நொறுங்கத் தின்ன பற்களை கவனிங்க..

ஆலும் வேலும் பல்லுக்கு உறுதி என்பது பழமொழி. உறுதியான பற்களை உடையவர்களை காண்பது இன்றைக்கு அரிதாகி வருகிறது. குழந்தைகளும், இளைய தலைமுறையினரும் பற்களைப்பாதுகாப்பதில் அக்கறையற்றவர்களாய் இருக்கின்றனர். வயதான தாத்தா பாட்டிக்கு பற்கள் உறுதியாய் இருப்பது போல நமக்கு அமையாததற்கு காரணம், மாறி வரும் உணவுப்பழக்கமே. தினந்தோறும் பல் துலக்கி பாதுகாப்பாக கவனித்தால் நம்மை எந்த நோயும் அண்டாது என்கின்றனர் பல் மருத்துவர்கள்.

பற்களின் பாதகாப்பிற்கு மருத்துவர்கள் கூறும் சில குறிப்புகள்:

- சர்க்கரை மற்றும் ஸ்டார்ச் கலந்த உணவை உண்ணும் ஒவ்வொரு முறையும் இருபது நிமிடங்களுக்கு பிறகு அமிலங்கள் உற்பத்தியாகி பற்களை தாக்குகின்றன. எனவே தினந்தோறும் உண்ணும் நொறுக்குத்தீனியின் அளவைக் குறைத்துக்கொள்ள வேண்டும்.

- சாப்பிட்டு முடித்த உடன் பற்களை சுத்தம் செய்துவிட்டால் கிருமி தாக்குதலில் இருந்து தப்பிக்கலாம்

- பழங்கள், பச்சைக்காய்கறிகளால் செய்யப்பட்ட சாலட் உணவையும், புரதச்சத்து நிறைந்த உணவுகளையும், உண்ணலாம். நார்ச்சத்து அதிகம் உள்ள உணவுப்பொருட்களை உண்பது நல்லது. இதனால் பற்கள் சுத்தமாவதுடன் ஈறுகளுக்கும் இதமாக இருக்கும்.

- உணவு வேளையில் உண்ணவேண்டிய கடைசிப்பொருள் நறுக்கப்பட்ட பச்சைக்காய்கறிகளாகவோ, பழங்களாகவோ இருக்கட்டும். இனிப்பு சாப்பிடுவதை தவிருங்கள்.

- காலையில் மட்டும் பல் துலக்கினால் போதாது. காலை, மாலை இரண்டு வேளையும் பல் துலக்க வேண்டும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.