நீங்க குடிக்கும் சுவையான காபியை ஆரோக்கியமான காபியா மாற்ற இந்த பொருட்களை சேர்த்துக்கோங்க...!

நன்மைகளை இழக்காதீர்கள்

வைட்டமின்களை நீங்கள் தவறவிடாமல் பார்த்து, உங்கள் பானத்தை சூப்பர் சத்தானதாக மாற்றுவதற்கான வழிகள் உள்ளன. உங்கள் மனநிலையை அதிகரிப்பது, இதய ஆரோக்கியத்தை மேம்படுத்துதல், எடை இழப்புக்கு உதவுதல் மற்றும் உண்மையில் உங்களை சுறுசுறுப்பாக்குவது போன்றவற்றிலிருந்து, நன்மைகள் ஏராளமாக உள்ளன. வைட்டமின் சத்துக்காக நீங்க மாத்திரையை எடுப்பதற்கு பதிலாக, ஆரோக்கியமான மற்றும் வைட்டமின் உட்செலுத்தப்பட்ட தொடக்கத்திற்கு பின்வருபவனவற்றை முயற்சிக்கவும்!

MOST READ: இந்த பொருட்களோடு சேர்த்து சாப்பிட்டால் எப்படிபட்ட உணவும் ஆரோக்கியமாக மாறிடும் தெரியுமா?

இலவங்கப்பட்டை

தினமும் காலையில் நீங்கள் அருந்தும் காபியில் சர்க்கரையைத் தவிர்க்க விரும்புகிறவர்கள் இலவங்கப்பட்டையை சிறிதளவு சேர்ப்பது ஒரு சிறந்த ஹேக் ஆகும். இலவங்கப்பட்டை சின்னமால்டிஹைடு என்ற வேதிப்பொருளைக் கொண்டுள்ளது. இது உயிரணுக்களுடன் தொடர்பு கொள்ளும்போது வளர்சிதை மாற்ற விகிதத்தை அதிகரிக்கும். இது சக்திவாய்ந்த நீரிழிவு எதிர்ப்பு விளைவை கொண்டுள்ளது. பல ஆக்ஸிஜனேற்றிகள், வைட்டமின் பி, கே, பீட்டா கரோட்டின், லைகோபீன் ஆகியவைகளை கொண்டுள்ளது. நீங்கள் அருந்தும் காபியில் இலவங்கப்பட்டையை சேர்ப்பது மிகவும் ஆரோக்கியமானது.

இஞ்சி

தினமும் காலை, மாலை என இரண்டு வேலைகளிலும் டீ, காபி அருந்துபவர்கள் இஞ்சியை சேர்த்து இஞ்சி டீ மற்றும் காபியாக அருந்தலாம். இது உங்களுக்கு பல நன்மைகளை வழங்குகிறது.

இஞ்சி வேரில் வலுவான அழற்சி எதிர்ப்பு மற்றும் வைரஸ் எதிர்ப்பு பண்புகள் உள்ளன. இவை உங்கள் நோய் எதிர்ப்பு சக்தியை அதிகரிப்பதில் கைகொடுக்கும். கூடுதலாக, நறுமண மசாலா தசை பதற்றம், குமட்டல், வீக்கம், உதவி செரிமானம் மற்றும் எல்லாவற்றிற்கும் மேலாக, கொழுப்பைக் குறைத்தல் மற்றும் நீரிழிவு அளவை எதிர்த்துப் போராடுவதற்குப் பயன்படுத்தப்படுகிறது. உலர்ந்த இஞ்சி தூளை காபியில் சேர்த்து அருந்தலாம்.

மஞ்சள்

மஞ்சள் இல்லாத சமையலறையே இங்கு கிடையாது. பாரம்பரியாக மஞ்சள் சுகாதார பிரச்சனைகளுக்காக பயன்படுத்தப்படுகிறது. இது காய்கறி மற்றும் இறைச்சிக்கு மட்டும் பயன்படுத்துவதல்ல, இது காபிக்கும் ஒரு அற்புதமான கூடுதலாக செயல்பட முடியும். மஞ்சள் பாரம்பரியமாக நோய் எதிர்ப்பு சக்தியை அதிகரிக்கவும், காயங்களை குணப்படுத்தவும், உடலில் உள்ள ஆன்டி-ஆக்ஸிடன்ட்களை அதிகரிக்கவும் பயன்படுத்தப்படுகிறது. அதன் குணப்படுத்தும் பண்புகள் குர்குமினிலிருந்து வருகின்றன. இது அதிலுள்ள முக்கிய செயலில் உள்ள பொருளாகும். இது பல நன்மை அளிக்கிறது. காபியில் ஒரு சிட்டிகை மஞ்சள் தூளைச் சேர்ப்பது மிகவும் உதவியாக இருக்கும்.

MOST READ: உங்க எலும்புகளை இரும்பு போல் ஆக்க இந்த கீரை ஜூஸ் குடிங்க போதும்...!

தேங்காய் எண்ணெய்/ நெய்

தேங்காய் எண்ணெய் மற்றும் நெய் இரண்டும் உங்கள் உடலுக்கு ஆரோக்கியத்தை வழங்குகின்றன. அவை ஒவ்வொரு நாளும் உங்கள் காபியிலும் நீங்கள் சேர்க்கலாம். நெய் அல்லது தேங்காய் எண்ணெய் போன்ற சத்தான கொழுப்பைப் பயன்படுத்துவது பசி ஹார்மோனின் உற்பத்தியை கட்டுப்படுத்துகிறது. செரிமானத்தை மெதுவாக்கி, உங்களை குறைவாக சாப்பிட வைக்கும். தேங்காய் எண்ணெய் வைட்டமின் ஈ உள்ளடக்கத்தில் மிக அதிகமாக இருக்கும் போது, நெய்யில் ஏ, டி, ஈ, கே மற்றும் ஒமேகா 3 மற்றும் ஒமேகா 9 கொழுப்பு அமிலங்கள் போன்ற வைட்டமின்கள் நிறைந்துள்ளன.

ஏலக்காய்

ஏலக்காய், பாரம்பரிய மருத்துவத்தில் பயன்படுத்தபடுகிறது. இது நுண்ணுயிர் எதிர்ப்பு பண்புகளைக் கொண்டுள்ளது. மேலும் சுவையை அதிகரிக்கிறது. அத்தியாவசிய தாதுக்கள் மற்றும் புற்றுநோயை எதிர்க்கும் கலவைகள் கூட இதில் உள்ளன. இது சில நார்ச்சத்துக்களால் நிரம்பியுள்ளது. இது உங்கள் செரிமான அமைப்பை சீராக்க உதவும். சிறந்த நன்மைகளைப் பெற உங்கள் தினசரி கோப்பையில் ஏலக்காய் பொடியைச் சேர்க்கவும்.