For Quick Alerts
ALLOW NOTIFICATIONS  
For Daily Alerts

இந்த சைவ உணவுகளால் உங்கள் ஆயுள் குறையும் ஆபத்து அதிகரிக்கிறதாம்... ஜாக்கிரதையா சாப்பிடுங்க...!

|

சரிவிகித உணவை உட்கொண்டாலும், சில உணவுகள் உங்களை மரணத்திற்கு மிகவும் நெருக்கமாக கொண்டு செல்லும் என்பது உங்களுக்குத் தெரியுமா? நீங்கள் நம்பாவிட்டாலும் அதுதான் உண்மை. பொதுவாக உடலுக்கு ஆபத்தை ஏற்படுத்தும் உணவுகள் என்று வரும்போது அசைவ உணவுகள் மீதுதான் அனைவரின் சந்தேகமும் இருக்கும். ஆனால் உண்மை முற்றிலும் வித்தியாசமானது.

சில சைவ உணவுகளும் உங்கள் ஆயுளில் நேரடித் தாக்கத்தை ஏற்படுத்தும். ஆரோக்கியமாக சாப்பிட்டாலும், ஒரு தவறு உங்கள் எல்லா முயற்சிகளையும் குழப்பிவிடும். உங்கள் ஆயுளை ரகசியமாக குறைக்கக்கூடிய சைவ உணவுகள் என்னென்ன என்று இந்த பதிவில் பார்க்கலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
சரிவிகித உணவு போதுமானதா?

சரிவிகித உணவு போதுமானதா?

ஆரோக்கியம் மற்றும் உடற்தகுதி குறித்த விழிப்புணர்வு அதிகரித்து வருவதால், மக்கள் படிப்படியாக சைவ உணவு உண்பவர்களாக மாறி, ஆரோக்கியமான உணவு என்ற கருத்துக்கு ஏற்ப மாறி வருகின்றனர். பழங்கள், காய்கறிகள், முழு தானியங்கள், இறைச்சிகள் மற்றும் பதப்படுத்தப்பட்ட உணவுகள் ஆகியவற்றின் கலவையான மத்தியதரைக் கடல் உணவை அதிகமான மக்கள் பின்பற்றுவதற்கு இதுவே காரணம். சமச்சீரான அணுகுமுறையைக் கொண்ட உணவுகள் ஆயுட்காலம் குறைந்தது 13 ஆண்டுகள் வரை அதிகரிக்கும் என்று நம்பப்படுகிறது.

ஆய்வு சொல்வது என்ன?

ஆய்வு சொல்வது என்ன?

அமெரிக்கன் ஜர்னல் ஆஃப் கிளினிக்கல் நியூட்ரிஷனின் சமீபத்திய ஆய்வின் மூலம் ஒரு அதிர்ச்சியளிக்கும் தகவல் வெளிவந்துள்ளது, ஆரோக்கியமான உணவைப் பின்பற்றும் சைவ உணவு உண்பவர்களிடையே கூட சில வகையான உணவுகள் இறப்பு அபாயத்தை அதிகரிக்கின்றன என்பதை இந்த ஆய்வுக் கண்டறிந்துள்ளது. உங்கள் ஆரோக்கியமான உணவு முயற்சிகளை அழித்து, உங்களை மரணத்திற்கு ஒரு படி மேலே இழுத்துச் செல்லும் உணவுகள் என்னென்ன என்று மேற்கொண்டு பார்க்கலாம்.

பதப்படுத்தப்பட்ட மற்றும் பேக் செய்யப்பட்ட உணவுகள்

பதப்படுத்தப்பட்ட மற்றும் பேக் செய்யப்பட்ட உணவுகள்

நீங்கள் சிப்ஸ், பேக்கேஜ் செய்யப்பட்ட ரொட்டிகள், மிட்டாய்கள் போன்றவற்றை சாப்பிட விரும்புபவரா? இந்த தீவிர பதப்படுத்தப்பட்ட உணவுகள் உங்கள் ஆரோக்கியமான உணவை சேதப்படுத்தும், ஏனெனில் இந்த உணவுகள் ஆரோக்கியத்திற்கு மிகவும் ஆபத்தானவை. இந்த பேக் செய்யப்பட்ட மற்றும் பதப்படுத்தப்பட்ட உணவுகளில் சேர்க்கைகள், பாதுகாப்பு பொருட்கள், அதிகப்படியான உப்பு, டிரான்ஸ் கொழுப்புகள் மற்றும் சர்க்கரை ஆகியவை உள்ளன, இவை நேரடியாக ஆரோக்கியத்தைப் பாதிக்கின்றன. லோமா லிண்டா பல்கலைக்கழகம் நடத்திய ஆய்வின்படி, 75,000 பங்கேற்பாளர்களின் மாதிரி பகுப்பாய்வு செய்யப்பட்டது, அங்கு அதிக அளவில் பதப்படுத்தப்பட்ட உணவுகளை சாப்பிடுவது மக்களை எவ்வாறு பாதிக்கிறது என்பதைக் கண்டறிந்தது.

