உங்க உடம்புல எந்த இடங்களிலெல்லாம் ஈஸ்ட் தொற்று உண்டாகும் னு உங்களுக்கு தெரியுமா?

சருமம்

என்ன தான் நமது சருமம் போதுமான காற்று மற்றும் ஒளியின் மீது வெளிப்பட்டாலும், சுகாதாரத்துடன் இல்லாமல், சருமத்தில் வியர்வை மற்றும் இறந்த செல்களை முறையாக சுத்தம் செய்யாமல் இருந்தால், சருமத்தில் ஈஸ்ட் தொற்றுகள் ஏற்படும்.

பாதம்

பாதத்தை ட்ரைகோபைடான் மென்டாகுரோபைட்ஸ் என்னும் பூஞ்சை தாக்கும். அதுவும் சாக்ஸை அடிக்கடி துவைத்துப் பயன்படுத்தாமல் இருந்தால், இந்த தொற்று ஏற்படும் வாய்ப்பு அதிகம் உள்ளது.

வாய்

பொதுவாக வாயில் குழந்தைகளுக்கு தான் ஈஸ்ட் தொற்றுகள் ஏற்படும். அதுவும் பாட்டில் பால் குடிக்கும் குழந்தைகளுக்கு தான் இவ்விடத்தில் தொற்றுகள் ஏற்படும் வாய்ப்புள்ளது.

மார்பகம்

தாய்ப்பால் கொடுக்கும் பெண்களின் மார்பகங்களில் ஈஸ்ட் தொற்றுகள் ஏற்படலாம். அதுவும் குழந்தையின் வாய் மார்பகங்களைச் சுற்றியுள்ள சரும திசுக்களின் pH அளவில் மாற்றத்தை ஏற்படுத்தும் போது, அவ்விடத்தில் ஈஸ்ட் வளர்ச்சி பெறும்.

உணவுக்குழாய்

புற்றுநோய் அல்லது ஆட்டோ இம்யூன் நோய்களை சரிசெய்ய உட்கொள்ளும் குறிப்பிட்ட மருந்துகளின் பக்கவிளைவால், உணவுக்குழாயில் ஈஸ்ட் தொற்றுகள் ஏற்படும் வாய்ப்புள்ளது.

ஆசன வாய்

யோனியைத் தாக்கும் ஈஸ்ட் தொற்றுகள் மெதுவாக பரவி ஆசன வாயையும் தாக்கும். இதை ஆரம்பத்திலேயே சரிசெய்யாவிட்டால், பின் தீவிர விளைவை சந்திக்க நேரிடும்.

ஆண்குறி

ஆம், சில ஆண்களின் ஆண்குறியிலும் ஈஸ்ட் தொற்றுகள் ஏற்படும். அதுவும் ஒரே உள்ளாடையை வருடக்கணக்கில் பயன்படுத்தினாலோ அல்லது ஆண்குறியை சரியாக சுத்தம் செய்யாமல் இருந்தாலோ, ஆண்கள் இந்த பிரச்சனையை சந்திப்பார்கள்.