For Quick Alerts
ALLOW NOTIFICATIONS  
For Daily Alerts

மறதி பார்ட்டியா நீங்கள்?

|
Memory
இன்றைய அவசர உலகில் மறதி ஒரு பெரும் பிரச்சனையாக உருவெடுத்துள்ளது. எடுக்க வேண்டிய பொருட்களை எடுக்க மறப்பதும், பிறகு டென்ஷனாகி குய்யோ, முய்யோ என்று கத்துவதும் அன்றாட நிகழ்வாகிவிட்டது.

பொருட்களை மறக்காமல் எடுத்துக் கொள்ள என்ன செய்யலாம் என்று பார்ப்போம்.

பயணத்தின்போது:

மனித வாழ்க்கையில் பயணங்களை தவிர்க்க முடியாது. இதனால் எங்கும் புறப்படும் முன்பு முதலில் தெளிவாக திட்டமிட்டுக் கொள்ளுங்கள். கடைசி நேரத்தில் மூட்டை கட்டும் பழக்கத்தை தவிர்க்கலாம். போகும் இடத்திற்கு தேவையான பொருட்கள், முக்கிய ஆவணங்கள், உடைகள் ஆகியவற்றை பேக்கில் முதலில் எடுத்து வைத்துக் கொள்ளுங்கள்.

பயணம் எவ்வளவு நாட்கள் என்பதை பொறுத்து உள்ளாடைகள், மேலாடைகள் ஆகியவை சரியான எண்ணிக்கையில் பேக்கில் அடுக்கி வைத்துக் கொள்ளுங்கள். பிரஷ், பேஸ்ட், குளியல் சோப்பு ஆகியவற்றை பேக்கின் பக்க பகுதியில் உள்ள அறைகளில் வைத்துக் கொள்ளுங்கள்.

பயணத்திற்கு இடையே உண்ணும் உணவுகள், படிக்க புத்தகங்கள் ஆகியவற்றை சிறிய பையில் எடுத்துக் கொள்ளுங்கள். எடுக்க வேண்டிய பொருட்கள் குறித்த பட்டியல் ஒன்றை தயாரித்து புறப்படும் முன் எல்லாவற்றையும் எடுத்து வைத்துள்ளோமா என்று சரி பார்த்துக் கொள்ளுங்கள்.

வழக்கமான நேரங்களில்:

வாழ்க்கையில் சில வேலைகள் வழக்கமாக செய்வது உண்டு. இதிலும் சிலருக்கு மறதி ஏற்படும். இதனால் பணிகளில் காலதாமதமும், தேவையில்லாத டென்ஷனும் ஏற்படுகின்றது.

அலுவலகம் செல்பவராக இருந்தால் ஐடி கார்டு, பர்ஸ், தினமும் பயன்படுத்தும் ஆவணங்கள், அட்டைகள் போன்றவற்றை ஒரே இடத்தில் வைக்க வேண்டும். இதன் மூலம் அலுவலகம் செல்லும் நேரத்தில் பொருட்களை தேடும் வேலையும், எடுக்க மறப்பதையும் தவிர்க்கலாம்.

பாஸ்போர்ட், அடையாள அட்டை, வாக்காளர் அடையாள அட்டை, ஓட்டுநர் உரிமம், ரேஷன் கார்டு உள்ளிட்டவை வாழ்ககையில் முக்கியமானவை. இவற்றை ஒரே இடத்தில் பத்திரமாக வைப்பது நல்லது. அவை புதுப்பிக்கும் நேரத்தை ஒரு பேப்பரில் எழுதி அதனை ஒரு அட்டையில் ஒட்டி சுவரில் தொங்கவிடலாம்.

நினைவு பயிற்சி:

மறதியைப் போக்க நினைவு பயி்ற்சி ஒன்றை செய்யலாம். நாம் செய்ய வேண்டிய முக்கியமான காரியங்களை திரும்பப் திரும்ப பலமுறை கூறுவதால் அது மனதில் பதிந்துவிடுகின்றது. வீட்டில் இருக்கும்போது நினைவு விளையாட்டுகளில் ஈடுபடுவதன் மூலமும் மறதியைப் போக்கி நினைவு ஆற்றலை பெருக்கலாம்.

மேற்கண்ட வழிவகைகளைச் செய்தால் பொருட்களை மறந்துவிட்டு தேடி அலையாமல் இருக்கலாம்.

English summary

Tips to overcome forgetfulness | மறதி பார்ட்டியா நீங்கள்?

Do you have the habit of forgetting things and then getting tensed? Then read the above suggestions to be cool.
Story first published: Tuesday, February 28, 2012, 16:34 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more