ஒரு குட சுடு தண்ணீரை தூக்கி அடைப்பு ஏற்பட்டுள்ள இடத்தில் ஊற்ற வேண்டும்.

. இப்போது பேக்கிங் சோடாவை வடிகாலில் கொட்டவும்.

. 2 நிமிடங்கள் வரை காத்திருக்கவும்.

. ஒரு கப் சுடு தண்ணீருடன் வினீகரை கலக்கவும்.

. இந்த கலவையை பேக்கிங் சோடா மீது ஊற்றவும்.

. வடிகால் மேல் மூடியை போட்டு மூடிவிடவும்.

. 5 முதல் 10 நிமிடம் வரை காத்திருக்கவும்.

. இப்போ மீண்டும் ஒரு குட சுடு தண்ணீரை ஊற்றவும். இது வடிகாலை முழுமையாக சுத்தம் செய்துவிடும்.

குளியல் தொட்டி

குளியல் தொட்டி

குளியல் தொட்டியை மேற்கண்ட பேக்கிங் சோடா, வினீகர் மூலம் சுத்தம் செய்ய அதே நடைமுறையை தான் அடிப்படையாக கடைபிடிக்க வேண்டும். அதன் பின்னர் குளியல் தொட்டியை நீர் மூலம் நிரப்பி அழுத்தம் கொடுக்க வேண்டும். இதை எப்படி செய்வது என்று இங்கே பார்ப்போம்.

தேவையான பொருட்கள்:

. பேக்கிங் சோடா 3ல் ஒரு பங்கு கப்

. வினீகர் 3ல் ஒரு பங்கு கப்

செய்முறை:

.பேக்கிங் சோடாவையும், வினீகரையும் கலக்க வேண்டும். உடனடியாக பொங்கும்.

. ஒரு நொடியை கூட தாமதப்படுத்தாமல் வடிகாலில் ஊற்றிவிட வேண்டும். பொங்கும் செயல்பாடு வடிகாலு க்குள் ஏற்பட வேண்டும்.

. வடிகால் மேல் பகுதியை மூடிவிட வேண்டும்.

. ஒரு மணி நேரத்திற்கு விட்டுவிட வேண்டும்.

. இப்போ குளியல் தொட்டியை நீர் மூலம் நிரப்புங்கள்.

. வடிகால் மூடியை திறந்துவிடுங்கள்.

. 60 கேலன்கள் அழுத்தம் என்ற அடைப்பில் உள்ள அழுக்கை பேக்கிங் சோடாவும், வினீகரும் இணைந்து அப்புறப்படுத்திவிடும்.

உப்பு, பேக்கிங் சோடா

உப்பு, பேக்கிங் சோடா

உங்களது வடிகாலில் அழுக்கு இல்லை அல்லது உடனடியாக வினீகர் இல்லாத சமயங்களில் பேக்கிங் சோடாவுடன் உப்பை கலந்து சுடுதண்ணீருடன் அடைப்பை சுத்தம் செய்யலாம். இது மூன்றும் இணைந்து ரசாயன எதிர்விணையை ஏற்படுத்தும். இவை அடைப்பை கரைக்க உதவியாக இருக்கும்.

தேவையான பொருட்கள்

. உப்பு அரை கப்

. பேக்கிங் சோடா அரை கப்

. கொதிக்கும் சுடு தண்ணீர்

செய்முறை

. உப்பு மற்றும் பேக்கிங் சோடாவை கலக்க வேண்டும்.

. இந்த கலவையை அடைப்பு ஏற்பட்டுள்ள வடிகாலுக்குள் ஊற்ற வேண்டும்.

. 30 நிமிடங்கள் வரை காத்திருக்கவும்.

. இதன் பின்னர் வடிகாலுக்குள் சுடு தண்ணீரை ஊற்றுங்கள்.

வெந்நீர்

வெந்நீர்

வடிகால் அடைக்காமல் குப்பை மற்றும் பல ஆண்டுகளாக ஏற்பட்டுள்ள தூசு படிந்த அழுக்கை கொதி க்கும் நீரை ஊற்றி சுத்தப்படுத்தலாம். இது வடிகாலை சுத்தம் செய்துவிடும். இதற்கு கொதிக்கும் நீர் அவசியம். இதை செய்வதற்கு முன்பு வடிகால் குழாய் தரம் குறைந்த ரப்பர் அல்லது பிளாஸ்டிக் மூலமானது இல்லை என்பதை உறுதி செய்து கொள்ள வேண்டும். இல்லை என்றால் சூடு தாங்காமல் உருகும் வாய்ப்பு உள்ளது.

