Just In
- 16 min ago உங்க பற்கள் வலிமையாகவும், கிருமிகள் இல்லாததாகவும் இருக்கணுமா? இதில் ஒன்றை தினமும் சாப்பிடுங்க...!
- 1 hr ago மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- 2 hrs ago Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- 3 hrs ago சர்க்கரை நோயாளிகள் சிக்கன் சாப்பிடலாமா? அப்படி சாப்பிட்டா என்ன நடக்கும் தெரியுமா? எப்படி சாப்பிடணும் தெரியுமா?
Don't Miss
- News மதுரை சித்திரை திருவிழா சனாதன பெருவிழா.. பாஜக பொதுச் செயலாளர் ராம ஸ்ரீனிவாசன் ஒரே போடு
- Technology Dish TV டிடிஎச் சேவையில் திடீர் மாற்றம்.. ரூ.200-ஐ ரெடியா வச்சிக்கோங்க.. இனி எல்லாமே இந்த Smart Plus தான்!
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Movies Gnanavel Raja: தயாரிப்பாளர் ஞானவேல் ராஜா வீட்டு பணிப்பெண் தற்கொலை முயற்சி.. என்ன காரணம்?
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
29 நாடுகளில் கண்டறியப்பட்ட புதிய வகை கொரோனா 'லாம்ப்டா' - அதன் அறிகுறிகள் என்ன? தடுப்பூசி இதை தடுக்குமா?
'லாம்ப்டா மாறுபாடு' என்று அழைக்கப்படும் கொரோனாவின் புதிய பிறழ்வு சமீபத்தில் உலக சுகாதார அமைப்பின் கவனிக்கப்பட வேண்டிய வைரஸ் மாறுபாட்டின் (variants of interest) பட்டியலில் சேர்க்கப்பட்டுள்ளது.
சீனாவில் இருந்து கொரோனா வைரஸ் பரவ ஆரம்பித்ததில் இருந்து இன்று வரை அந்த வைரஸ் பல உருமாற்றங்களைப் பெற்று மக்களிடையே அதிவேகமாக பரவி மோசமான பாதிப்பை ஏற்படுத்தியுள்ளது. இந்தியாவின் கொரோனா இரண்டாம் அலையில் ஏராளமானோர் பாதிக்கப்பட்டு உயிரிழந்ததற்கு உருமாற்றமடைந்த கொரோனாவின் டெல்டா வைரஸ் தான் காரணம் என்று நிபுணர்கள் கூறி வருகின்றனர்.
இந்நிலையில் 'லாம்ப்டா மாறுபாடு' என்று அழைக்கப்படும் கொரோனாவின் புதிய பிறழ்வு சமீபத்தில் உலக சுகாதார அமைப்பின் கவனிக்கப்பட வேண்டிய வைரஸ் மாறுபாட்டின் (variants of interest) பட்டியலில் சேர்க்கப்பட்டுள்ளது. இந்த ஏஜென்சி 50-க்கும் மேற்பட்ட கோவிட் வகைகளை கண்டறிந்து, அதனால் ஏற்படும் பாதிப்புகளை கண்காணித்து வருகிறது. ஆனால் அவை அனைத்துமே பெரும் அச்சுறுத்தலை ஏற்படுத்தும் வகையில் மோசமானதல்ல.
இரண்டு பிரிவுகள்
கொரோனா மாறுபாடுகளானது இரண்டு பிரிவுகளாக பிரிக்கப்பட்டுள்ளன. அவை Variants Of Interest (VOI) மற்றும் Variants Of Concern (VOC) ஆகும். இவை இரண்டிற்கும் உள்ள வேறுபாடு என்னவென்றால், VOC என்பவை பெரும் சிக்கல்களை ஏற்படுத்தக்கூடும். ஆனால் VOI பிரிவைச் சேர்ந்தவை சிக்கலை உண்டாக்கும் அளவிலான திறன் கொண்டிருப்பதில்லை.
