நீங்க சாப்பிட்ட உணவோட வாசனை கையிலேயே இருக்கா? இந்த டிப்ஸை யூஸ் பண்ணுங்க... உடனே போயிரும்...!

வாசனை நிறைந்த உணவுகள் உங்கள் பசியையும், சுவை மொட்டுகளைத் தூண்டும், ஆனால் அதேசமயம் அவற்றை கைகளால் சாப்பிடும் போது அவற்றின் வாசனை நீண்ட நேரம் உங்கள் கைகளில் தங்கியிருக்கும். நம் கைகளை பலமுறை கழுவினாலும், நம் விரல்களில் இருந்து இந்த பிடிவாதமான உணவு வாசனையை அகற்ற முடியாமல் போகலாம்.

இது அசௌகரியத்தை ஏற்படுத்தும், குறிப்பாக மற்றவர்களுடன் கைகுலுக்கும் நிலையிலோ அல்லது கூட்டமாக இருக்கும்போதோ சங்கடத்தை ஏற்படுத்தும். இதற்காக நீங்கள் வாசனை திரவத்தையோ அல்லது க்ரீமையோ உபயோகிக்க வேண்டியிருக்கும்.

இந்த வழிகள் அவசர காலங்களில் எளிதாக இருக்கும் என்றாலும், துர்நாற்றத்தை நிரந்தரமாக அகற்றுவதற்கான வழிகளை ஆராய்வது அவசியம். அதற்கு சில வழிகள் உதவும். உங்கள் கைகளில் இருந்து வெங்காயம், இஞ்சி மற்றும் பூண்டு நாற்றங்களை அகற்றுவதற்கான உதவிக்குறிப்புகளை இந்த பதிவில் தெரிந்து கொள்ளலாம்.

பற்பசை அல்லது மவுத்வாஷ் வைத்து கை கழுவலாம்

இது மிகவும் எளிதான வழியாகும். வழக்கமான கைக் கழுவலைப் பயன்படுத்துவதற்குப் பதிலாக, உங்கள் உள்ளங்கையில் பற்பசையை தடவி, அதை உங்கள் கைகளுக்கு இடையில் நன்கு தேய்த்து, அதன்பின் கழுவவும். இதற்கு மாற்றாக மவுத்வாஷையும் பயன்படுத்தலாம். துர்நாற்றத்தை எதிர்த்துப் போராடும் புதினா, உப்பு மற்றும் பிற இரசாயனங்கள் உங்கள் தோலிலும் திறம்பட செயல்படுகின்றன.

எலுமிச்சைசாறை பயன்படுத்தவும்

இந்த பழமையான நடைமுறை உண்மையில் பயனுள்ளதாக இருக்கும். சிட்ரிக் அமிலம் உங்கள் சருமத்திற்கு ஈரப்பதத்தை சேர்க்கும் மற்றும் வாசனையை நடுநிலையாக்க உதவுகிறது. உங்கள் விரல் நுனியில் சிறிது எலுமிச்சை சாற்றை தேய்த்துக் கழுவவும்.

தக்காளி சாறைப் பயன்படுத்தவும்

கையில் உள்ள துர்நாற்றத்தை அகற்ற மற்றொரு எளிய மற்றும் உன்னதமான வழி ப்ரெஷான தக்காளி சாற்றை உங்கள் கைகளில் தேய்ப்பதாகும். இது உங்கள் கைகளை ஈரப்பதமாக்குகிறது, அடுப்பு வெப்பத்தால் ஏற்படும் கரும்புள்ளிகளை நீக்குகிறது மற்றும் கடுமையான வாசனையை மறைக்கிறது.

காபித்தூள் வைத்தியம்

காய்ச்சிய பிறகு காபித்தூளை தூக்கி எறிய வேண்டாம். துர்நாற்றத்திற்கு எதிராக இயற்கையான ஸ்க்ரப்பாக செயல்படுவதால், அதை பத்திரமாக வைத்திருக்கவும். காபியின் வலுவான நறுமணம் மற்றும் அதன் இயற்கையான எக்ஸ்ஃபோலியேட்டிங் பண்புகள் உங்கள் கைகளில் இருந்து கடுமையான வாசனையை எளிதில் அகற்ற உதவுகிறது.

பேக்கிங் சோடாவை பயன்படுத்தவும்

பேக்கிங் சோடா ஒரு இயற்கை வாசனை நீக்கியாகும். உங்கள் உள்ளங்கையில் ஒரு ஸ்பூன் பேக்கிங் சோடாவை எடுத்து, சிறிது உப்பு சேர்த்து, உங்கள் கைகளில் நன்றாக தேய்க்கவும். உப்பு ஒரு எக்ஸ்ஃபோலியேட்டராக செயல்படுகிறது. துர்நாற்றமில்லாத கைகளை பெற நன்கு கழுவவும்.

பாத்திரத்தை கழுவும் ஜெல்

வழக்கமாக கை கழுவுவதற்குப் பதிலாக, உங்கள் விரல்களில் துர்நாற்றத்திற்கு எதிராக மிகவும் பயனுள்ள விளைவுக்காக பாத்திரங்களைக் கழுவும் ஜெல்லைப் பயன்படுத்தலாம். ஜெல்லில் உள்ள இரசாயனங்கள் உங்கள் உணவுத் தட்டுகளில் செயல்படுவதைப் போலவே உங்கள் கைகளிலும் வேலை செய்கின்றன. இருப்பினும், ரசாயனங்கள் உங்கள் கைகளை கரடுமுரடானதாகவும் உலர்ந்ததாகவும் மாற்றும் என்பதால், உடனடியாக சிறிது ஹேண்ட் கிரீம் தடவ மறக்காதீர்கள்.

கையுறை அணியுங்கள்

இது சற்று அசௌகரியமாக இருந்தாலும், சமையலறைக்குள் நுழையும் போது ஒரு ஜோடி கையுறைகளை அணிவதன் மூலம் நீங்கள் பிரச்சனையை முற்றிலும் தவிர்த்து விடலாம்.