கருத்தடை மாத்திரை பயன்படுத்துவது உங்கள் செக்ஸ் வாழ்க்கையில் என்னென்ன பாதிப்பை ஏற்படுத்தும் தெரியுமா?

கருத்தடை மாத்திரைகள்

பல்வேறு வகையான கருத்தடை மாத்திரைகள் உள்ளன. அவை அனைத்தும் ஈஸ்ட்ரோஜன், புரோஜெஸ்ட்டிரோன் அல்லது இரண்டின் ஹார்மோன்களின் செயற்கை வடிவங்களைக் கொண்டுள்ளன. செயற்கை புரோஜெஸ்ட்டிரோன் புரோஜெஸ்டின் என்று அழைக்கப்படுகிறது. கூட்டு மாத்திரைகளில் புரோஜெஸ்டின் மற்றும் ஈஸ்ட்ரோஜன் உள்ளன. "மினி மாத்திரையில்" புரோஜெஸ்டின் மட்டுமே உள்ளது.

MOST READ:ஆண்களே! உங்கள் விந்தணுக்களின் எண்ணிக்கை குறைவதற்கு இந்த உணவுகள்தான் காரணமாம்...!

அதிக இரத்தப்போக்கு

பெண்களுக்கு இரத்தப்போக்கு எதிர்பார்த்த காலங்களுக்கு இடையில் வருவது பொதுவானது. இந்த பிரச்சனை மாத்திரையை எடுக்கத் தொடங்கிய மூன்று மாதங்களுக்குள் தீர்க்கப்படும். ஆனால், நீங்கள் மாத்திரைகளை எடுத்துக்கொள்ளும்போது, அதிக இரத்தப்போக்கு ஏற்பட்டாலோ மற்றும் அதிக நாட்கள் ஏற்பட்டாலும் மருத்துவரை அணுகுவது நல்லது.

குமட்டல்

முதலில் மாத்திரையை எடுத்துக் கொள்ளும்போது சிலர் லேசான குமட்டலை அனுபவிக்கிறார்கள். ஆனால் அறிகுறிகள் பொதுவாகச் சிறிது நேரம் கழித்துக் குறையும். மாத்திரையை உணவுடன் அல்லது படுக்கை நேரத்தில் எடுத்துக்கொள்வது உதவக்கூடும். அடிக்கடி குமட்டல் வந்துகொண்டிருந்தால் அல்லது 3 மாதங்களுக்கும் மேலாக நீடித்தால், மருத்துவரிடம் ஆலோசனை கேட்பது நல்லது.

மார்பக மென்மை

பிறப்பு கட்டுப்பாட்டு மாத்திரைகள் மார்பக விரிவாக்கம் அல்லது மென்மையை ஏற்படுத்தக்கூடும். இது பொதுவாக மாத்திரையை சாப்பிட தொடங்கிய சில வாரங்களுக்குப் பிறகு தொடங்கலாம். மார்பகத்தில் கட்டி ஏற்பட்டால் அல்லது தொடர்ந்து வலி ஏற்பட்டால் மருத்துவ உதவியை நாட வேண்டும்.

MOST READ:உங்கள் உறவு மகிழ்ச்சியாக அமைய உங்கள் துணையுடன் நீங்க இத செய்யுங்க போதும்...!

தலைவலி

கருத்தடை மாத்திரைகளில் உள்ள ஹார்மோன்கள் தலைவலி மற்றும் ஒற்றைத் தலைவலியின் வாய்ப்பை அதிகரிக்கும். வெவ்வேறு வகையான ஹார்மோனின் அளவுகளைக் கொண்ட மாத்திரைகள் வெவ்வேறு அறிகுறிகளைத் தூண்டக்கூடும். குறைந்த அளவிலான மாத்திரையை பயன்படுத்துவதால் தலைவலி ஏற்படுவதைக் குறைக்கலாம். அறிகுறிகள் பொதுவாக காலப்போக்கில் மேம்படும். ஆனால், நீங்கள் மாத்திரையை எடுக்கத் தொடங்கும் போதே, கடுமையான தலைவலி தொடங்கினால், நீங்கள் மருத்துவ ஆலோசனையைப் பெற வேண்டும்.

எடை அதிகரிப்பு

கருத்தடை மாத்திரைகள் மற்றும் எடை அதிகரிப்பு மற்றும் குறைப்பு ஆகியவற்றுக்கு இடையே ஒரு நிலையான தொடர்பை மருத்துவ ஆய்வுகள் கண்டறியவில்லை. ஆனால், சில வகையான கருத்தடை மாத்திரைகளை சாப்பிடுவதால், எடை அதிகரிப்பு ஏற்படக்கூடும் என்று கூறப்படுகிறது. சில வகையான ஹார்மோன் கருத்தடை மாத்திரைகள் உடல் எடை குறைவுடன் இணைக்கப்பட்டுள்ளது.