தேவையான பொருட்கள்

. ஒரு ஜாடி அல்லது ஒரு பெரிய குடம் நிறைய கொதிக்கும் நீரை எடுத்துக் கொள்ளுங்கள்.

செய்முறை

. ஒரு குட நீரை வடிகால் குழாயின் கழுத்து பகுதி அல்லது அதற்கு குறைவான அளவு வரை ஊற்றவும். சுடு தண்ணீரை கையாளுவதற்கு ஏற்ப போதுமான அளவில் ஊற்றவும். அடிப்பகுதியில் அதிகளவு சுடு தண்ணீர் இருக்க வேண்டும்.

. இப்போது சுடு தண்ணீரை எச்சரிக்கையுடன் (உங்கள் மீது சிந்திவிடாமல்) தூக்கி வந்து அதில் 3ல் ஒரு பங்கு நீரை வடிகால் குழாய்க்குள் ஊற்றிவிடுங்கள்.

. சில விநாடிகள் காத்திருக்கவும். 30 விநாடிகள் கழித்து மேலும் 3ல் ஒரு பங்கு சுடு தண்ணீரை ஊற்றவும்.

. பின்னர் மீண்டும் அரை முதல் 1 நிமிடம் வரை காத்திருந்து மீதமுள்ள ஒரு பங்கு நீரையும் ஊற்றுங்கள்.

. தற்போது நீங்கள் எளிமையான முறையில் அடைப்பை சுத்தம் செய்து முடித்திருப்பீர்கள்.

வினீகர், ஐஸ் கட்டி

வினீகர், ஐஸ் கட்டி

மேற்கண்ட முறைகளில் கையாண்டது மூலம் வினீகரில் உள்ள மெல்லிய அமிலப் பொருள் சுத்தப்ப டுத்துதலுக்கான சிறந்த காரணியாக விளங்குகிறது என்பதை நீங்கள் அறிந்திருப்பீர்கள். இதை ஐஸ் கட்டியுடன் பயன்படுத்தி சமையலறையில் பாத்திரம் கழுவ பயன்படுத்தப்படும் சிங்க் அழுக்கை நீக்கலாம். ஐஸ் கட்டிகள் தொட்டி சுவர்களுக்கு குளிரூட்டி வழுவழுப்பு தன்மையை ஏற்படுத்திவிடும். இதற்கு ஐஸ்கட்டிகளுடன் வினீகரும் பயன்படுத்துள்ளீர்கள். இதை எப்படி செய்ய வேண்டும் என்பதை இங்கே பார்ப்போம்.

தேவையான பொருட்கள்

. வினீகர்

. தண்ணீர்

. ஐஸ் கட்டி டிரே

செய்முறை

. ஐஸ் கட்டி டிரேவில் பாதி வரை தண்ணர், பின்னர் பாதி வினீகரை நிரப்புங்கள்.

. இப்போ டிரேயின் மேற்பகுதியில் நீர் இருக்கும். வினீகர் தனியாக கட்டியாகாது. அதற்கு தண்ணீர் வேண் டும்.

. டிரேயில் அடையாளம் ஏற்படுத்துங்கள். இதை வெறும் ஐஸ் கட்டி என்று குடும்ப உறுப்பினர்கள் எடுத்து பயன்படுத்திவிடக் கூடாது.

. இப்போ டிரையே பீரிசருக்குள் வைத்துவிடுங்கள். அது ஐஸ் கட்டிகளாக மாறட்டும்.

. வினீகர் ஐஸ் கட்டிகள் உருவாகியவுடன் குப்பை கழிவுகளுக்குள் ஐஸ்கட்டிகளை கொட்டி விடுங்கள்.

. ஆசிட் தன்மை கொண்ட வினீகர் ஐஸ் கட்டிகள் கழிவுகளை சுத்தம் செய்துவிடும்.

