இந்த எளிய வழிகள் மூலம் உங்க குக்கரில் இருக்கும் விடாப்பிடியான கறைகளை நீக்கி புதுசு போல மாற்றலாமாம்...!

தீய்ந்த உணவு

பிரஷர் குக்கரில் உணவு தீய்ந்து போய்விட்டால், அறை வெப்பநிலையில் தண்ணீரில் நிரப்பி, 15 நிமிடங்கள் குறைந்த வெப்பத்தில் அடுப்பின் மீது வைக்கவும். அதன்பின் அதனை குளிர விடவும், பின்னர் அதை ஒரு ஸ்பாஞ்சு மற்றும் பாத்திரங்களைக் கழுவும் திரவத்தைக் கொண்டு எளிதில் சுத்தப்படுத்தலாம்.

மசாலாக்கறை

மசாலாப் பொருட்கள் குக்கரின் விளிம்பில் ஒரு விடாப்பிடியான கறையை விட்டுச் செல்வது அடிக்கடி நிகழ்கிறது. இது போன்ற சமயங்களில் சிறிது பேக்கிங் சோடா மற்றும் எலுமிச்சை சாற்றை அதன் மீது தெளித்து 5 நிமிடம் ஊற விடவும். அதன்பின்னர் ஸ்பாஞ்சு மற்றும் வழக்கமான திரவம் மூலம் அதனை எளிதாக சுத்தம் செய்யலாம்.

உணவுக்கறை

பிரஷர் குக்கரில் உணவுக் கறைகள் ஏற்படுவது பெரும்பாலும் அன்றாடம் சந்திக்கும் ஒரு பிரச்சினையாகும், அவற்றை அகற்ற, கறைகள் அனைத்தும் மூழ்கும் அளவிற்கு தண்ணீரை நிரப்பவும். பானையில் வெங்காய தோலின் 5-6 வெளிப்புற அடுக்குகளைச் சேர்க்கவும். அதிக வெப்பத்தில் வைக்கவும். 20 நிமிடங்கள் கொதிக்க விடவும், பின்னர் மெதுவாக கறைகளை துடைத்தால் எளிதில் நீக்கிவிடலாம்.

வெள்ளைக்கறை

பொதுவாக நீங்கள் குக்கரில் உருளைக்கிழங்கு அல்லது வேறு ஏதேனும் காய்கறிகளை வேகவைக்கும் போது, அது குக்கரின் அடிப்பகுதியிலும் பக்கங்களிலும் ஒரு வெள்ளை நிற அடுக்கை ஏற்படுத்தும். அந்த கனிம கறை நீக்க, வினிகர் பயன்படுத்த வேண்டும். இது அமிலத் தன்மை கொண்டது மற்றும் அழுக்கை விரைவாக நீக்க உதவும். ஒரு குக்கரில் சில துளிகள் வினிகருடன் தண்ணீர் சேர்க்கவும். கரைசலை இரவு முழுவதும் ஊற வைத்து மறுநாள் காலையில் கழுவினால் இந்த கறைகள் நீங்கிவிடும்.

விடாப்பிடியான கறைகள்

குக்கரில் கடினமான கறை அல்லது நிறத்தை மாற்றும் கறை இருந்தால், 1 கப் தண்ணீருடன் எலுமிச்சை சாறு சேர்த்து 15 நிமிடங்களுக்கு மூடி போட்டு கொதிக்க வைக்கவும். அதன்பின் குளிர வைத்து எபபவும் போல கழுவினால் குக்கர் புதுசு போல மாறிவிடும்.

குக்கர் கைப்பிடி

குக்கரில் சுத்தம் செய்ய மிகவும் கடினமான பகுதிகளில் இதுவும் ஒன்றாகும். எப்பொழுதும் வினிகர் அல்லது பாத்திரங்களைக் கழுவும் திரவத்துடன் வெதுவெதுப்பான நீர் மற்றும் ஒரு நெகிழ்வான பல் துலக்கும் பிரஷை வைத்து சுத்தம் செய்வது கறையில்லாமல் பராமரிக்க உதவும்.

கேஸ்கெட்

எப்பொழுதும் கேஸ்கெட்டை அகற்றி, பாத்திர கழுவும் சோப்புடன் வெதுவெதுப்பான நீரில் ஊறவைத்து சுத்தம் செய்யவும். சுத்தம் செய்த பிறகு, அதை தாவர எண்ணெய் தேய்த்து வைக்கவும். 18-20 மாதங்களுக்குப் ஒருமுறை எப்போதும் கேஸ்கெட்டை மாற்றவும்.