பெண்களே! உங்க உடலில் இந்த அறிகுறிகள் இருந்தால் உங்க யோனியில் ஏதோ பிரச்சினை உள்ளது என்று அர்த்தமாம்!

மனித உடல் பல அதிசயங்களும், புதிர்களும் நிறைந்தது. யோனி ஒரு சுய சுத்தப்படுத்தும் உறுப்பாகும், ஆனால் அதன் வெளிப்புறத்தை சுத்தமாக வைத்துக்கொள்ள வேண்டியது மிகவும் அவசியமானது.

யோனியின் வெளிப்புறத்தை நறுமணமற்றது சாதாரண சோப்பு மூலம் கழுவுதல் மற்றும் நீர் உங்களை சுத்தமாகவும் ஆரோக்கியமாகவும் வைத்திருக்க போதுமானதாக இருக்க வேண்டும். இது அசுத்தங்கள், கிருமிகள் மற்றும் துர்நாற்றம் இல்லாமல் பிறப்புறுப்பை பாதுகாக்கும்.

உங்கள் பிறப்புறுப்பின் எந்தப் பகுதியிலும் அரிப்பு, காயம் அல்லது எரிச்சல் இல்லாமல் இருக்க வேண்டியது அவசியம். ஆனால் உங்கள் பிறப்புறுப்பில் அத்தகைய அறிகுறியை நீங்கள் அனுபவித்தால், உங்கள் யோனி ஆரோக்கியத்தில் பிரச்சினை இருப்பதாக அர்த்தம். உங்கள் யோனி ஆரோக்கியமாக இல்லை என்பதை வெளிப்படுத்தும் அறிகுறிகள் என்னென்ன என்று இந்த பதிவில் பார்க்கலாம்.

மீன் நாற்றம்

உங்கள் பிறப்புறுப்பில் ஒரு மீன் வாசனை இருந்தால், அது பாக்டீரியா வஜினோசிஸின் (BV) அறிகுறியாக இருக்கலாம், இது பாக்டீரியாவின் அதிகப்படியான வளர்ச்சி மற்றும் யோனியில் pH சமநிலையின்மை ஆகியவற்றால் ஏற்படுகிறது. இந்த மீன் வாசனையானது தெளிவான வெள்ளை நிற வெளியேற்றத்துடன் இருக்கலாம். மகப்பேறு மருத்துவரால் பரிந்துரைக்கப்படும் ஆன்டி பயாட்டிக் மூலம் இதனை எளிதில் குணப்படுத்த முடியும். மேலும் உங்கள் டயட்டை மாற்றுவது மற்றும் ஆரோக்கியமான உணவுகளைத் தேர்ந்தெடுப்பது உதவக்கூடும். அதேசமயம் பச்சை நிற வெளியேற்றத்துடன் ஒரு வலுவான வாசனை ஒரு STI இன் அறிகுறியாக இருக்கலாம்.

சீரற்ற வெளியேற்றம்

பாலாடைக்கட்டி போல தோற்றமளிக்கும் அல்லது மஞ்சள் நிறத்தில் இருக்கும் பிறப்புறுப்பு வெளியேற்றம் ஈஸ்ட் அல்லது பூஞ்சை தொற்றுக்கான அறிகுறியாக இருக்கலாம். இவை இறுக்கமான காற்றுப்புக முடியாத உள்ளாடைகளை அணிவதால் அல்லது சர்க்கரை அதிகம் உள்ள ஆரோக்கியமற்ற உணவுகளால் ஏற்படலாம். இந்த நோயைக் கண்டறிய மற்றும் சிகிச்சைக்கு உங்கள் மகளிர் மருத்துவ நிபுணரை அணுகுவது சிறந்தது. அதிகளவு தண்ணீர் குடிப்பது மற்றும் உங்கள் உணவில் ஆரோக்கியமான மாற்றங்களைச் செய்வது உங்களுக்கு நல்ல பலன்களை அளிக்கும்.

இரத்தக்கசிவு

நீங்கள் மாதவிடாய் இல்லாதபோது ஏற்படும் இரத்தப்போக்கு அல்லது ஹார்மோன் சமநிலையின் அறிகுறியாக இருக்கலாம். உடலுறவுக்குப் பிறகு இரத்தப்போக்கு கர்ப்பப்பை வாய்ப் புற்றுநோயின் அறிகுறியாக இருக்கலாம். இருப்பினும், இது புற்றுநோயின் அறிகுறியாக இருக்க வேண்டிய அவசியமில்லை. சரியான நோயறிதலுக்கு உங்கள் மகளிர் மருத்துவ நிபுணரை அணுகவும்.

அரிப்பு மற்றும் சிவத்தல்

உங்கள் பிறப்புறுப்பில் அரிப்பு தொடர்ந்து இருந்தால், ஏதோ பிரச்சினை இருப்பதற்கான அறிகுறியாக இருக்கலாம். இது ஹார்மோன் மாற்றங்கள் அல்லது தனிப்பட்ட சுகாதாரப் பொருட்களுக்கு ஒவ்வாமை காரணமாக ஏற்படும் யோனி வறட்சியின் விளைவாக இருக்கலாம். அரிப்பு அல்லது சிவத்தல் ஈஸ்ட் தொற்று, பாலியல் பரவும் நோய்த்தொற்றுகள் (STI கள்) அல்லது பாக்டீரியா வஜினோசிஸ் ஆகியவற்றின் அறிகுறிகளாகவும் இருக்கலாம்.

எரிச்சல்

யோனியில் பொதுவாக அல்லது சிறுநீர் கழிக்கும் போது எரியும் உணர்வை அனுபவிப்பது ஆரோக்கியமற்ற பிறப்புறுப்பு அல்லது சிறுநீர் பாதை நோய்த்தொற்று (UTI) ஆகியவற்றைக் குறிக்கலாம். மற்ற சாத்தியமான காரணங்கள் ஈஸ்ட், பாக்டீரியா அல்லது பாலியல்ரீதியாக பரவும் நோய்த்தொற்றுகளாக இருக்கலாம். அறிகுறிக்கான சரியான காரணத்தைக் கண்டறிய உங்கள் மருத்துவரிடம் சரிபார்க்கவும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.