இரும்பு சத்து குறைபாட்டால் ஏற்படும் இந்த நோய் உங்க உயிருக்கே ஆபத்தை ஏற்படுத்துமாம்...!

இரத்த சோகை

ஆரோக்கியமாக இருக்க வைட்டமின்கள் மற்றும் தாதுக்கள் போதுமான அளவு உட்கொள்வது முக்கியம் என்பதை நாம் அனைவரும் அறிவோம். ஊட்டச்சத்துக்களில் ஏதேனும் ஒரு குறைபாடு நம் ஆரோக்கியத்தில் எதிர்மறையான தாக்கத்தை ஏற்படுத்தும். இரும்பு விஷயத்தில் அதே விஷயம் நடக்கும். உடலில் சிவப்பு ரத்த அணுக்களை உருவாக்குவதற்கு இரும்புசத்துதான் பொறுப்பு. உடலின் வெவ்வேறு பகுதிகளுக்கு ஆக்ஸிஜனை எடுத்துச் செல்ல போதுமான சிவப்பு இரத்த அணுக்களை உடல் உற்பத்தி செய்யாதபோது அது இரத்த சோகையாக மாறும்.

யாருக்கு அதிகம் காணப்படுகிறது?

இரும்புச்சத்து குறைபாடு இரத்த சோகை மாதவிடாய் மற்றும் கர்ப்பிணிப் பெண்களில் அதிகம் காணப்படுகிறது. இது உங்களை சோர்வாகவும் பலவீனமாகவும் உணரக்கூடும். இரத்த சோகை அதன் காரணத்தைப் பொறுத்து லேசான அல்லது கடுமையான, தற்காலிக அல்லது நிரந்தரமாக இருக்கலாம்.

MOST READ: கொரோனாவால் ஏற்பட போகும் வேலை இழப்புகள்... உங்கள எத்தனை ஆண்டுகள் பின்னோக்கி இழுக்கப்போகிறது தெரியுமா?

இரத்த சோகைக்கான காரணங்கள்

• மூன்று முக்கிய காரணங்களால் இரத்த சோகை ஏற்படலாம்.
• இரத்த சிவப்பணுக்களின் உற்பத்தி குறைதல்
• அதிகப்படியான இரத்தப்போக்கு
• அதிகளவில் இரத்த சிவப்பு அணுக்களை அழிதல்



இரத்த சோகையின் அறிகுறிகள்

இரத்தச் சோகையின் மிகவும் பொதுவான அறிகுறி உடல் சோர்வும் பலவீனமுமே ஆகும். பின்வருவனையும் இரத்த சோகைக்கான பிற அறிகுறிகள்.

• மூச்சடைப்பு
• தலைசுற்றல்
• தலைவலி
• கை கால்கள் குளிர்தல்
• தோல் வெளிறுதல்
• நெஞ்சுவலி



எவ்வளவு ஆபத்தானது?

இரும்புச்சத்து அளவை அதிகரிப்பதன் மூலமோ அல்லது கூடுதல் மருந்துகளை எடுத்துக்கொள்வதன் மூலமோ இரும்புச்சத்து குறைபாட்டை எளிதில் சரிசெய்ய முடியும். இருப்பினும், சிகிச்சையளிக்கப்படாவிட்டால் இது பிற உடல்நலப் பிரச்சினைகளுக்கு வழிவகுக்கும்.

MOST READ: குழந்தைகள் மூலம் பெரியவர்களுக்கு கொரோனா பரவுமா? ஆய்வு என்ன சொல்லுகிறது?



ஒழுங்கற்ற இதயத் துடிப்பு

உடலில் சிவப்பு ரத்த அணுக்கள் பற்றாக்குறை இருப்பதால், உங்கள் இதயம் அதிக இரத்தத்தை செலுத்த வேண்டும். இது ஒழுங்கற்ற இதயத் துடிப்புக்கு வழிவகுக்கும் மற்றும் தீவிர நிகழ்வுகளில், ஒரு நபர் இதய செயலிழப்பு அல்லது விரிவாக்கப்பட்ட இதய நோயால் பாதிக்கப்படலாம். இது உயிருக்கு ஆபத்தான விளைவுகளை ஏற்படுத்தும்.



கர்ப்ப சிக்கல்கள்

இரத்தச் சோகையுள்ள கர்ப்பிணிப் பெண்களுக்கு பேறுகாலத்திற்கு முன்னும் பின்னும் சிக்கலான பிரச்சினைகள் ஏற்படும் வாய்ப்புகள் அதிகம். பேறுகாலத்திற்குப் பின்னான மனவழுத்தம் ஏற்படவும் கூடும். மேலும், கர்ப்பிணிப் பெண்களில் இரும்புச்சத்து குறைபாடு ஒரு குழந்தையின் முன்கூட்டிய பிறப்பு அல்லது குறைந்த எடையுடன் பிறக்க வழிவகுக்கும்.



வளர்ச்சி பாதிப்பு

இரும்புச்சத்து குறைபாட்டால் பாதிக்கப்பட்ட குழந்தைகளின் வளர்ச்சியை தாமதப்படுத்தியிருக்கலாம் மற்றும் தொற்றுநோய்க்கு அதிக வாய்ப்புள்ளது.

MOST READ: எப்பவும் சாப்பிட்டுகிட்டே இருக்கீங்களா? இந்த ஆபத்தான நோய் இருக்க வாய்ப்பிருக்கு...உஷாரா இருங்க..!



உடல் சோர்வு

இரும்புச் சத்துக் குறைவினால் ஏற்படும் இரத்த சோகை ஒருவரை சோர்வாகவும் சோம்பலாகவும் (ஊக்கமின்மை) மாற்றி விடும். இதன் விளைவாக வேலையில் சுறுசுறுப்பாக இல்லாமல் செயலாற்றல் குறைந்தவராக மாறிவிடுவார்.



நோய்த்தடுப்பு அமைப்பு

இரத்த சோகை நோய்த்தடுப்பு மண்டலத்தைத் தாக்கலாம் (உடலின் இயற்கையான நோய்த்தடுப்பு அமைப்பு). இது ஒருவரை நோய்க்கும், தொற்றுநோய்க்கும் எளிதில் பலியாகுமாறு பலவீனமாக்கிவிடும்.



இரும்பு ஆதாரங்கள்

இரும்பு சத்து நிறைந்த உணவு உட்கொள்ளலை அதிகரிக்க இந்த உணவுகளை உங்கள் உணவில் சேர்த்துக்கொள்ளுங்கள். இறைச்சி, பீன்ஸ், பூசணிக்காய், ஸ்குவாஷ் விதைகள், பச்சை இலை காய்கறிகள், திராட்சை, உலர்ந்த பழம் மற்றும் முட்டை ஆகியவற்றை உங்கள் அன்றாட உணவில் சேர்த்துக்கொள்ளுங்கள்.