For Quick Alerts
ALLOW NOTIFICATIONS  
For Daily Alerts

ப்ராக்கோலியை அடிக்கடி சாப்பிடுவதால் பெறும் நன்மைகள் பற்றி தெரியுமா?

|

காய்கறிகள் உடல் ஆரோக்கியத்திற்கு தேவையான சத்துக்களை வழங்குகின்றன. அதில் கடந்த சில ஆண்டுகளாக ப்ராக்கோலியின் முக்கியத்துவம் அதிகரித்துள்ளது. ஏனெனில் ப்ராக்கோலி உடல் ஆரோக்கியத்தை மேம்படுத்துகிறது என்பதை பெரும்பாலான மக்கள் அறிந்துள்ளார்கள். ஆனால் எந்த மாதிரியான நன்மைகளை வழங்குகிறது என்பது பலருக்கு தெரியாது. எனவே காலிஃப்ளவர் போன்று காணப்படும் ப்ராக்கோலியில் உள்ள சத்துக்கள் மற்றும் ப்ராக்கோலி சாப்பிடுவதால் பெறும் நன்மைகளைப் பற்றி இப்போது காண்போம்.

பச்சை இலை காய்கறிகளில் ஒன்றான ப்ராக்கோலியில் நார்ச்சத்து, இரும்புச்சத்து, கால்சியம், புரோட்டீன், ஜிங்க், செலினியம், வைட்டமின் ஏ, வைட்டமின் சி மற்றும் பாலிஃபீனால்கள், க்யூயர்சிடின் மற்றும் க்ளுக்கோசைடுகள் போன்ற பல சத்துக்கள் நிறைந்துள்ளன. இந்த ப்ராக்கோலியை சமைத்து சாப்பிடுவதைத் தவிர, பச்சையாக சாலட் வடிவிலும் சாப்பிடலாம். ப்ராக்கோலி நல்ல சுவையானது மட்டுமின்றி, பல நோய்களில் இருந்து உடலைப் பாதுகாக்கும் பண்புகளையும் கொண்டுள்ளது. இப்போது ப்ராக்கோலியை சாப்பிடுவதால் பெறும் நன்மைகள் என்னவென்பதைக் காண்போம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
இரத்த சர்க்கரை அளவு கட்டுப்படும்

இரத்த சர்க்கரை அளவு கட்டுப்படும்

ப்ராக்கோலியை சாப்பிடுவதன் மூலம், இரத்த சர்க்கரை அளவைக் கட்டுப்பாட்டில் வைத்துக் கொள்ளலாம். ஆய்வு ஒன்றில், முளைக்கட்டிய பயிர்கள் மற்றும் ப்ராக்கோலியை உண்பது சர்க்கரை நோயாளிகளின் இரத்த சர்க்கரை அளவைக் குறைக்க வழிவகுத்தது. இதற்கு அதில் உள்ள சல்ஃபோராபேன் என்ற கெமிக்கல் தான் காரணம். எனவே இந்த சுவையான காய்கறியை அடிக்கடி உணவில் சேர்த்து, இரத்த சர்க்கரை அளவை கட்டுப்பாட்டில் வைத்துக் கொள்ளுங்கள்.

நோயெதிர்ப்பு சக்தி மேம்படும்

நோயெதிர்ப்பு சக்தி மேம்படும்

ப்ராக்கோலியில் காணப்படும் வைட்டமின் சி நோயெதிர்ப்பு மண்டலத்தை மேம்படுத்தும். குறிப்பாக இது நோயெதிர்ப்பு சக்தியை அதிகரிக்க உதவுகிறது. இதன் காரணமாக உடலைத் தாக்கும் நோய்த்தொற்றுக்களுக்கு எதிராக உடல் வலுவாக இருக்கும். எனவே உங்கள் நோயெதிர்ப்பு சக்தியை அதிகரிக்க நினைத்தால், ப்ராக்கோலியை அடிக்கடி சாப்பிடுங்கள்.

எடை இழப்பு

எடை இழப்பு

உடல் பருமனால் அவதிப்படுபவர்களுக்கு ப்ராக்கோலி மிகச்சிறந்த காய்கறி. ஏனெனில் ப்ராக்கோலியில் உள்ள நார்ச்சத்து மற்றும் பொட்டாசியம், உடல் எடையைக் குறைக்க உதவுகிறது. அதுவும் குளிர்காலத்தில் ப்ராக்கோலி சூப் குடித்து வந்தால், உடல் இன்னும் ஆரோக்கியமாக இருக்கும்.

கல்லீரலுக்கு நல்லது

கல்லீரலுக்கு நல்லது

உங்கள் கல்லீரல் ஆரோக்கியமாக இருக்க வேண்டுமென நினைத்தால், அடிக்கடி உணவில் ப்ராக்கோலியை சேர்த்துக் கொள்ளுங்கள். இதில் உள்ள புற்றுநோய் எதிர்ப்பு பொருள் மற்றும் ஹெபடோப்ரோடெக்டிவ் கல்லீரலுக்கு மிகவும் நல்லதாக கருதப்படுகிறது. எனவே கல்லீரல் ஆரோக்கியத்திற்கு ப்ராக்கோலியை சூப், சாலட் என்று பிடித்த வடிவில் அடிக்கடி சாப்பிடுங்கள்.

எலும்புகளுக்கு நல்லது

எலும்புகளுக்கு நல்லது

உடலில் கால்சியம் போதுமான அளவில் இல்லாத போது எலும்பு தொடர்பான பிரச்சனைகள் ஏற்பட ஆரம்பிக்கின்றன. இம்மாதிரியான சூழ்நிலையில், ப்ராக்கோலியை உணவில் அடிக்கடி சேர்ப்பது நன்மை பயக்கும். ஏனெனில் ப்ராக்கோலியில் கால்சியம் அதிகம் உள்ளது. இது எலும்பு தொடர்பான பிரச்சனைகளில் இருந்து நிவாரணம் அளிக்கும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

Benefits Of Eating Broccoli In Tamil

Here are some benefits of eating broccoli. Read on to know more...
Story first published: Thursday, June 2, 2022, 19:05 [IST]
Desktop Bottom Promotion