வாஸ்துப்படி, வீட்டின் எந்த திசையில் மீன் தொட்டியை வெக்கணும், எத்தனை மீன் இருக்கணும் தெரியுமா?

மீன் தொட்டியை எங்கு வைக்க வேண்டும்?

வாஸ்து சாஸ்திரத்தின் படி, மீன் தொட்டியை வைக்க சிறந்த இடம் வீட்டின் ஹால் மற்றும் படிக்கும் அறை தான். மற்ற பகுதிகளில் மீன் தொட்டியை வைத்து விடாதீர்கள். இல்லாவிட்டால், அது வீட்டில் எதிர்மறை தாக்கத்தை ஏற்படுத்தும்.

எந்த திசையில் வைக்க வேண்டும்?

வாஸ்துப்படி, நீர் தொடர்பான எந்த பொருளையும் வீட்டின் வட கிழக்கு திசையில் வைப்பதே சிறந்தது. இதனால் வீட்டின் செல்வம் அதிகரிப்பதோடு, வீட்டில் நேர்மறை ஆற்றல் ஓட்டமும் அதிகரிக்கும். எனவே, மீன் தொட்டியை வீட்டில் வைப்பதாக இருந்தால், கிழக்கு, வடக்கு அல்லது வடகிழக்கு திசையில் வையுங்கள்.

நீரை அடிக்கடி மாற்றவும்

வாஸ்துப்படி, மீன் தொட்டியில் உள்ள நீரை அடிக்கடி ம்ற்ற வேண்டும். இது வீட்டில் நேர்மறை ஆற்றல் ஓட்டத்தை அதிகரிக்கும். தொட்டியில் உள்ள நீர் நீண்ட நாட்களாக மாற்றாமல் இருந்தால், வீட்டின் நிதி நிலையும் எவ்வித முன்னேற்றமும் இல்லாமல் நிலையாக இருக்கும். முக்கியமாக மீன் தொட்டியில் பாசி படிய விடாதீர்கள். இல்லாவிட்டால் ஒவ்வொரு வேலையிலும் தடைகளை சந்திக்க நேரிடும்.

மீன் தொட்டியில் எத்தனை மீன் இருக்க வேண்டும்?

எப்படி வீட்டில் மீன் தொட்டி வைக்கும் இடம் மிகவும் முக்கியமானதோ, அதேப் போல் அந்த மீன் தொட்டியில் இருக்கும் மீன்களின் எண்ணிக்கையும் முக்கியம். வாஸ்துப்படி, மீன் தொட்டியில் ஒற்றைப்படை எண்ணில் மீன்கள் இருக்க வேண்டும். அதுவும் 9 மீன்கள் இருப்பது மிகவும் மங்களகரமானதாக கருதப்படுகிறது. அந்த 9 மீன்களில் 9 கோல்டன் மீன்களும், 1 கருப்பு மீனும் இருக்க வேண்டும். இந்த எண்ணில் மீன்கள் இருந்தால், வீடு நேர்மறை ஆற்றல் நிரம்பியிருக்கும்.