டிஷ்வாஷ்

டிஷ்வாஷ்

சமையலறையில் உள்ள சிங்க் வடிகால் குழாயில் அடைப்பு ஏற்பட்டுவிட்டால் அதை சரி செய்வது என்பது பெரிய பிரச்னையாக அமைந்துவிடும். ஏன் என்றால்? இந்த குழாயில் எண்ணெய் பிசுபிசுப்பு, வழுவழுப்பான பொருட்கள் சேர்ந்து அடைப்பை ஏற்படுத்திவிடும். ஆனால் இதற்கு பாத்திரம் கழுவ பயன்படுத்தப்படும் பவுடர் மூலம் தீர்வு காணலாம் என்ற தகவல் ஆச்சர்யத்தை ஏற்படுத்தலாம். பாத்திரத்தில் உள்ள எண்ணெய் பிசுபிசுப்பு, வழுவழுப்பான பாத்திரங்களை சுத்தம் செய்யும் போது வடிகாலை சுத்தம் செய்ய முடியாதா?.

தேவையான பொருட்கள்

. பாத்திரம் கழுவும் பவுடர் அரை முதல் ஒரு கப்

. கொதிக்கும் சுடு தண்ணீர் 1 முதல் 2 குடம்.

செய்முறை

.லேசாக அடைத்திருந்தால் அரை கப் பவுடர் பயன்படுத்தவும். பிடிவாத அடைப்பாக இருந்தால் ஒரு கப் பவுடர் பயன்படுத்தவும்.

. வடிகால் குழாயில் பவுடரை கொட்டவும். அரை மணி நேரம் ஊற விடவும்.

. இப்போ ஒரு சட்டி நிறைய கொதிக்கும் சுடு தண்ணீரை மெதுவாகவும் நிதானமாகவும் வடிகால் குழாயில் ஊற்றவும்.

. இதை செய்து முடித்தவுடன் குளிர்ந்த நீரை குழாயில் ஊற்றவும். இப்போது அடைப்பு சுத்தம் ஆகிவிட்டதா? இல்லையா? என்பதை உங்களால் பார்க்க முடியும்.

. தேவைப்பட்டால் சுடு தண்ணீரை கூடுதலாக ஊற்றவும். அல்லது மீண்டும் ஒரு முறை இந்த செய்முறையை முழுமையாக பின்பற்றி சுத்தம் செய்ய வேண்டும்.

வேக்கம் கிளீனர்

வேக்கம் கிளீனர்

கடை வேக்கம் மூலம் அல்லது வறண்ட/ஈரப்பதம் கொண்ட வேக்கம் மூலம் கசிவு, அழுக்கு, தூசி, குப்பை போன்றவற்றை மட்டும் தான் சுத்தம் செய்யலாம் என்பது கிடையாது. அதோடு அடைப்பு ஏற்பட்ட வடிகால் குழாயையும் சரி செய்யலாம். வேக்கம் மூலம் அடைப்பு சரி செய்வது எப்படி என்பதை இங்கு பார்க்கலாம்.

செய்முறை

. வேக்கமுக்கு தேவையான வேக்கம் திரவத்தை தயார் செய்து கொள்ள வேண்டும். உள்ளே உள்ள பை மற்றும் ஃபில்டரை அகற்றிவிடுங்கள்.

. வென்டிலேஷன் பகுதியை டேப் ஒட்டி அடைத்துவிடுங்கள்.

. இப்போது வேக்கம் ஹோஸை வடிகாலுக்குள் வைத்து கடை வேகனை இயக்க செய்யுங்கள்.

அடைக்கப்பட்ட வென்டிலேசன் பகுதி இறுக்கமாக இருப்பதை உறுதி செய்து கொள்ளவும். வேறு ஒரு நபரை அழைத்து வேக்கமை இயக்க செய்வது பாதுகாப்பு என்பதோடு மட்டுமின்றி எளிமையானதாகும்.

. இப்போ வேக்கம் அனைத்து விதமான அழுக்குகளையும் உள்ளே இழுத்துக் கொள்ளும்.

