சமையலறையில் இந்த பொருட்களை தவறான இடத்துல வெச்சுடாதீங்க.. இல்ல நிறைய பிரச்சனையை சந்திப்பீங்க..

சமையலறை இருக்க வேண்டிய திசை

வாஸ்து சாஸ்திரத்தின் படி, வீட்டின் தென்கிழக்கு திசை தான் அக்னி தேவனுக்குரிய திசையாகம். அதாவது வீட்டின் தென்கிழக்கு திசையில் தான் சமையலறை இருக்க வேண்டும். ஒருவேளை இந்த திசையில் சமையலறையை கட்ட முடியாமல் போனால், வடமேற்கு திசையில் கட்டலாம். ஆனால் எக்காரணம் கொண்டும் சமையலறையானது வடக்கு, வடகிழக்கு அல்லது தென்மேற்கு திசையில் மட்டும் இருக்கக்கூடாது. இல்லாவிட்டால், அது குடும்ப உறுப்பினர்களுக்கு இடையே பிரச்சனைகளை அதிகரிக்கும்.

ஸ்டவ், ஓவன், சிலிண்டர்

சமையலறையில் உள்ள கேஸ் ஸ்டவ், சிலிண்டர், மைக்ரோஓவன், டோஸ்டர் போன்ற நெருப்பு தொடர்பான அனைத்து பொருட்களுமே சமையலறையின் தென்கிழக்கு பகுதியில் தான் இருக்க வேண்டும். முக்கியமாக சமைப்பவர் கிழக்கு திசையை பார்த்தவாறு இருக்க வேண்டும்.

வாஷ்பேசின்கள்

வாஸ்து சாஸ்திரத்தின் படி, கேஸ்டவ், மைக்ரோஓவன் உள்ள ஒரே மேடையிலேயே அல்லது இணையாக வாஷ் பேசின்கள், பைப்புகள் இருக்கக்கூடாது. ஏனெனில் நீரும், நெருப்பும் எதிரெதிர் கூறுகள் என்பதால், அவை எதிர்மறை ஆற்றலை அதிகரிக்கும். இதன் விளைவாக குடும்ப உறுப்பினர்களிடையே சண்டைகள் அதிகரிக்கலாம். எனவே வாஷ் பேசின்கள், தண்ணீர் குழாய்கள் மற்றும் சமையலறை வடிகால் ஆகியவை சமையலறைக்குள் வடக்கு அல்லது வடகிழக்கு திசையில் இருக்க வேண்டும்.

ஃப்ரிட்ஜ்

வீட்டின் சமையலறையில் ஃப்ரிட்ஜ் வைப்பதாக இருந்தால், அதை தென் மேற்கு திசையில் தான் வைக்க வேண்டும். வேறு திசையில் வைத்தால், அது வாழ்வில் முன்னேற்றம் ஏற்படாமல் பல தடைகளை உண்டாக்கும்.

தானியங்கள் மற்றும் பிற சமையல் பொருட்கள்

சமையலறையில் வைக்கும் தானியங்கள் மற்றும் பிற சமையல் பொருட்களை தென் மேற்கு திசையில் வைத்து தான் பயன்படுத்த வேண்டும். ஏனெனில் இது நல்ல அதிர்ஷ்டத்தையும், செழிப்பையும் உண்டாக்கும்.

(பொறுப்புத் துறப்பு: மேலே கொடுக்கப்பட்டுள்ள தகவம் தகவல்களின் அடிப்படையில் கொடுக்கபொறுப்புத் துறப்பு: மேலே கொடுக்கப்பட்டுள்ள தகப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)