வாஸ்துப்படி, வீட்டின் இந்த திசையில் செருப்புக்களை வெக்காதீங்க.. இல்லன்னா வீட்டுல பிரச்சனை அதிகரிக்கும்..

காலணிகள் தலைகீழாக இருக்கக்கூடாது

வீட்டிற்கு வெளியே கழற்றிவிட்டு வரும் காலணியானது நேராக இருக்க வேண்டும். எப்போதும் காலணிகளை தலைகீழாக விடக்கூடாது. அதேப் போல் காலணிகள் சிதறி இருக்கக்கூடாது. காலணிகள் சிதறி இருக்கும் வீட்டில் சனியின் கெடு பலன்கள் கிடைக்கும். ஏனெனில் காலணிக்கும், சனிக்கும் தொடர்பு இருப்பதாக சாஸ்திரம் கூறுகிறது. எனவே இந்த தவறை செய்யாதீர்கள்.

காலணிகள் அங்கும் இங்கும் இருக்கக்கூடாது

வாஸ்து சாஸ்திரத்தின் படி, வீட்டின் வெளியே விடப்படும் காலணிகளை ஒழுங்கான முறையில் வைத்திருக்க வேண்டும். ஒருவேளை காலணிகள் அங்கும் இங்கும் ஒழுங்கற்று இருந்தால், அது வீட்டிற்கு எதிர்மறை ஆற்றலை நுழையச் செய்து, அந்த வீட்டில் பிரச்சனைகளை அதிகரிக்கும். எனவே காலணிகளை ஒரு மூலையில் சரியாக அடுக்கி வையுங்கள்.

எந்த திசையில் செருப்புக்களை வைக்க வேண்டும்?

வாஸ்துப்படி, காலணிகளை எப்போதும் மேற்கு திசையில் ஒழுங்காக அடுக்கி வைக்க வேண்டும். மேலும் வீட்டில் பயன்படுத்தாத மற்றும் அறுந்து போன காலணிகள் இருந்தால், அவற்றை உடனே அப்புறப்படுத்துங்கள். இல்லாவிட்டால், அதன் மூலம் வீட்டிற்கு எதிர்மறை ஆற்றல் ஊடுருவி வீட்டில் உள்ளோரிடையே பிரச்சனைகளை அதிகரிக்கும்.

காலணிகளை எங்கு வைக்கக்கூடாது?

செருப்பு, ஷூ வைக்கும் ரேக்கை வீட்டின் பூஜை அறை அல்லது சமையலறை சுவற்றை ஒட்டி வைக்கக்கூடாது. இதனால் லட்சுமி தேவி கோபம் கொண்டு நிதி பிரச்சனையை சந்திக்க வைப்பார். அது மட்டுமின்றி வீட்டின் கிழக்கு, வடக்கு அல்லது, தென்கிழக்கு மற்றும் வடகிழக்கு திசைகளில் செருப்பு ரேக்கை அமைக்கக்கூடாது. வேண்டுமானால் வடமேற்கு அல்லது தென்மேற்கு திசைகளில் செருப்பு ரேக்கை அமைக்கலாம்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)