காஸ்டிக் சோடா

காஸ்டிக் சோடா

கடைகளில் விற்பனை செய்யப்படும் கிளீனர்களில் ரசாயனம் கலந்திருக்கும் என்பதை ஏற்கனவே தெரிவித்தோம். அதன் விலையும் மிக அதிகம். எண்ணெய் பொருட்களால் வடிகால் குழாய் அடைத்திருந்தால் வெறும் குளிர்ந்த நீரை பயன்படுத்தி அதை சரி செய்துவிட முடியாது. அதேபோல் மென்மையான சமையலறை பொருட்களை பயன்படுத்தியும் சுத்தம் செய்துவிட முடியாது. இதற்கு சில ரசாயன உதவிகளை நீங்கள் நாடி தான் ஆக வேண்டும். கடைகளின் விற்பனை செய்யப்படும் கிளீனர்களை தயாரிக்கும் போது செலவை குறைக்க பயன்படுத்தப்படும் ரசாயனங்கள் சில வற்றை பயன்படுத்தலாம். இதில் காஸ்டிக் சோடாவும் ஒன்று. இது காரத்தன்மை கொண்டதோடு, எளிதில் நீரில் கரைய கூடியதாகும். இவை தொழிற்சாலை மற்றும் வீட்டு உபயோக பொருட்களில் சுத்தம் செய்யும் காரணியாக பயன்படுத்தப்ப டுகிறது. காஸ்டிக் சோடா பயன்படுத்தும் போது எச்சரிக்கையாக இருக்க வேண்டும். சமயங்களில் தீவிர தீ க்காயம் அல்லது இதர வகையான காயங்களை ஏற்படுத்திவிடும்.

தேவையான பொருட்கள்

. காஸ்டிக் சோடா 3 கப்

. குளிர்ந்த நீர் இரண்டரை முதல் 3 லிட்டர்

. மாப் வாளி

. மரக் கரண்டி

. ரப்பர் கிளவுஸ்

. கண் பாதுகாப்பு அணிகலன்

. சுடு தண்ணீர்

செய்முறை

. ரப்பர் கிளவுஸ் மற்றும் கண் அணிகலனை அணிந்து கொள்ளுங்கள்.

. தண்ணீரை வாளியில் ஊற்ற வேண்டும்.

. அதில் காஸ்டிக் சோடாவை கலக்க வேண்டும்.

. மரக் கரண்டி மூலம் அதை நன்றாக கலக்குங்கள். கிளவுஸ் அணிந்திருந்தாலும் கையை பயன்படுத்த வேண்டாம்.

. கலக்கும் போது திரவம் பொங்கி சூடாகும். அதனால் முகம், கண்கள், உடல் உறுப்புகளை வாளியில் இருந்து தள்ளி வைத்துக் கொள்ளுங்கள்.

. இப்போது இந்த திரவ கலவையை வடிகால் குழாயில் ஊற்றுங்கள்.

. அப்படியே அரை மணி நேரத்திற்கு விட்டுவிடுங்கள்.

. இப்போ சுடு தண்ணீரை வடிகாலில் ஊற்றுங்கள்.

எச்சரிக்கை - இது நூறு சதவீதம் பாதுகாப்பில்லாதது. தீங்கு விளைவிக்க கூடிய சாதக அம்சம் இருப்பதால் இதை வடிகால் சுத்தம் செய்ய பயன்படுத்துவதோ அல்லது பயன்படுத்தாமலோ இருந்து விடுங்கள். காஸ்டிக் சோடா அரிப்பு ஏற்படுத்த கூடியதாகும். அதனால் இது உங்களது சருமத்தில் பாதிப்பை ஏற்படுத்தும். நிரந்தர காயம், தீக்காயம், தழும்பு, கண்பார்வை இழப்பு போன்றவை ஏற்படும் வாய்ப்பு உள்ளது. அதனால் இந்த செய்முறையை பின்பற்றும்போது அனைத்து விதமான முன்னெச்சரிக்கை நடவடிக்கைகளையும் மேற்கொள்ள வேண்டும். தரமான கிளவுஸ் மற்றும் கண் அணிகலனை பயன்படுத்த வேண்டும்.