பதப்படுத்தப்பட்ட உணவு ஆரோக்கியத்தை எப்படி பாதிக்கிறது?

பதப்படுத்தப்பட்ட உணவு ஆரோக்கியத்தை எப்படி பாதிக்கிறது?

தீவிர பதப்படுத்தப்பட்ட உணவுகளை உண்பது சைவ உணவு உண்பவர்கள் மற்றும் அசைவ உணவு உண்பவர்கள் ஆகிய இருவரையும் பாதிக்கிறது என்று ஆராய்ச்சி எடுத்துக்காட்டியது; இருவரும் "இறப்பு விளைவுகளில் ஒரே மாதிரியான விகிதாச்சார அதிகரிப்பை எதிர்கொண்டனர்" என்று காணப்பட்டது. சுருக்கமாக சொல்ல வேண்டுமென்றால், தீவிர பதப்படுத்தப்பட்ட உணவுகளை சாப்பிடுவது ஆயுட்காலத்தை குறைக்கிறது. நீங்கள் இறைச்சியைத் தவிர்த்தாலும் கூட. ஆய்வின்படி, பதப்படுத்தப்பட்ட மற்றும் தொகுக்கப்பட்ட உணவுகள் நீரிழிவு, இருதய நோய்கள், நாள்பட்ட அடைப்புக்குரிய நுரையீரல் நோய், நரம்பியல் பிரச்சினைகள் டிமென்ஷியா, பார்கின்சன் போன்ற கோளாறுகளுடன் தொடர்புடையது மற்றும் இவற்றால் பக்கவாதம் ஏற்படும் அபாயம் அதிகரிக்கும்.

சர்க்கரை

சர்க்கரை

இறப்பு அபாயத்தை அதிகரிப்பதற்கு சர்க்கரை மற்றொரு முக்கிய காரணம். நீங்கள் ஆரோக்கியமான அல்லது சைவ உணவு உண்பவராக இருந்தாலும் கூட, மிட்டாய்கள், பேக் செய்யப்பட்ட ஜெல்லிகள், ஜாம்கள், சாஸ்கள் போன்ற தொகுக்கப்பட்ட உணவுகளில் சர்க்கரை அல்லது பதப்படுத்தப்பட்ட சர்க்கரையை அதிகமாக உட்கொள்வது வாழ்க்கை முறை சீர்குலைவுகளின் அபாயத்தைத் தூண்டும். சைவ உணவை உண்பது நல்ல ஆரோக்கியத்தை உறுதி செய்யும் என்று ஒரு கருத்து உள்ளது, ஆனால் நிபுணர்கள் சைவ உணவுகளை உட்கொண்டாலும், முட்டை, இறைச்சி மற்றும் பதப்படுத்தப்பட்ட கொழுப்புகளை குறைத்தாலும், அதிகப்படியான சர்க்கரையை உட்கொள்வது ஆரோக்கியத்தில் இதேபோன்ற தீங்கு விளைவிக்கும் மற்றும் நீரிழிவு, இதய நோய்களின் அபாயத்தை அதிகரிக்கும். இது இறப்பு அபாயத்தை அதிகரிக்கிறது.

உப்பு

உப்பு

நீங்கள் சைவ உணவை உண்பவராக இருந்தாலும், அதிகப்படியான உப்பு உட்கொள்வது உங்கள் முயற்சிகளை பாழாக்கிவிடும். உப்பு அதிகம் உள்ள பிரைஸ், மஞ்சி, நம்கீன் போன்ற உணவுகள் இரத்த அழுத்த அபாயத்தை அதிகரிக்கலாம், இது நீண்ட காலத்திற்கு இருதய ஆரோக்கியத்தைப் பாதித்து பக்கவாதம் ஏற்படும் அபாயத்தை அதிகரிக்கும். எனவே, ஆயுட்காலம் அதிகரிக்க புதிய மற்றும் வீட்டிலேயே தயாரிக்கப்பட்ட, பருவகால மற்றும் பதப்படுத்தப்படாத உணவை உண்பது சிறந்தது.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

Vegetarian Foods That Can Reduce Your Lifespan in Tamil

Here is a list of vegetarian foods that can secretly reduce your lifespan.
Story first published: Saturday, May 28, 2022, 18:20 [IST]
Desktop Bottom Promotion