நீங்க யூஸ் பண்ணும் பூண்டு உண்மையானதா? போலியானதா? ஒரிஜினல் பூண்டை அடையாளம் காண்பது எப்படி தெரியுமா?

உணவுப்பொருட்களில் தொடங்கி காய்கறிகள் முதல் இப்போது பூண்டு வரை போலியான பொருட்கள் வந்துவிட்டது. உணவுக் கலப்படம் இப்போது இந்தியாவில் தினசரி பிரச்சினையாக மாறிவருகிறது. மகாராஷ்டிராவின் அகோலா மாவட்டத்தில் சிமெண்டில் இருந்து தயாரிக்கப்பட்ட போலி பூண்டைக் காட்டும் காணொளி இணையத்தில் வைரலானது.

​​இந்திய சமையலறைகளில் பிரதானமான பூண்டு, சமீபத்தில் தலைப்புச் செய்திகளில் இடம்பிடித்தது. கடினமான சிமெண்டை பூண்டு போல ஒருவர் தோலுரிப்பதைக் காட்டிய கிளிப், அனைவரையும் அதிர்ச்சிக்குள்ளாக்கியது, குறிப்பாக நாடு முழுவதும் பூண்டு விலை தொடர்ந்து உயர்ந்து வரும் சூழலில் இது மிகப்பெரிய சர்ச்சைகளை கிளப்பி வருகிறது. நீங்கள் வாங்கும் பூண்டு உண்மையானது என்பதை எவ்வாறு உறுதிப்படுத்துவது? அதற்கான வழிகளை இந்த பதிவில் தெரிந்து கொள்ளலாம்.

வடிவம் மற்றும் அளவை ஆராயுங்கள்

உண்மையான பூண்டில் பொதுவாக குமிழ் தண்டுகள் இருக்கும் அவை நன்கு அடுக்கப்பட்ட பூண்டு பற்களுடன் ஒரே மாதிரியான வடிவத்தில் இருக்கும். வழக்கத்திற்கு மாறாக பெரிய அல்லது சிறிய பூண்டு பற்களுடன் நீங்கள் கவனித்தால், அது போலியான பூண்டின் அறிகுறியாக இருக்கலாம்.

நிறத்தை சோதிக்கவும்

உண்மையான பூண்டு பொதுவாக வெளி அடுக்குகளில் ஊதா நிறத்துடன் வெள்ளை நிற சாயலைக் கொண்டிருக்கும். பூண்டு மிகவும் வெண்மையாக இருந்தால் அல்லது மஞ்சள் நிறத்தில் இருந்தால், அது செயற்கையாக வெண்மையாக்கப்பட்டிருக்கலாம்.

அமைப்பை சோதிக்கவும்

நீங்கள் ஒரு பூண்டை கசக்கினால், அது உறுதியாகவும், அப்படியேவும் இருக்க வேண்டும். ஒருவேளை உள்ளே காலியாகவோ அல்லது அதிக மென்மையாகவோ உணர்ந்தால், அது உண்மையானது அல்ல, இது உண்மையான பூண்டு போல இருக்கும் வகையில் தண்ணீரில் செலுத்தப்பட்டிருக்கலாம்.

வாசனை சோதனை

பூண்டின் தனித்துவமான கடுமையான வாசனை நம்பகமான அறிகுறியாகும். பூண்டில் வலுவான நறுமணம் இல்லாவிட்டால் அல்லது ரசாயன வாசனை இருந்தால், அது போலியானதாக இருக்கலாம். உங்கள் மூக்கை நம்ப வேண்டியது அவசியம்.

நீர் பரிசோதனை

பூண்டை வாங்குவதற்கு முன், தண்ணீரில் நனைக்கவும். உண்மையான பூண்டு உடனடியாக மூழ்கிவிடும், அதே நேரத்தில் போலி பூண்டு மிதக்கக்கூடும். இந்த எளிய சோதனை பூண்டின் நம்பகத்தன்மையை உறுதிப்படுத்த உதவும்.

விலையைக் கவனிக்கவும்

பூண்டின் விலைகள் அதிகரித்து வருவதால், உண்மையாக இருக்க முடியாத அளவுக்கு நல்லதாகத் தோன்றும் விலை போலியானதாக இருக்கலாம். தரமில்லாத அல்லது கலப்படமான பொருட்களை வாங்கும் அபாயத்தை விட தரமான பூண்டுக்கு கொஞ்சம் கூடுதல் விலை கொடுத்து வாங்குவது நல்லது.

சுவை

சுவை சோதனை போலி பூண்டுகளை அடையாளம் காண உதவும். பூண்டில் ரசாயனங்களின் சுவை இருந்தால், அத்தகைய பூண்டை எந்த சூழ்நிலையிலும் வாங்குவதை ஒருவர் தவிர்க்க வேண்டும்.

பேக்கேஜிங்கைக் கவனியுங்கள்

கூடுதல் நம்பகத்தன்மைக்காக பேக்கேஜிங்கை சரிபார்க்கவும். பூண்டு சரியான பேக்கேஜிங்கில் இருந்தால் அது சந்தேகத்தின் அறிகுறியாகும். மேலும் பூண்டு மிகவும் கச்சிதமாக இருந்தால் அவற்றை தவிர்க்கவும்.