வளைந்த ஒயர் ஹேங்கர்

வளைந்த ஒயர் ஹேங்கர்

இது கைகளால் செய்யக்கூடிய அடிப்படையான செய்முறையாகும். உள்ளூர ஏற்பட்டிருக்கும் அடைப்பை இ ந்த முறை மூலம் சரி செய்யலாம். ஆடைகளை தொங்கவிட்டிருக்கும் வார்ட்ரோப்பில் உள்ள சாதாரண வயர் ஹேங்கர் மூலம் இதற்கு தீர்வு காணலாம். ஹேங்கர் உங்களது கோட், சட்டைகளை மட்டும் மாட்டி தொங்கவிடுவதற்கு மட்டும் கிடையாது என்பதை இதன் மூலம் அறியலாம்.

தேவையான பொருட்கள்

. வயர் ஹேங்கர் (அல்லது ஹேங்கரை போல் கொக்கி போல் வளைக்க கூடிய பொருள்).

செய்முறை

. ஹேங்கரை நேராக கம்பிபோல் நிமித்திக் கொண்டு அதன் நுணி பகுதியில் கொக்கி அமைத்துக் கொள்ளுங்கள்.

. கொக்கி போல் வளைத்த பகுதியை அடைப்பு ஏற்பட்டுள்ள வடிகால் குழாயில் உள்ளது. அடைப்பில் உள்ள தலை முடி உள்ளிட்ட அனைத்து விதமான அழுக்குகளும் அதில் சிக்கி கொள்ளும்.

. பின்னர் கம்பியை மீண்டும் உள்ளே திணித்துவிட வேண்டாம். அப்படி செய்தால் அதில் சிக்கிய அழுக்கு மீண்டும் உள்ளேயே தங்கி அடைப்பை ஏற்படுத்திவிடும். அதனால் எப்போது அழுக்கை வெளிப்பகுதியை நோக்கியே இழுக்க வேண்டும். உள்ளே நோக்கி அழுக்கை திணிக்க கூடாது.

தலைமுடியை அகற்றுதல்

தலைமுடியை அகற்றுதல்

இது ஒரு பொதுவான பிரச்னை தான். இந்த பிரச்னை குளியல் தொட்டியில் அடிக்கடி ஏற்படும். தொட்டியில் உள்ள ஸ்க்ருவில் முடி சிக்கிக் கொள்ளும். குளியல் தொட்டியில் முடி மற்றும் இதர காரணங்களால் ஏற்ப டும் அடைப்பை சரி செய்யும் வழிமுறைகள் இங்கே கொடுக்கப்பட்டுள்ளது.

செய்முறை

வடிகால் குழாயில் மூடியை அகற்றிக் கொண்டு வடிகாலின் அடிப்பகுதியை சுத்தம் செய்யுங்கள். அங்குள்ள முடி உள்ளிட்ட அனைத்து அழுக்கு பொருட்களையும் அகற்றிவிடுங்கள். இதை கையால் தான் செய்ய வேண்டும். கிளவுஸ் அணிந்து கொண்டு செய்யலாம். குளியல் தொட்டியில் இருந்து வடிகால் குழாய்க்கு செல்லும் வழியில் ஸ்டாப்பர் அமைக்கப்பட்டிருந்தால் அதை முதலில் கழட்டி தட்டையும் அகற்றிவிட வேண்டும். அந்த அமைப்பு எப்படி பொருத்தப்பட்டுள்ளதோ அதே முறையில் கழட்ட வேண்டும். இப்போது வளைத்த ஹேங்கர் பயன்பாட்டு முறையை இதற்கு பயன்படுத்தலாம். அது தொட்டியில் சி க்கியுள்ள முடி மற்றும் அழுக்குகளை எளிதில் அகற்றிவிடும். கடைகளில் கிடைக்கும் வடிகால் கேபிள் உபகரணம் இதற்கு உகந்தது. ஹேங்கரை பயன்படுத்தி சுத்தம் செய்யும் முறை முந்தைய சுத்தம் செய்யும் முறையில் தெரிவிக்கப்பட்டது. வடிகாலை சுத்தம் செய்தவுடன் அதன் மூடி அல்லது ஸ்டாப்பரை மீண்டும் பொருத்திவிட வேண்டும்.

