For Quick Alerts
ALLOW NOTIFICATIONS  
For Daily Alerts

இந்த விஷயம் தெரிஞ்சா இனிமே நீங்களும் ஒட்டகப்பால்லதான் டீ குடிப்பீங்க...!

|

வடிவேலு ஒரு படத்தில் ஒட்டகப் பாலில் ஏன் டீ போடவில்லை என்று டீக்கடைக்காரரை போட்டு அடிப்பார். ஆனால் ஒட்டகப்பால் பற்றிய உண்மைகள் தெரிந்தால் நாமும் அதைத்தான் பண்ணுவோம். ஏனெனில் ஒட்டகப்பால் ஒரு பூலோக அமிர்தமாகும். ஒட்டகப்பால் குடிப்பது பல வழிகளில் உங்களின் ஆரோக்கியத்தை அதிகரிக்கும்.

Why camel milk is a healthy dairy alternative

பால் குடிப்பது ஆரோக்கியமான எலும்புகள் மற்றும் தசைகளுக்கு தேவையான ஊட்டச்சத்துக்களை நமக்கு வழங்குகிறது என்பது பொதுவாக அறியப்பட்ட உண்மை. வயதாகும்போது பால் குடிப்பதை நிறுத்துகிறோம், ஏனென்றால் எருமை மற்றும் மாட்டுப் பாலில் உள்ள லாக்டோஸின் அளவை ஜீரணிப்பது கடினம். இந்த இரண்டு வகைப்பால்கள்தான் அதிக மக்களால் நுகரப்படுகிறது. ஒட்டகப்பால் இந்த பால்களில் இருந்து எப்படி வித்தியாசப்படுகிறது என்று பார்க்கலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
ஒட்டகப்பால்

ஒட்டகப்பால்

பாரம்பரியமாக ஒட்டகப்பால் 5000 ஆண்டுகளாக ஆசியா மற்றும் ஆப்பிரிக்காவில் நாடோடி மக்களின் உணவுகளின் ஒரு பகுதியாக இருந்து வருகிறது, மேலும் இதில் இருக்கும் ஊட்டச்சத்துக்கள் பல நோய்களை குணப்படுத்த உதவுகிறது. இன்று ஒட்டகப்பாலின் முக்கியத்துவம் பற்றியும் அதில் இருக்கும் ஊட்டச்சத்துக்கள் பற்றியும் மக்கள் விழிப்புணர்வு அடைந்து வருவதால் இது மிகவும் பிரபலமடைந்து வருகிறது. ஒட்டகப்பாலின் அவசியம் என்னென்ன என்று மேற்கொண்டு பார்க்கலாம்.

அதிக ஊட்டச்சத்துக்கள்

அதிக ஊட்டச்சத்துக்கள்

ஊட்டச்சத்து நிபுணர்களின் கருத்துப்படி எருமைப் பாலுக்கு பதிலாக தாவர அடிப்படையிலான பாலை அருந்தும்படி பரிந்துரைக்கிறார்கள். ஆனால் தாவர அடிப்படையிலான பாலில் புரதச்சத்து குறைவாக இருப்பது உண்மைதான். ஆய்வுகளின்படி, ஒட்டக பால் ஊட்டச்சத்து சிறந்தது மற்றும் மோனோ மற்றும் பாலிஅன்சாச்சுரேட்டட் கொழுப்பு அமிலங்கள் மற்றும் சீரம் அல்புமின் போன்றவை நிறைந்துள்ளது. மேலும் இதில் லாக்டோஃபெரின், இம்யூனோகுளோபுலின்ஸ், லைசோசைம் மற்றும் ஆக்ஸிஜனேற்றிகள் போன்ற பாதுகாப்பளிக்கும் பல பொருட்கள் உள்ளது. பசும்பாலை விட ஒட்டகப்பாலில் மூன்று மடங்கு அதிகம் வைட்டமின் சி மற்றும் இரும்புச்சத்து உள்ளது.

MOST READ: இந்த ராசிகளில் பிறந்தவர்கள் கண்டிப்பாக வைரம் அணியக்கூடாது... இல்லனா ஆபத்துதான்...!

