வாஸ்துப்படி கண்ணாடியை வீட்டின் எந்த திசையில் மாட்ட வேண்டும் தெரியுமா?

எந்த திசையில் கண்ணாடியை வைக்கக்கூடாது?

எப்போதுமே கண்ணாடியை வீட்டின் தெற்கு மற்றும் மேற்கு திசையில் கண்ணாடியை வைக்கக்கூடாது. உங்கள் வீட்டில் இந்த திசைகளில் கண்ணாடி இருந்தால், உடனே அதை அகற்றுங்கள். ஏனெனில் இந்த திசைகளில் கண்ணாடியை வைத்தால், அந்த வீட்டில் குடும்ப பிரச்சனைகள் அதிகமாக இருக்கும். வீட்டில் உள்ளவர்களுக்கு இடையே கருத்து வேறுபாடுகள் அதிகரித்து, தினமும் வீட்டில் சண்டைகள் இருந்தவாறு இருக்கும்.

உடைந்த கண்ணாடியை வைத்திருக்கக்கூடாது

வாஸ்து சாஸ்திரத்தின் படி, உடைந்த கண்ணாடிகள் வீட்டில் இருக்கவே கூடாது. மேலும் உடைந்த கண்ணாடியில் முகத்தை எப்போதும் பார்க்கக்கூடாது. ஒரு வேளை உடைந்த கண்ணாடியை வீட்டில் பயன்படுத்தினால், அந்த வீட்டில் எதிர்மறை ஆற்றல் நிரம்பி, அந்த வீட்டில் உள்ளோர் எதிலும் எந்த முன்னேற்றத்தையும் காண முடியாமல் தடையை சந்திக்க நேரிடும்.

மங்கலான கண்ணாடியில் முகத்தை பார்க்காதீர்

முகம் பார்க்கும் கண்ணாடியானது எப்போதும் தெளிவாக இருக்க வேண்டும். உங்கள் வீட்டில் வாஷ் பேஷின் அருகே உள்ள கண்ணாடியில் நீர் கறைகள் படிந்திருந்தால், அதை அவ்வப்போது மறக்காமல் சுத்தம் செய்ய வேண்டும். ஏனெனி அழுக்கு படிந்த கண்ணாடிகள் எதிர்மறை ஆற்றலை ஈர்ப்பதோடு, அந்த ஆற்றல் கண்ணாடி பார்ப்போரின் மீது பாயும்.

எந்த திசையில் கண்ணாடியை வைக்க வேண்டும்?

வாஸ்து சாஸ்திரத்தின் படி, வீட்டில் கண்ணாடியை எப்போதும் கிழக்கு மற்றும் வடக்கு திசையில் தான் வைக்க வேண்டும். ஏனெனில் இந்த திசைகள் கண்ணாடியை வைக்க மங்களகரமானதாக கருதப்படுகிறது. வடக்கு திசை குபேர திசை. இந்த திசையில் கண்ணாடியை வைக்கும் போது, அது நேர்மறை ஆற்றலால் பணத்தை ஈர்க்கும். அதோடு வீட்டில் மகிழ்ச்சியும், செழிப்பும் நிலைக்கும் என்று நம்பப்படுகிறது.