பிளாஸ்டிக் பாட்டில்

பிளாஸ்டிக் பாட்டில்

நீங்கள் அதிக ஆர்வம் கொண்டவராக இருந்தால் பிளாஸ்டிக் பாட்டில் மூலம் சொந்தமாகவே அடைப்பு செய்து விடலாம். இதை எப்படி செய்வது என்பது தான் வடிகால் அடைப்புக்கான அடுத்த தீர்வு. பிளாஸ்டிக் பாட்டிலை மறுசுழற்சியாக அடைப்பு சுத்தம் செய்யும் கருவியாக்கி கொள்ளுங்கள். தீர்வுகளை நீங்களாகவே செய்து கொள்ளும் ஆர்வம் கொண்டவருக்கு இது நல்ல செய்முறையாகும். அல்லது சுற்றுசூழல் விழிப்புணர்வு மற்றும் மறுசுழற்சி குறித்த விழிப்புணர்வு உள்ளவர்களுக்கு இது பொருத்தமாக இருக்கும். அதனால் வடிகால் சுத்தம் செய்யும் கருவியாக ஒரு பிளாஸ்டிக் பாட்டில் தான் உங்களுக்கு தேவை. இது தலை முடி உள்ளிட்ட அழுக்குகளை அகற்ற உதவும்.

தேவையான பொருட்கள்

. பிளாஸ்டிக் பாட்டில், குறிப்பாக 2 லிட்டர் பாட்டில் (சோடா பாட்டில் அல்லது இதர பாட்டில்கள்)

. மாஸ்க் டேப்

. செய்திதாள்

. கூர்மையான கத்தி

. மார்க்கர்

செய்முறை:

. பாட்டிலை சுத்தம் செய்து அதன் மீதுள்ள லேபிளை அகற்றிவிடவும். பாட்டிலை நீளமாக அறுக்க வேண்டியிருக்கும்.

. இப்போது பேப்பரை எடுத்து 2 செ.மீ., அளவுக்கு நீளமாக வெட்டுங்கள். இது பாட்டிலை சீரான அளவோடு வெட்ட உதவும்.

. இப்போது வெட்டிய பேப்பரை பாட்டிலில கீழ்புறத்தோடு 5 முதல் 6 அங்குலம் நெருக்கமாக மாஸ்க் டேப்பை பயன்படுத்தி ஒட்டவும்.

. பின்னர் ஒட்டப்பட்ட பேப்பர் பகுதியை சுற்றி மார்க்கரால் வட்ட கோடு வரையுங்கள்.

. இதேபோல் பாட்டில் முழுவதும் 2 செ.மீ. பேப்பர் துண்டை பயன்படுத்தி மார்க்கரால் வரையவும்.

. பின்னர் மார்க்கரால் வரையப்பட்ட கோடின் மீது கத்தியை கொண்டு அறுங்கள். பாட்டில் மேல் பகுதி வரை அறுக்க வேண்டும்.

.இதன் மூலம் நீளமான தட்டை பிளாஸ்டிக் கயிறு போல் கிடைக்கும்.

. பிளாஸ்டிக் மேற்புறத்தில் உள்ள காலியான பகுதியை பயன்படுத்தி விரல் நுழையும் வகையில் ரிங் வடிவில் ஒரு ஓட்டை அமைத்துக் கொள்ளுங்கள்.

. தட்டை பிளாஸ்டிக் கயிறின் மற்றொரு பகுதியை முக்கோண வடிவில் கூராக வெட்டிக் கொள்ளுங்கள்.

. அதோடு தட்டை கயிறின் ஒரத்தில் ஆங்காங்கே லேசாக குறிப்பிட்ட இடைவெளியில் கத்திரிகோலால் வெட்டி பற்களை போன்ற கூர்மை தன்மையை ஏற்படுத்துங்கள். இது வடிகாலின் இருந்து வெளியே இழக்கும் போது தலை முடி உள்ளிட்ட அழுக்குகள் சிக்கி கொள்ள உதவியாக இருக்கும். இந்த வெட்டு ஆழமாக சென்று விடக் கூடாது.

. இப்போ பிளாஸ்டிக் கயிறில் முக்கோண வடிவில் வெட்டப்பட்ட பகுதியை வடிகால் குழாய்க்குள் கொஞ்சம் கொஞ்மாக செலுத்துங்கள்.

. குறிப்பிட்ட அடைப்புகளை கடந்து அது சென்ற பின்னர் மெதுவாக ரிங் ஓட்டையில் விரலை விட்டு பிளாஸ்டிக் கயிறை வெளியில் இழுங்கள்.