நோய் எதிர்ப்பு சக்தி

நோய் எதிர்ப்பு சக்தி

ஜிங்க் மற்றும் பாதுகாக்கும் புரோட்டின்கள் இதில் அதிகமுள்ளதால் ஒட்டகப்பால் பல நுண்ணுயிரிகளை எதிர்த்து போராடுகிறது, தடிப்புத் தோல் அழற்சி போன்ற நோய்களைத் தடுப்பதன் மூலமும் நோயெதிர்ப்பு சக்தியை வலுப்படுத்த உதவுகிறது. இதில் உள்ள ஆன்டிஆக்ஸிடன்ட்கள் உடலில் உள்ள அழற்சியைக் குணமாக்கும், மேலும் காசநோயின் அறிகுறிகளையும் எளிதாக்கும்.

புற்றுநோய் எதிர்ப்பு

புற்றுநோய் எதிர்ப்பு

ஒட்டகப்பால் பெப்டிடோக்ளிகான் புரதத்தைக் கொண்டுள்ளது, புற்றுநோயை எதிர்ப்பதற்கு இது மிகவும் அவசியமான ஒன்றாகும். உண்மையில், மெட்டாஸ்டாஸிஸைக் கட்டுப்படுத்துவதன் மூலம் மார்பக புற்றுநோயிலிருந்து பாதுகாப்பை வழங்குவதாக அறியப்படுகிறது. புற்றுநோய் உயிரணுக்களின் வளர்ச்சியைக் குறைக்க ஒட்டக பால் பயன்படுத்தப்படுகிறது.

மென்மையான சருமம்

மென்மையான சருமம்

வைட்டமின் சி இருப்பதால் ஒட்டக பால் சருமத்திற்கு மிகவும் தேவையான ஆக்ஸிஜனேற்றிகளை வழங்குகிறது. இது சருமத்தை பாதிக்கும் நச்சுக்களில் இருந்து உங்கள் சருமத்தை பாதுகாக்க உதவுகிறது, சருமத்தில் சுருக்கம் ஏற்படுவதை தடுக்க இது உதவுகிறது. வைட்டமின் சி இருப்பதால் மீளுருவாக்கம் செய்யும் கொலாஜன் புரதத்தின் தொகுப்பையும் தூண்டுகிறது, இது செல்கள் மற்றும் இரத்த நாளங்களின் வளர்ச்சிக்கு உதவுகிறது மற்றும் சருமத்தை உறுதியாக்குகிறது. உங்கள் சருமத்தை பாதுகாக்கவும், வயதாவதை தாமதப்படுத்துவதற்கும் இது உதவுகிறது.

MOST READ: அக்டோபர் மாதத்தில் பிறந்தவர்கள் எப்படிப்பட்டவர்கள் தெரியுமா? இவங்ககிட்டகொஞ்சம் உஷாராவே இருங்க...!

லாக்டோஸ் சகிப்புத்தன்மை

லாக்டோஸ் சகிப்புத்தன்மை

லாக்டோஸ் என்பது பால் மற்றும் பிற பால் பொருட்களில் இயற்கையாகவே காணப்படும் சர்க்கரை ஆகும். லாக்டோஸை சிறிய சர்க்கரைகளாக உடைக்கும் லாக்டேஸ் என்ற நொதியை நம் உடல் உருவாக்குகிறது, இது ஜீரணத்திற்க்கு உதவுகிறது. சிலருக்கு இந்த நொதி போதுமான அளவு சுரக்காது, இதன் விளைவாக சர்க்கரையை உடைக்க முடியாது. லாக்டோஸ் சகிப்புத்தன்மையற்றவர்கள் பாலை எளிதில் ஜீரணிக்க முடியாது. ஒட்டகப் பாலில் லாக்டோஸின் அளவு மிகக் குறைவு, இதனால் லாக்டோஸ் சகிப்புத்தன்மை இல்லாதவர்களுக்கு கூட எளிதில் ஜீரணமாகும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

English summary

Why Camel Milk Is a Healthy Dairy Alternative

Read to know why camel milk is a healthy dairy alternative.
Story first published: Thursday, October 3, 2019, 15:20 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more