பெருவில் கண்டறிப்பட்ட லாம்ப்டா
கொரோனாவின் லாம்ப்டா வகையானது முதன் முதலில் பெருவில் காணப்பட்டது என்றும் இது மரபணு குறிப்பான்களைக் கொண்டுள்ளதாகவும், மேலும் அதிக அளவில் பரவக்கூடியது என்றும் உலக சுகாதார அமைப்பு தெரிவித்துள்ளது.
2020 இல் தோன்றிய லாம்ப்டா
SARS-CoV-2 இன் பரம்பரை C.37 முதன்முதலில் 2020 ஆம் ஆண்டு ஆகஸ்ட் மாதம் பெருவில் கண்டறியப்பட்டது. இந்த லாம்ப்டா மாறுபாடு ஸ்பைக் புரதத்தில் பல பிறழ்வுகளைக் கொண்டுள்ளது. குறிப்பாக இது கொரோனா பாதிப்பை அதிகரிப்பதற்கு தேவையான மரபணு மாற்றத்தை லாம்ப்டா வகை கொரோனா கொண்டிருப்பதாக உலக சுகாதார அமைப்பு தெரிவித்துள்ளது.
29 நாடுகளில் பரவியுள்ள லாம்ப்டா
தற்போது 29 நாடுகளில் லாம்ப்டா மாறுபாடு அடையாளம் காணப்பட்டுள்ளது. குறிப்பாக லத்தீன் அமெரிக்காவில் குறிப்பாக சிலி, பெரு, ஈக்வடார் மற்றும் அர்ஜென்டினா ஆகிய பகுதிகளில் லாம்ப்டா வழக்குகள் அதிகமாக காணப்படுகிறது. இருப்பினும், இது தென் அமெரிக்காவில் மிகவும் பரவலாக உள்ளது. ஏப்ரல் மாதத்தில் இருந்து இன்று வரை பதிவான வழக்குகளில் சுமார் 81 சதவீதம் லாம்ப்டா வகையுடன் இணைக்கப்பட்டுள்ளதாக பெரு அதிகாரிகள் தெரிவிக்கின்றனர். ஏற்கனவே லாம்ப்டா மரபணு குறிப்பான்களைக் கொண்டிருப்பதாக உலக சுகாதார அமைப்பு கூறியது. இது தான் வேகமாக பரவுவதற்கு காரணமாக இருக்கக்கூடும்.
லாம்ப்டா மாறுபாடு: அறிகுறிகள் மற்றும் தடுப்பூசிகளின் செயல்திறன்
லாம்ப்டா மாறுபாட்டின் அறிகுறிகள் ஏற்கனவே அறியப்பட்ட கோவிட்-19 இன் அறிகுறிகளான காய்ச்சல், தலைவலி, இருமல், சளி மற்றும் வாசனை இழப்பு ஆகிய அறிகுறிகளில் இருந்து வித்தியாசமாக தெரியவில்லை. இதற்கான அறிகுறிகள் குறித்து உலக அமைப்புகள் இன்னும் ஆய்வு செய்து வருகின்றன.
மேலும் லாம்ப்டா மாறுபாட்டின் பரவலை எவ்வாறு கட்டுப்படுத்துவது, இது எம்மாதிரியான பாதிப்பை ஏற்படுத்தும் மற்றும் இந்த லாம்ப்டா பிறழ்வு தடுப்பூசிகளிடம் இருந்து தப்பிக்குமா என்பது குறித்து கூடுதல் ஆய்வுகள் தேவைப்படுகிறது என்று உலக சுகாதார அமைப்பு தெரிவித்துள்ளது.
ஏன் இது 'Variant of Interest' என்று அழைக்கப்படுகிறது?
உலக சுகாதார அமைப்பு லாம்ப்டா மாறுபாட்டை கவனிக்கப்பட வேண்டிய வைரஸ் மாறுபாடு (Variant of Interest) என்று வரையறுத்துள்ளது. ஏனெனில் இது ஆல்பா, பீட்டா (தென்னாப்பிரிக்கா), காமா (பிரேசிலியன்) மற்றும் டெல்டா மாறுபாடு போன்ற அச்சுறுத்தும் கோவிட் மாறுபாடுகளுக்கு முந்தைய நிலையே தவிர வேறொன்றும் இல்லை.