இரவில் வியர்வை அதிகமாக வருகிறதா..? அதனால் தூக்கத்தை இழந்து விடுகிறீர்களா..?அதற்கான 8 காரணிகள் இதோ..!

#1.குழந்தைப்பேறுக்கு பின்பு:-

தாய்மை பருவம் என்பது மிகவும் உன்னதமான பருவம். அந்த காலகட்டத்தில் அதிக சக்தி உடலுக்கு தேவைப்படுகிறது. இருப்பினும் இந்த பருவத்தில் தான் இரவில் அதிக வியர்வை வெளி வரும் என்று மருத்துவர்கள் கூறுகின்றனர்.ஏனெனில், தாய்மை பருவத்தில் தான் எண்ணற்ற ஹார்மோன் மாற்றங்கள் ஏற்படும்.இதனால் உடலில் பல்வேறு விதமான பாதிப்புகளும் ஏற்படலாம். அதிக அளவில் தாய்மை பருவத்தில் இரவில் வியர்வை வந்தால் மருத்துவரை ஆலோசிப்பது நல்லது.

#2.ஆன்டிடேப்ரெஸ்ஸான்ட்ஸ் எடுத்துக்கொள்வதால்:-

நாம் மன அழுத்தத்துடன் இருக்கும் வேளையில் இந்த ஆன்டிடேப்ரெஸ்ஸான்ட்ஸ் போன்ற மருந்துகளை எடுத்து கொள்வது வழக்கமான ஒன்று. ஆனால், இரவில் வியர்வை அதிக அளவு வெளி ஏறுவதற்கு இவை மிக முக்கிய காரணியாக கருதப்படுகிறது.சராசரியாக 8 முதல் 22 சதவீத ஆன்டிடேப்ரெஸ்ஸான்ட்ஸ் உட்கொள்ளும் மக்கள் அதிக வியர்வை காரணமாக இரவில் நல்ல உறக்கத்தை இழந்து விடுகின்றனர். மேலும் மருத்துவர்கள் பரிந்துரைக்கும் ஆன்டிடேப்ரெஸ்ஸான்ட்ஸ் மருந்துகளையே எடுத்து கொள்ள வேண்டும். இல்லையேல் அதுவே பிற உடல் உபாதைகளுக்கு காரணமாக மாறிவிடும்.

#3.நோய்த்தொற்றுகள்:-

நம் அன்றாட வாழ்க்கை முறையில் ஏராளமான நோய்த்தொற்றுகள் ஏற்படுகிறது.அதில் பல பலவிதமான பாதிப்புகளை உடலில் உண்டாக்குகிறது.மேலும் , காசநோய் போன்ற நோய்த்தொற்றுகள் தான் இரவில் வியர்வை வர முக்கிய காரணி.பாக்டீரியா தொற்றுகளும் இந்த வித பிரச்சனைக்கு ஒரு காரணமாக கருத படுகிறது.

#4.புற்றுநோய்:-

பலருக்கு இரவில் வியர்வை வர புற்றுநோயே அதீத காரணமாக மருத்துவர்களால் சொல்ல படுகிறது.அதிலும் குறிப்பாக, தோல் புற்றுநோய்,மார்பக புற்றுநோய்,எலும்பு புற்றுநோய், மற்றும் கல்லீரல் புற்றுநோய் ஆகியவற்றாலையே இரவில் வியர்வை வெளி படுகிறது. மேலும் கட்டிகள்,காய்ச்சல் இருந்தாலும் வியர்வை சில சமயங்களில் இரவில் வரலாம் என ஆராச்சியாளர்கள் கூறுகின்றனர். எனவே இந்த மாதிரி சமயத்தில் மருத்துவரை அணுகி ஆலோசனை பெறுவது மிக நன்று.

#5.குறைந்த அளவில் டெஸ்டோஸ்டிரோன் :-

ஆண்களுக்கு இரவில் வியர்வை வர இந்த டெஸ்டோஸ்டிரோன் தான் முக்கிய காரணி. ஏனென்றால்,டெஸ்டோஸ்டிரோன் அளவு குறைந்தால் இரவில் வியர்வை அதிகமாக வரும். வயதான ஆண்களே இந்த பிரச்சனையால் அதிக அளவில் பாதிக்கபடுகின்றனர்.அதிலும் ஒரு சதவீதம் 30 முதல் 40 வயதை கடந்த ஆண்களே இதில் அடங்குவர்.

20 வயதுக்குள் உள்ள சில உடல் பருமனால் பாதிக்க பட்ட ஆண்களுக்கும்,சீரான உணவுமுறை இல்லாத ஆண்களுக்குமே இரவில் வியர்வை வரும்.

#6.மது பழக்கம்:-

இரவில் வியர்வை அதிகமாக வர மது பழக்கம் ஒரு மிக அடிப்படை காரணமாக கருதப்படுகிறது. மேலும் இஃது நல்ல ஆழ்ந்த தூக்கத்தை கெடுத்தும் விடுகிறது. எனவே ,தூங்குவதற்கு முன்பு மது அருந்துவதை தவிர்க்க வேண்டும் .இல்லையேல் ,பல உடல் ரீதியான மற்றும் மன ரீதியான பல பாதிப்புகளை சந்திக்க நேரிடும்.

#7.குறைந்த இரத்த சர்க்கரை அளவு:-

அதிக மக்கள் உடலில் சர்க்கரை அளவு உயர்ந்தால் தான் கவலைப்படுவார்கள்.ஆனால், குறைந்த இரத்த சர்க்கரை அளவும் சில பாதிப்புகளை உண்டாகும்.அவற்றில் ஒன்று தான் இரவில் வியர்வை வருவது. மேலும் அதிக அளவில் இன்சுலினை உடலில் எடுத்து கொண்டாலும் இந்த பிரச்சனை வரலாம். நீரிழிவு நோய் உள்ளவர்கள் அதிகம் இந்தவித பதிப்பை சந்திக்க நேரிடும்.

#8.பேய் மற்றும் இரவு பயங்கள் :-

பலருக்கு இரவில் வெளியில் செல்வதென்றால் மிகவும் பயங்கரமான விஷயமாக இருக்கும்.அதிலும் பேய் படம் பார்த்துவிட்டு தூங்கினால் அவ்வளவுதான்..! எதர்ச்சையாக நாம் படத்தில் பார்த்த, பேய் சம்மந்தப்பட்ட கனவை இரவு நேரத்தில் கண்டு விட்டால் வியர்த்து கொட்டிவிடும். அத்துடன் அதிக இதய துடிப்பையும் அந்த குறிப்பிட்ட சமயத்திற்கு ஏற்படுத்தி விடும்.

இவையே இரவில் வியர்வை வர மிக முக்கிய காரணியாக ஆராய்ச்சியாளர்களால் கருதப்படுகிறது.