தேனோட 'இந்த' பொருளை சேர்த்து சாப்பிட்டா... உங்களுக்கு கொலஸ்ட்ரால் & இதய நோய் எதுமே வராதாம்!

கடந்த இரண்டு ஆண்டுகளில் கொரோனா பரவலினால், மக்கள் உடல் ஆரோக்கியத்தின் மீது அதிக கவனம் செலுத்த தொடங்கிவிட்டனர். இயற்கை உணவு பொருட்களின் முக்கியத்துவத்தை உணர்ந்து வீட்டிலேயே இயற்கை பானங்களை தயாரித்து உட்கொள்கின்றனர். பொதுவான உடல்நலப் பிரச்சனைகள் வரும்போது, பிரபலமாக அழைக்கப்படும் வீட்டு வைத்தியங்களைதான் நாம் அடிக்கடி நம்புகிறோம். மேலும் பெரும்பாலான மக்கள் கூறும் பொதுவான தீர்வு தேன் மற்றும் இலவங்கப்பட்டை. அவை இரண்டும் பல ஆரோக்கிய நன்மைகளைக் கொண்டுள்ளன. மேலும் ஆயுர்வேதம் கூட பல உடல்நலக் கோளாறுகளைத் தடுக்க இந்த கலவை உதவிகரமாக இருப்பதாகக் கூறுகிறது.

தேன் மற்றும் இலவங்கப்பட்டை ஏராளமான மருத்துவக் குணங்களைக் கொண்ட உணவுப்பொருட்கள். பாட்டி வைத்தியமாக பண்டைய காலம் முதல் இதை பயன்படுத்தி வருகிறார்கள் மக்கள். மேலும், இவை பெண்களின் மாதவிடாய் பிரச்சனைகளை கட்டுப்படுத்தி, மாதவிடாயை சீராக்கும் மற்றும் இரத்த அழுத்தத்தை குறைக்கும். இலவங்கப்பட்டை மற்றும் தேன் சேர்த்த ஆரோக்கியமான கலவையில் உள்ள நன்மைகள் மற்றும் அதை நீங்கள் எவ்வாறு உட்கொள்ள வேண்டும் என்பதை இக்கட்டுரையில் காணலாம்.