உங்க நோயெதிர்ப்பு சக்தியை பல மடங்கு அதிகரிக்க.. ஒமேகா 3 நிறைந்த இந்த உணவுகள சாப்பிட்டா போதுமாம்..!

ஒமேகா -3 கொழுப்பு அமிலங்கள்

ஆல்பா-லினோலெனிக் அமிலம் (ஏ.எல்.ஏ), ஈகோசாபென்டெனாயிக் அமிலம் (இ.பி.ஏ) மற்றும் டோகோசாஹெக்ஸெனாயிக் அமிலம் (டி.எச்.ஏ) உள்ளிட்ட மூன்று வகையான ஒமேகா அமிலங்கள் உள்ளன. உங்கள் உடல் உற்பத்தி செய்யக்கூடிய பலவிதமான கொழுப்புகள் உள்ளன. ஒமேகா -3 ஒரு அத்தியாவசிய கொழுப்பு அமிலமாகும். இது உணவு மூலங்களிலிருந்து நேரடியாக உட்கொள்ளப்பட வேண்டும். எனவே, ஒமேகா -3 நிறைந்த உணவுகளை வைத்திருப்பது மிகவும் முக்கியம்.

MOST READ: உங்க அப்பா சர்க்கரை நோயாளியா? நீண்ட காலம் அவர் ஆரோக்கியமா இருக்க நீங்க என்ன செய்யணும் தெரியுமா?

விதைகள்

ஆளிவிதை மற்றும் சியா விதைகளில் அதிக அளவு ஒமேகா -3 கொழுப்பு அமிலங்கள் உள்ளன. இந்த விதைகள் இரும்பு, மெக்னீசியம் மற்றும் ஃபைபர் ஆகியவற்றால் நிரம்பியுள்ளன. இவை அதிக கொழுப்பை எதிர்த்துப் போராடவும், வளர்சிதை மாற்ற செயல்முறைகளின் போது உற்பத்தி செய்யப்படும் தீங்கு விளைவிக்கும் ஃப்ரீ ரேடிகல்களிலிருந்து உங்களைப் பாதுகாக்கவும் உதவுகிறது.

அக்ரூட் பருப்புகள்

அக்ரூட் பருப்புகளில் ஒமேகா -3 கொழுப்பு அமிலங்கள் அடர்த்தியாக உள்ளன. இது இதய ஆரோக்கியத்திற்கு நல்லது மற்றும் பசியைக் குறைப்பதில் அதிசயங்கள் செய்கிறது. வால்நட்ஸில் மோனோஅன்சாச்சுரேட்டட் கொழுப்புகளும் உள்ளன. அவை இரத்தத்தில் சர்க்கரை அளவை மேம்படுத்துகின்றன. கொழுப்பின் அளவை மேம்படுத்துகின்றன மற்றும் அழற்சி எதிர்ப்பு பண்புகளைக் கொண்டுள்ளன.

மீன்

நீங்கள் அசைவம் சாப்பிடுபவர் என்றால், மீன் உங்களுக்கு ஒமேகா -3 இன் சிறந்த மூலமாகும். சால்மன் மற்றும் கானாங்கெளுத்தி போன்ற பெரும்பாலான வகை மீன்களில் ஒமேகா -3 உள்ளடக்கம் அதிகம். இந்த மீன் வகைகளில் புரதம் மற்றும் மெக்னீசியம் நிறைந்துள்ளன. இது தசை மீட்புக்கு உதவுவதோடு இதய நோய்களின் அபாயத்தையும் குறைக்கும். அவை உங்களுக்கு வைட்டமின் பி 12, டி மற்றும் செலினியம் ஆகியவற்றை வழங்குகின்றன. இது உங்களின் நோய் எதிர்ப்பு சக்தியை வளர்க்கவும் மன ஆரோக்கியத்தை மேம்படுத்தவும் உதவுகின்றன.

MOST READ: கொரோனாவால் பாதிக்கப்பட்டவர்களுக்கு 'இந்த' சத்து நிறைந்த உணவு மிக முக்கியமாம்.. ஏன் தெரியுமா?

சோயாபீன்ஸ்

ஒமேகா -3 வழங்குவதைத் தவிர, சோயாபீன்ஸ் நார்ச்சத்து மற்றும் புரதத்தின் நல்ல மூலமாகும். சோயாபீன்ஸ் உட்கொள்வது இதய நோய்களைக் குறைக்க உதவுகிறது மற்றும் இதய ஆரோக்கியத்தை மேம்படுத்துகிறது.

அவுரிநெல்லி

அவுரிநெல்லிகளில் கலோரிகள் குறைவாக உள்ளன மற்றும் ஆன்டிஆக்ஸிடன்ட்கள் நிரம்பியுள்ளன. அவுரிநெல்லிகளில் உள்ள ஆன்டிஆக்ஸிடன்ட்கள் இதய நோய்க்கான ஆபத்து காரணிகளைக் குறைக்கின்றன. எல்.டி.எல் கொழுப்பின் அளவையும் இரத்த அழுத்தத்தையும் குறைக்கின்றன. ஒமேகா -3 சப்ளிமெண்ட்ஸ் கவுண்டரில் கிடைக்கும்போது, ஆரோக்கியமான நன்மைகளைப் பெற இயற்கை மூலங்களுடன் ஒட்டிக்கொள்வது எப்போதும் சிறந்தது.