. இப்போ வெட்டப்பட்ட பற்களிலும், ஏற்கனவே கயிறு தயாரிக்கப்பட்ட போது ஏற்பட்ட கீறங்களிலும் தலை முடி உள்ளிட்ட அழுக்குகள் சிக்கி கொண்டு வெளியே வரும்.

. பின்னர் மீண்டும் ஒரு முறை இதை செய்தால் அடைப்பு முழுவதும் சுத்தமாவதை பார்க்கலாம்.

அடைப்பு ஏற்படாமல் தடுப்பது எப்படி?

அடைப்பு ஏற்படாமல் தடுப்பது எப்படி?

வீட்டில் ஏற்படும் இத்தகைய அடைப்பை சரி செய்ய அவதிப்படும் போது இந்த கேள்வி உங்களது மனதில் கண்டிப்பாக எழும். இதற்கான விடை மிக எளிது. சுழற்சி முறையில் குறிப்பிட்ட கால இடைவெளியில் வடிகால்களை சுத்தம் செய்து கொண்டே இருக்க வேண்டும். அடைப்பு ஏற்படாமல் தடுக்கும் வழிமுறைகள் இங்கே கொடுக்கப்பட்டுள்ளது.

வாரத்திற்கு ஒரு முறை கழிப்பிடம், சிங்க் வடிகால் மேல்புறத்தில் உள்ள ஸ்டாப்பர்களை அகற்றிவிட்டு அதில் இருக்கும் கழிவு, குப்பைகளை அகற்ற வேண்டும். ஸ்டாப்பரை நன்கு கழுவிவிட்டு மீண்டும் அதை பொருத்தவும்.

வாரத்தக்கு ஒரு முறை வடிகால் மூடி அல்லது குளியல் தொட்டி வடிகால்களை அகற்ற வேண்டும். ஹேங்கர் வயரை அல்லது முடிகளை அகற்றும் பிரஷ் மூலம் அங்கு படிந்துள்ள குப்பை உள்ளிட்ட அழு க்குகளை அகற்றுங்கள்.

மாதத்திற்கு ஒரு முறை குப்பை சேகரிக்கும் டிஸ்போசரை பிரஷ் கொண்டு சுத்தம் செய்ய வேண்டும். இதை சுத்தம் செய்ய ஐஸ் மற்றும் தூள் உப்பை பயன்படுத்துங்கள். இது அதில் படிந்து எண்ணெய் உள்ள பிசுபிசுப்பு தன்மையை அகற்றும். இதன் பின்னர் தண்ணீர் விட்டு சுத்தமாக கழுவிவிடுங்கள். இறுதியாக அரை எலுமிச்சை பழத்தை சாறு பிழிந்து அதை சுத்திகரிக்க செய்யுங்கள்.

குளியல் தொட்டியை மாததிற்கு ஒரு முறை குறைந்தபட்சம் சுத்தம் செய்ய வேண்டும். கூடுதல் நீர் வெளியேறும் தட்டை அகற்றி அதிலிருக்கும் குப்பையை அகற்றுங்கள். அதை சுத்தமாக கழுவிவிட்டு மீண் டும் பொருத்திவிடுங்கள்.

வீடுகளில் உள்ள அனைத்து வடிகால்களிலும் வலை அமைத்துவிடுங்கள். இது குளியல் தொட்டி மற்றும் ஷவர் வடிகால்களில் தலைமுடி, உணவு துகள்கள், இதர அழுக்குகளை சேகரித்துவிடும். வாரத்திற்கு ஒரு முறை அல்லது மாதத்திற்கு ஒரு முறை சுத்தம் செய்யும் பழக்கத்தை ஏற்படுத்தி கொண்டால் வடிகால் அடைப்பை சுத்தம் செய்வதற்காக வீட்டு செய்முறைகளை தேடி அலைய வேண்டியது இருக்காது.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

    English summary

    How to Unclog a Drain Naturally – Surprise Result

    Clogged nothing is good, not even a drain! It can be actually a very irritating situation when you just want to clean up your kitchen or bathroom.
    Story first published: Tuesday, April 24, 2018, 13:40 [IST]
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more