கொரோனா வைரஸ் காலத்தில் உடலுறவு கொள்வது பாதுகாப்பானதா? பாதுகாப்பாக உடலுறவு கொள்வது எப்படி?

காதலியுடன் வெளியே செல்லலாமா?

கொரோனா குறித்த எச்சரிக்கைகள் அனைவரும் அறிந்ததுதான். கிட்டதட்ட ஊரடங்கு உத்தரவு போடப்பட்டது போல அனைத்து பொது இடங்களும் காலியாகத்தான் உள்ளது. இந்த சூழ்நிலையில் உங்கள் துணையுடன் வெளியே செல்வது உங்களுக்கு நல்லதல்ல. ஏனெனில் உங்கள் இருவருக்கும் நோய்த்தொற்று இலையென்றாலும் வெளியே செல்லுமிடத்தில் தொற்று ஏற்பட வாய்ப்புகள் உள்ளது. இருவருக்குமே வைரஸ் தொற்று இல்லாத பட்சத்தில் உங்கள் ரொமான்ஸை வீட்டிற்குள்ளேயே வைத்துக்கொள்ளுங்கள்.

முத்தம் கொடுக்கலாமா?

நியூயார்க் டைம்ஸ் அறிக்கையின் படி முத்தமிடுவது நிச்சயமாக கொரோனா தொற்றை ஏற்படுத்தும். ஆனால் உங்கள் இருவருக்கும் தொற்று இல்லாதது உறுதியாக இருந்தால் நீங்கள் தாராளமாக முத்தமிடலாம். இருவரில் ஒருவருக்கு கொரோனாவின் அறிகுறி இருந்தாலும் முத்தமிடுவதை தவிர்ப்பது நல்லது. குறிப்பாக புதிதாக சந்திப்பவர்களை முத்தமிடுவதே என்பது அறவே கூடாது.

உடலுறவு கொள்ளலாமா?

கொரோனா வைரஸ் பாலியல் உறவு மூலம் பரவாது. இதனைப் பற்றி உலக சுகாதர நிறுவனம் முழுமையான அறிக்கை இன்னும் வெளியிடவில்லை. இருப்பினும் இதுவரை கண்டறிந்தவரை நேருக்கு நேர் பார்த்து பேசுவது மூலமும், தொடுவது மூலமும்தான் கொரோனா பரவுகிறது, உடலுறவு மூலமாக அல்ல. ஆனால் பேசாமலோ அல்லது தொடாமலோ உடலுறவு கொள்வது என்பது சாத்தியமானதல்ல. உங்கள் கணவன் அல்லது மனைவிக்கு நோய்த்தொற்று இல்லையென்றால் தாரளமாக உடலுறவு கொள்ளலாம். நோய் அறிகுறிகள் இருப்பின் தொடுவதை கூட தவிர்க்கவும். புதிதாக அறிமுகமானவர்களுடன் உறவு வைத்துக்கொள்ள வேண்டாம்.

சுயஇன்பம் செய்யலாமா?

பாலியல் செயல்பாடுகள் மூலம் கொரோனா பரவாது என்பதுதான் இதுவரை கண்டறியப்பட்டது. இதனால் உங்கள் சுயஇன்ப வாழ்க்கையில் எந்த மாற்றங்களும் தேவையில்லை. ஆனால் உங்கள் கைகளை தொடர்ந்து சுத்தப்படுத்திக் கொள்வதை உறுதிபடுத்திக் கொள்ளவும்.

பிறப்புறுப்பில் சானிடைசர் பயன்படுத்தலாமா?

இந்த தவறை ஒருபோதும் செய்துவிடாதீர்கள். உலக சுகாதார நிறுவனத்தின் வழிகாட்டுதலின் படி, நீங்கள் சானிடைசர்களை பயன்படுத்தி கைகளை கழுவும்போது அது உங்கள் கைகள் வழக்கத்தை விட உலர்வாக இருப்பதை உணரலாம். இது பிறப்புறுகளுக்கும் பொருந்தும், ஏனெனில் சானிடைசரின் முதல் மூலப்பொருளே ஐசோபிரைல் ஆல்கஹால் ஆகும். இது பிறப்புறுப்பு பயன்பாட்டிற்கு பாதுகாப்பானது அல்ல. இது எரிச்சல் மற்றும் நமைச்சலை ஏற்படுத்தும். பிறப்புறுப்பை சுத்தமாக வைத்துக்கொள்ள மென்மையான வாசனை இல்லாத சோப்புகளை பயன்படுத்தவும்.