மனநிலை மாற்றங்கள்

கருத்தடை மருந்துகள் பயனாளரின் மனநிலையை பாதிக்கும் மற்றும் மனச்சோர்வு அல்லது பிற உணர்ச்சி மாற்றங்களின் அபாயத்தை அதிகரிக்கும் என்று பல ஆய்வு முடிவுகள் தெரிவிக்கின்றன. இது உங்களை உடல் ரீதியாகவும், மனரீதியாகவும் அதிகம் பாதிக்கும். மாத்திரை பயன்பாட்டின் போது மனநிலை மாற்றங்களை ஏதும் ஏற்பட்டால், மருத்துவரை தொடர்பு கொள்வது அவசியம்.

MOST READ:காதலர்களே...உங்க பட்ஜெட்குள்ள உங்க லவ்வர டேட்டிங் கூட்டிட்டு போகணுமா?... அப்ப இத படிங்க...!

மாதவிடாய்

கருத்தடை மாத்திரையை நீங்கள் சரியாக சாப்பிட்டாலும், ஒரு சில நேரங்களில் மாதவிடாய் வராமல் இருக்கலாம்.. மன அழுத்தம், பயணம், ஹார்மோன் மற்றும் தைராய்டு போன்ற காரணங்களால்கூட இந்த பாதிப்பு ஏற்பட வாய்ப்புள்ளது. மாத்திரையைப் பயன்படுத்தும் போது, மாதவிடாய் வராமல் இருந்தால், அடுத்த பேக்கைத் தொடங்குவதற்கு முன்பு கர்ப்ப பரிசோதனை செய்து கொள்வது நல்லது.

லிபிடோ குறையும்

கருத்தடை மாத்திரையை உபயோகிக்கும்போது, அது ஹார்மோன்களை பாதிக்க வாய்ப்பிருக்கிறது. சிலருக்கு செக்ஸ் டிரைவ் அல்லது லிபிடோ பாதிப்பை ஏற்படுத்தும். லிபிடோ (செக்ஸ் இயக்கம்) குறைந்து நீடித்தால், மருத்துவருடன் ஆலோசனை செய்வது நல்லது. ஏஏளூ, மாதவிடாய் தசைப்பிடிப்பு, மாதவிடாய் முன் நோய்க்குறி, எண்டோமெட்ரியோசிஸ் மற்றும் கர்ப்பப்பையில் வலி ஏற்படுதல் போன்றவையும் நிகழலாம்.

யோனி வெளியேற்றம்

மாத்திரையை எடுத்துக் கொள்ளும்போது யோனி வெளியேற்றத்தில் மாற்றங்கள் ஏற்படலாம். இதன்காரணமாக யோனி உயவு அதிகரிப்பு அல்லது குறைவு அல்லது வெளியேற்றத்தின் தன்மையில் மாற்றம் ஏற்படலாம். இந்த மாற்றங்கள் பொதுவாக தீங்கு விளைவிப்பவை அல்ல. ஆனால் நிறம் அல்லது வாசனையின் மாற்றங்கள் தொற்றுநோயை ஏற்படுத்த வாய்ப்புள்ளது.

MOST READ:உடலுறவில் கூடுதல் சுவாரஸ்யம் அடைவதற்கான புதிய வழிகள் என்னென்ன தெரியுமா?

கண்களில் பாதிப்பு

கருத்தடை மாத்திரையால் ஏற்படும் ஹார்மோன் மாற்றங்களால் கண்களில் கார்னியா தடிமனாக இணைக்கப்பட்டுள்ளன. கண் நோய்க்கான ஆபத்துடன் தொடர்புடையதாக இருக்க வாய்ப்புள்ளது. மாத்திரை பயன்பாட்டின் போது பார்வை அல்லது லென்ஸ் சகிப்புத்தன்மையில் ஏதேனும் மாற்றங்கள் ஏற்பட்டால் காண்டாக்ட் லென்ஸ் அணிபவர்கள் தங்கள் கண் மருத்துவரை அணுகுவது நல்லது.

நீண்ட கால பாதிப்பு

கருத்தடை மாத்திரை பயன்படுத்துவதால் குறுகிய காலத்தில் பல பிரச்சனைகள் ஏற்படும். அதேபோன்று, நீண்ட கால பாதிப்பும் ஏற்பட வாய்ப்பு அதிகம் உள்ளது. பல்வேறு பாதிப்புகளை ஏற்படுத்தும் கருத்தடை மாத்திரையை அதிகமாக உபயோகப்படுத்தாதீர்கள். மருத்துவரின் ஆலோசனைப் படி உபயோகப்படுத்தும்போது, இந்த பாதிப்புகளிலிருந்து உங்களை நீங்கள் பாதுகாக்கலாம்.

இதய பிரச்சனைகள்

மார்பக புற்றுநோய்

கர்ப்பப்பை வாய் புற்றுநோய்

கல்லீரல் புற்றுநோய்