வாஸ்துப்படி, இவற்றை வீட்டின் மாடிப்படிக்கு கீழே வெக்காதீங்க... இல்லன்னா அது உங்க முன்னேற்றத்தை தடுக்கும்...

லாக்கர்/பணப்பெட்டி

மாடிப்படிக்கு கீழே உள்ள பகுதி பாதுகாப்பான ஒரு பகுதியாக கருதப்பட்டாலும், அது மறைமுகமான இடம் என்பதால், அந்த இடத்தில் லாக்கரை வைப்பது நல்லதல்ல. லாக்கர் என்பது லட்சுமி தேவி வசிக்கும் ஒரு பொருள். அதை மாடிப்படிக்கு கீழே வைத்தால், லட்சுமி தேவியை அவமரியாதை செய்வது போன்றது மற்றும் இச்செயலால் லட்சுமி தேவியின் கோபத்திற்கு ஆளாகி, வீட்டில் பண தட்டுப்பாடு ஏற்படும்.

குழாய் அமைக்க கூடாது

பெரும்பாலான வீடுகளின் மாடிப்படிக்கு அடிப்பகுதியில் குளியலறை அல்லது கழிவறை இருப்பதை காணலாம். ஆனால் வாஸ்துப்படி படிக்கட்டுக்கு கீழே அமைப்பது நல்லதல்ல. ஒருவேளை இடப்பற்றாக்குறை காரணமாக இந்த இடத்தில் கட்ட வேண்டிய சூழல் ஏற்பட்டால், அங்குள்ள குழாயில் நீர்க்கசிவு இல்லாதவாறு பார்த்துக் கொள்ளுங்கள். இல்லாவிட்டால், அது வீட்டில் உள்ளோரை அடிக்கடி நோய்வாய்ப்படுத்தக்கூடும். மேலும் வீட்டில் உள்ள பணம் நீர்க்கசிவது போன்று செலவாகும்.

குப்பைத் தொட்டி

நிறைய பேர் வீட்டின் மாடிப்படிக்கு கீழே குப்பைத் தொட்டியை வைப்பதுண்டு. நீங்களும் உங்கள் வீட்டில் அப்படி வைத்திருந்தால், உடனே அதை எடுத்துவிடுங்கள். குப்பைத் தொட்டியானது கிருமிகள் அதிகம் நிறைந்தது மட்டுமின்றி. வீட்டினுள் எதிர்மறை ஆற்றலை ஈர்க்கும். இதனால் வீட்டில் பல பிரச்சனைகளை ஏற்படும். எனவே இதைத் தவிர்க்க குப்பைத் தொட்டியை உடனே மாடிப்படிக்கு கீழே இருந்து அகற்றுங்கள்.

பூஜை அறை

உங்கள் வீட்டின் பூஜை அறையை மாடிப்படிக்கு கீழே வைக்கக்கூடாது. மாடிப்படிக்கு கீழே உள்ள பகுதியானது இருட்டாக இருக்கும் பகுதி. இந்த இருட்டான பகுதியில் பூஜை அறையை அமைப்பது வாஸ்துப்படி வீட்டில் தோஷத்தை உண்டாக்கும். எனவே இதைத் தவிர்த்திடுங்கள்.

காலணிகள்

வாஸ்துப்படி, காலணிகளை வீட்டின் மாடிப்படிக்கு கீழே வைக்கக்கூடாது. அதேப் போல் காலணிகளை வீட்டினுள்ளும் வைக்கக்கூடாது. ஏனெனில் காலணிகளானது எதிர்மறையை பரப்பக்கூடியது. அவற்றை வீட்டினுள் விடும் போது, அந்த வீட்டில் எதிர்மறை ஆற்றல் அதிகரித்து, வீட்டினுள் பிரச்சனைகளை அதிகரிக்கும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)