Just In
- 5 min ago குழந்தையின்மைக்கு இந்த பிரச்சனைகள் எல்லாம் காரணமாக இருக்கலாம்.. கவனியுங்கள்..!
- 1 hr ago புதன் மீன ராசிக்கு நேராக செல்வதால் இந்த 5 ராசிக்காரர்களின் வாழக்கையில் அதிர்ஷ்டம் கொட்டப்போகுதாம்...!
- 1 hr ago உங்கள் தலைமுடி வலுவாக வளரனுமா? அப்போ இதை சாப்பிடுங்கள்..!
- 1 hr ago ஜாகிங் போகும் போது இந்த தவறுகளை தெரியாம கூட பண்ணிராதீங்க... இல்லனா உங்க எலும்புகள் அவ்வளவுதான்...!
Don't Miss
- Sports தோனி பேட்டிங் ஆட வருவதை தாமதப்படுத்திய வீரருக்கு விருது கொடுத்த ஜான்டி ரோட்ஸ்.. என்ன நடந்தது?
- Movies Trisha: 20 ஆண்டுகள் கழித்து மீண்டும் அதே கொண்டாட்டம்.. வீடியோ வெளியிட்ட திரிஷா!
- Finance TikTok: கங்கணம் கட்டுக்கொண்டு சுத்தும் அமெரிக்கா.. 70 லட்சம் நிறுவனங்களுக்கு ஆப்பு..!!
- Automobiles ஓலா டவுசரை கழட்ட திட்டம் போடும் பஜாஜ்! இவ்வளவு கம்மி விலைக்கு சேத்தக் இவி வரப்போகுதா?
- News அண்ணாமலையா? தமிழகத்தில் இந்த பாஜக வேட்பாளர் வென்றால் ரொம்ப மகிழ்ச்சி.. சு.சாமி வைத்த ட்விஸ்ட்
- Technology கடையை இழுத்து மூடும் OnePlus.. இனி தமிழ்நாட்டில் ஒன்பிளஸ் போன் வாங்க முடியாதா? உண்மை என்ன?
- Education தமிழ்நாடு மெர்க்கன்டைல் வங்கியில் பணிபுரிய அற்புதமான வாய்ப்பு..!
- Travel தமிழ்நாட்டுக்குள்ள வெயில் கொளுத்துது – ஆனா இந்தியாவின் இந்த இடங்களில பனிச்சரிவு – என்ன வினோதம் இது?
முன்னாள் பாக். அதிபர் முஷாரஃப்பை மெதுவாக கொல்லும் அமிலாய்டோசிஸ்.. அப்படின்னா என்ன? இதன் அறிகுறி என்ன?
முன்னாள் பாக். அதிபர் முஷாரஃப் பாதிக்கப்பட்டுள்ள அமிலாய்டோசிஸ் என்றால் என்ன, இது எதனால் வருகிறது, இதன் அறிகுறிகள் என்ன என்பன போன்ற தகவல்களை விரிவாக காண்போம்.
பாகிஸ்தானில் கடந்த 2001 முதல் 2008 ஆம் ஆண்டு வரை அதிபராக இருந்தவர் தான் பர்வேஸ் முஷாரஃப். இவர் கடந்த சில வாரங்களாக உடல்நலக் குறைவால் மருத்துவமனையில் அனுமதிக்கப்பட்டு தீவிரமாக சிகிச்சை அளிக்கப்பட்டு வருகின்றன. ஆனால் இவரது உடலுறுப்புக்கள் நாளுக்கு நாள் ஒவ்வொன்றாக செயலிழக்கப்பட்டு வருவதாகவும் தகவல்கள் வெளியாகியுள்ளது. மறுபுறம் முஷாரஃப் இறந்துவிட்டதாகவும் வதந்தி பரவியது. ஆனால் இவர் இன்னும் இறக்கவில்லை, அது பொய் என்று இவரது குடும்பத்தினரே தெரிவித்துள்ளனர்.
முன்னாள் பாக். அதிபர் முஷாரஃப்பிற்கு 2018 ஆம் ஆண்டில் ஐக்கிய அரபு எமிரேட்ஸில் உயிருக்கு ஆபத்தான அமிலாய்டோசிஸ் என்னும் பிரச்சனை இருப்பது கண்டறியப்பட்டுள்ளது. சரி, முன்னாள் பாக். அதிபர் முஷாரஃப் பாதிக்கப்பட்டுள்ள அமிலாய்டோசிஸ் என்றால் என்ன, இது எதனால் வருகிறது, இதன் அறிகுறிகள் என்ன என்பன போன்ற தகவல்களை விரிவாக காண்போம்.
அமிலாய்டோசிஸ் என்றால் என்ன?
