For Quick Alerts
ALLOW NOTIFICATIONS  
For Daily Alerts

காபி குடிக்கும் போது இந்த பொருட்களை தெரியாம கூட சாப்பிட்ராதீங்க... இல்லனா பிரச்சினை உங்களுக்குதான்!

|

உலகம் முழுவதும் அதிகளவு மக்களால் நுகரப்படும் பானங்களில் ஒன்று காபி. காலை, மாலை, இரவென காபி குடிப்பதற்கென தனிப்பட்ட நேரமில்லை, எப்போது தோன்றினாலும் உடனடியாக காபி குடிக்கும் பழக்கம் நம்மில் பலருக்கும் இருக்கும். நாள் முழுவதும் நம்மை சுறுசுறுப்பாக வைத்திருக்க காபி அவசியமானது என்ற எண்ணம் கிட்டத்தட்ட நம் அனைவருக்குள்ளேயும் இருக்கத்தான் செய்கிறது.

காபி ஒரு உற்சாக பானமாக அறியப்பட்டாலும், அதனால் பல ஆரோக்கிய நன்மைகள் இருந்தாலும் சில தவறான நேரங்களில் காபி குடிப்பது அல்லது சில உணவுகளை உட்கொண்ட பிறகு காபி குடிப்பது நமது உடலில் எதிர்மறையான பாதிப்புகளை ஏற்படுத்தும். இந்த பதிவில் காபி குடிப்பதற்கு முன் சாப்பிடக்கூடாத உணவுகள் என்னென்ன என்று பார்க்கலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
கால்சியம் உணவுகள்

கால்சியம் உணவுகள்

காலையில் உங்களுக்கு காபி தேவைப்பட்டால், உங்கள் காபிக்கு முன் பால் பொருட்கள் போன்ற கால்சியம் மூலங்களைத் தவிர்க்கவும். வழக்கமான காபியில் உள்ள காஃபின் கால்சியம் உறிஞ்சுதலை பாதிக்கும் மற்றும் உங்கள் சிறுநீரில் வெளியேற்றும் கால்சியத்தின் அளவை அதிகரிக்கும். ஒவ்வொரு கப் காபியும் உங்கள் 1,000-மில்லிகிராம் பரிந்துரைக்கப்பட்ட தினசரி உட்கொள்ளலில் 2 முதல் 3 மில்லிகிராம்களை மட்டுமே வெளியேற்றும். இருப்பினும், நீங்கள் போதுமான கால்சியம் அளவைப் பராமரிக்கிறீர்கள் என்பதை உறுதிப்படுத்த, ஒரு நாளைக்கு 3 கப் காபிக்கு மேல் குடிக்க வேண்டாம்.

ஜிங்க் உணவுகள்

ஜிங்க் உணவுகள்

காபி உங்கள் உடல் ஜிங்க் ஊட்டச்சத்தை உறிஞ்சும் திறனை இழக்கச்செய்யலாம். ஏனென்றால், காபியில் டானேட்டுகள் உள்ளன, அவை உங்கள் உணவில் சில தாதுக்களுடன் பிணைப்பை உருவாக்குகின்றன. இந்த பிணைப்புகளை உடைப்பது உங்கள் உடலுக்கு மிகவும் கடினமாக இருப்பதால், காபி குடிப்பதால் நீங்கள் உறிஞ்சும் துத்தநாகத்தை வெளியேற்றலாம். சிவப்பு இறைச்சி, கோழி, பீன்ஸ் மற்றும் நட்ஸ் போன்ற துத்தநாகத்தின் மூலங்களை சாப்பிட்ட பிறகு காபி குடிப்பதைத் தவிர்க்கவும்.

இரும்புச்சத்து உணவுகள்

இரும்புச்சத்து உணவுகள்

உங்கள் உணவில் இரும்பு இரண்டு வடிவங்களில் வருகிறது: ஹீம் மற்றும் நான்ஹீம். விலங்கு உணவுகளில் உள்ள ஹீம் இரும்பை உங்கள் உடலால் எளிதில் உறிஞ்ச முடியும் என்றாலும், தாவர உணவுகளில் ஹீம் அல்லாத இரும்பு மட்டுமே உள்ளது. சைவ உணவு உண்பவர்கள் ஹீம் அல்லாத இரும்பை உறிஞ்சுவதில் சிரமப்படுகிறார்கள். நீங்கள் ஒரு காபி பிரியர்களாக இருந்தால், இது மிகவும் சிக்கலாகிவிடும், ஏனெனில் டானேட்டுகள் துத்தநாகத்தைப் போலவே ஹீம் அல்லாத இரும்பிலும் இதே போன்ற விளைவுகளை ஏற்படுத்துகின்றன. தாவர உணவுகளில் இருந்து போதுமான இரும்புச்சத்து கிடைப்பதை உறுதிப்படுத்த, காபி குடிப்பதற்கு முன் இரும்புச்சத்து நிறைந்த உணவுகளான பட்டாணி, பருப்புகள், உளுத்தம்பருப்பு மற்றும் சோயா பொருட்கள் சாப்பிடுவதைத் தவிர்க்கவும்.

வைட்டமின் உணவுகள்

வைட்டமின் உணவுகள்

தாது உறிஞ்சுதலில் மோசமான விளைவுகளை ஏற்படுத்துவதுடன், காபி சில வைட்டமின்களை பாதிக்கிறது. உதாரணமாக, வைட்டமின் டி அளவுகளில் காஃபின் எதிர்மறையான விளைவை ஏற்படுத்தும். 2017 ஆம் ஆண்டு ஜர்னல் ஆஃப் போன் மெட்டபாலிசத்தில் வெளியிடப்பட்ட ஆய்வில், அதிக காபி குடிப்பவர்களுக்கு வைட்டமின் டி குறைவாக இருப்பதாக கண்டறியப்பட்டுள்ளது. காஃபின் வைட்டமின் டியைக் குறைக்கிறது என்பதற்கு வலுவான ஆதாரம் இல்லை என்றாலும், உங்கள் காஃபின் உட்கொள்ளலை நிர்வகிப்பதை இது குறிக்கிறது. உங்கள் வைட்டமின் டி அளவை ஆரோக்கியமாக வைத்திருக்க முக்கியம்.

வறுத்த உணவுகள்

வறுத்த உணவுகள்

மொறுமொறுப்பான வறுத்த உணவுகள் காபியின் சுவையை மேலும் அதிகரிக்கக்கூடும். இருப்பினும், இரண்டையும் ஒரே நேரத்தில் உட்கொள்ளும் பழக்கம் ஆரோக்கியத்திற்கு தீங்கு விளைவிக்கும். வறுத்த உணவுகளில் கெட்ட கொழுப்பு மற்றும் கொலஸ்ட்ரால் அதிகமாக இருக்கும். காபியில் உள்ள காஃபினுடன் இணைந்தால், இது உடலில் உள்ள கெட்ட கொழுப்பின் அளவை விரைவாக அதிகரிக்கச் செய்யும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

Foods to Avoid Before Drinking Coffee in Tamil

Check out the foods you shouldn't eat while drinking coffee.
Story first published: Wednesday, March 2, 2022, 17:12 [IST]
Desktop Bottom Promotion