For Quick Alerts
ALLOW NOTIFICATIONS  
For Daily Alerts

இந்த நாட்களில் இந்த 5 மூலிகை தேநீர்களை நீங்க குடிச்சா ...உங்களுக்கு ஒரு நோயும் வராதாம் தெரியுமா?

|

மழைகாலங்களில் நமக்கு சிறந்த நண்பர்களாக இருப்பது தேநீர்களே! இந்த நாட்களில் தேநீர் அருந்தாதவர்கள் கூட தேநீர் அருந்த விரும்புவார்கள். மழைகாலங்களில் மழையும் தேநீரும் கைகோர்த்து வருகின்றன. அது ஆரோக்கிய உணவுடன் இணைந்தால், அதைவிட சிறந்தது எதுவுமில்லை. பருவமழை மிகவும் குறைவாக மதிப்பிடப்பட்ட பருவங்களில் ஒன்றாகும். மேலும் இது உண்மையில் நமக்குள் இருக்கும் மோசமானதை வெளிப்படுத்தும். பெரும்பாலான மக்கள் குறைவான நோய் எதிர்ப்பு சக்தி, சோம்பல் மற்றும் சோர்வால் பாதிக்கப்படுகிறார்கள். வெப்பநிலை மாற்றம் பலருக்கு ஒரு பெரிய நிவாரணமாக இருந்தாலும், மழைக்குப் பிறகு ஈரப்பதம் நம்மை நோயுறச் செய்யலாம். மழைக்காலத்தில், பெரும்பாலான மக்கள் சளி, இருமல், தும்மல் மற்றும் சில சமயங்களில் காய்ச்சலால் கூட பாதிக்கப்படலாம்.

எனவே, இது போன்ற பிரச்சனைகளை சமாளிக்க உதவும் மூலிகைகளை உங்கள் தேநீரில் சேர்க்கலாம். இந்த மூலிகைகள் உங்கள் தேநீரின் சுவை மற்றும் ஆரோக்கியத்தை அதிகரிப்பது மட்டுமல்லாமல் உங்கள் நோய் எதிர்ப்பு சக்தியையும் அதிகரிக்க உதவுகிறது. இக்கட்டுரையில் மழைகாலங்களில் உங்களுக்கு நன்மை பயக்கும் மூலிகை தேநீர்களைப் பற்றி தெரிந்துகொள்ளலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
மஞ்சள்

மஞ்சள்

மழை காலங்களில் மஞ்சள் தேநீர் சாப்பிடுவது உங்கள் ஆரோக்கியத்திற்கு நல்லது. இது குர்குமின், டெஸ்மெத்தாக்ஸிகுர்குமின் மற்றும் பிஸ்-டெஸ்மெத்தாக்ஸிகுர்குமின் ஆகியவற்றின் வலிமையைக் கொண்டுள்ளது. இது நமது உடலின் உட்புற வலிமையை பலப்படுத்துகிறது. மஞ்சளின் பாக்டீரியா எதிர்ப்பு பண்புகள் காரணமாக, மழைக்காலத்தில் ஏற்படும் பல தொற்று நோய்களுக்கு சிகிச்சை அளிக்க இது உங்களுக்கு உதவும். மேலும், மஞ்சள் தேநீர் உங்கள் எடை இழப்பு திட்டத்திற்கு கூடுதல் நன்மைகளைக் கொடுக்கும்.

துளசி

துளசி

மூலிகைகளின் உலகில், ஒரு பழம்பெரும் ராக்ஸ்டார் துளசி. ஒரு கப் துளசி கலந்த தேநீர் சாப்பிடுவது, நெஞ்சு அடைப்பைத் தணிக்கும். இது மூக்கின் அடைப்பை நீக்கி, தொற்றுநோய்க்கு முற்றுப்புள்ளி வைக்கும். துளசியில் உள்ள வைட்டமின் ஏ, டி, இரும்பு, நார்ச்சத்து மற்றும் பிற கூறுகள் பாக்டீரியாவை அழித்து நோய் எதிர்ப்பு சக்தியை மேம்படுத்த உதவுகின்றன. கூடுதலாக, துளசி நல்ல வாய் மற்றும் பல் ஆரோக்கியத்தை பராமரிக்க ஒரு அற்புதமான மூலிகையாகும்.

சப்தபர்ணா

சப்தபர்ணா

கொசுக்களின் பெருக்கம் மற்றும் மலேரியா அச்சுறுத்தல் இரண்டும் பருவமழையால் அதிகரிக்கிறது. சப்தபர்ண மரம் இந்த நோய்க்கு எதிரான போராட்டத்தில் ஒரு சக்திவாய்ந்த மூலிகை ஆயுதம். இந்த மூலிகை, வெள்ளை சீஸ்வுட் என்றும் குறிப்பிடப்படுகிறது. இது சக்திவாய்ந்த ஆண்டிமலேரியல் பண்புகளைக் கொண்டுள்ளது. இதன் ஆண்டிபிரைடிக் விளைவுகள் காய்ச்சலைக் குறைக்கும். கூடுதலாக, இது மலேரியா தொற்றுக்கு உடலின் ஒட்டுமொத்த எதிர்ப்பை வலுப்படுத்தும். மேலும், இது பல தோல் பிரச்சினைகள் மற்றும் இரைப்பை குடல் வலி நிவாரணத்திற்கு உதவும்.

இஞ்சி

இஞ்சி

மழைகாலங்களில் இஞ்சி உங்களுக்கு பல ஆரோக்கிய நன்மைகளை வழங்குகிறது. சில உணவுகள் மழைகாலங்களில் வயிற்று வலி மற்றும் அசெளகரியத்தை ஏற்படுத்தலாம். இதன் காரணமாக, உங்கள் தேநீரில் இஞ்சியைச் சேர்ப்பது சிறந்தது. இஞ்சி என்பது செரிமானம் மற்றும் வளர்சிதை மாற்றத்தை மேம்படுத்தும் ஒரு மூலிகையாகும். இது நமது குடல் செயல்பாட்டிற்கு உதவுகிறது. மோஷன் சிக்னஸ் அல்லது மார்னிங் சிக்னஸ் போன்றவற்றால் ஏற்படும் குமட்டலைக் கட்டுப்படுத்தவும் இஞ்சி தேநீர் சிறந்த பானமாகும்.

செம்பருத்தி

செம்பருத்தி

செம்பருத்தியில் பீட்டா கரோட்டின், வைட்டமின் சி மற்றும் அந்தோசயனின் நிறைந்துள்ளதால், குறிப்பாக மழைகாலத்தில், ​​தேநீரில் சேர்க்க வேண்டிய முக்கியமான மூலப்பொருளாக உள்ளது. செம்பருத்தி, உங்கள் உள் நோய் எதிர்ப்பு சக்தியை சமநிலையில் வைத்திருக்க உதவுகிறது. விரும்பத்தகாத நோய் அல்லது தொற்றுநோய் ஏற்படுவதைத் தடுக்கிறது. கூடுதலாக, இது நிறைய ஆக்ஸிஜனேற்ற மற்றும் பாக்டீரியா எதிர்ப்பு விளைவுகளைக் கொண்டுள்ளது.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

herbs you can add to your tea this rainy season in tamil

Here we are talking about the herbs you can add to your tea this rainy season in tamil.
Story first published: Tuesday, July 5, 2022, 15:14 [IST]
Desktop Bottom Promotion