அமிலாய்டோசிஸ் என்பது உடலில் உள்ள உறுப்புகள் மற்றும் திசுக்களில் எலும்பு மஜ்ஜையில் உற்பத்தி செய்யப்படும் அமிலாய்டு என்னும் ஒரு அசாதாரண புரோட்டீன் தேக்கத்தால் ஏற்படும் ஒரு அரிய மற்றும் தீவிரமான நிலையாகும். இந்த அமிலாய்டு இதயம், மூளை, சிறுநீரகம், மண்ணீரல் மற்றும் உடலின் வேறு எந்த பகுதிகளிலும் உருவாகலாம். இந்த புரோட்டீன் தேக்கத்தால் உறுப்புகள் மற்றும் திசுக்களின் செயல்பாடுகள் பாதிக்கப்படும். இந்த பிரச்சனைக்கு சிகிச்சை அளிக்காமல் விட்டுவிட்டால், அது உறுப்புகளின் செயலிழப்பிற்கு வழிவகுக்கும்.
அமிலாய்டோசிஸின் காரணம் என்ன?
அமிலாய்டோசிஸ் வேறுபட்ட சுகாதார நிலைக்கு இரண்டாம் நிலையாக இருக்கலாம் அல்லது முதன்மை நிலையாக உருவாகலாம். சில நேரங்களில் இது ஒரு மரபணுவில் ஏற்படும் பிறழ்வு காரணமாக ஏற்படலாம். ஆனால் இதைத் தவிர, அமிலாய்டோசிஸின் பிற காரணம் எதுவும் தெரியவில்லை.
அமிலாய்டோசிஸின் அறிகுறிகள்
இந்த பிரச்சனைக்கு சில பொதுவான அறிகுறிகள் இருந்தாலும், அமிலாய்டு புரோட்டீன் உடலில் எங்கு தேங்கியுள்ளதோ, அதைப் பொறுத்து அறிகுறிகளும் மாறுபாடும். சில பொதுவான அமிலாய்டோசிஸின் அறிகுறிகள் பின்வருமாறு:
* மிகவும் பலவீனமாக அல்லது சோர்வாக இருப்பது
* எவ்வித முயற்சியும் இல்லாமல் எடை குறைவது
* வயிறு, கால், கணுக்கால் அல்லது பாதங்களில் வீக்கம்
* கைகல் அல்லது கால்களில் உணர்வின்மை, வலி அல்லது கூச்ச உணர்வு
* எளிதில் சருமத்தில் காயம் ஏற்படுவது
* காயங்களில் வழக்கத்தை விட அதிகமாக இரத்தப் போக்கு
* நாக்கின் அளவு அதிகரிப்பது
* மூச்சுத்திணறல்
அமிலாய்டோசிஸ் முன்னேறும் போது, அமிலாய்டின் படிகங்கள் இதயம், கல்லீரல், மண்ணீரல், சிறுநீரகங்கள், செரிமான பாதை, மூளை அல்லது நரம்புகளுக்கு தீங்கு விளைவிக்கும்.
நோய் கண்டறிதல்
அமிலாய்டோசிஸ் பிரச்சனையை கண்டறிவது என்பது மிகவும் கடினம். ஏனெனில் இதன் அறிகுறிகள் பிற பிரச்சனைகளின் அறிகுறிகளையும் ஒத்துள்ளது. எந்த வகையான அமிலாய்டோசிஸ் உள்ளது என்பதை அறிய, பாதிக்கப்பட்ட பகுதிகளில் இருந்து திசுக்களின் மாதிரியை எடுத்து மருத்துவர்கள் பரிசோதனை செய்து பார்ப்பார்கள். அதைக் கொண்டு சிகிச்சை அளிக்கப்படும்.
சிகிச்சைகள்
அமிலாய்டோசிஸுக்கு தற்போது சிகிச்சை எதுவும் இல்லை. மேலும் அமிலாய்டு படிவுகளை நேரடியாக அகற்ற முடியாது. எனவே மருத்துவர்கள் பின்வரும் சிகிச்சைகளை செய்ய பரிந்துரைக்கலாம்.
கீமோதெரபி: இது புற்றுநோய் செல்களை கொல்ல அல்லது வளர விடாமல் தடுக்க பயன்படுகிறது. எனவே அசாதாரண புரோட்டீன் படிவுகளின் வளர்ச்சியைத் தடுக்க கீமோதெரபியைப் பின்பற்றலாம்.
எலும்பு மஜ்ஜை மாற்று அறுவை சிகிச்சை: இந்த முறையில் நோயாளியில் உடலில் இருந்து ஆரோக்கியமான ஸ்டெம் செல்கள் எடுக்கப்படுகின்றன. கீமோதெரபியில் அழிக்கப்பட்ட ஆரோக்கியமற்ற செல்களுக்கு பதிலாக, இந்த செல்கள் மீண்டும் உடலில் செலுத்தப்படுகின்றன.
அமிலாய்டோசிஸ் பிரச்சனைக்கு சில மருந்துகளும் உள்ளன. இந்த மருந்துகள் அமெரிக்காவில் உள்ள உணவு மற்றும் மருந்து நிர்வாகத்தால் (FDA) அங்கீகரிக்கப்பட்டுள்ளன.