Just In
- 1 hr ago தோசை மாவு இல்லையா? வேர்க்கடலையை வெச்சு இப்படி தோசை சுடுங்க.. வேற லெவல் டேஸ்ட்ல இருக்கும்..
- 4 hrs ago Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- 9 hrs ago 18 ஆண்டுகளுக்கு பின் உருவாகியுள்ள அங்காரக யோகம்: ஜூன் வரை இந்த 3 ராசிக்காரங்க கவனமா இருக்கணும்...
- 10 hrs ago Garlic Peels: பூண்டின் தோலில் இவ்வளவு நன்மைகளா? என்னென்ன-ன்னு தெரிஞ்சா ஆச்சரியப்படுவீங்க..
Don't Miss
- News ஏசி ராத்திரியெல்லாம் ஓடுதா? நீங்க AC யூஸ் பண்ணும்போது, இந்த 5 மேட்டரை நோட் பண்ணுங்க.. பெஸ்ட் டிப்ஸ்
- Technology TDS முழுசா வேணுமா? அப்போ உங்க PAN கார்டுல இது முக்கியம்.. உடனே செஞ்சிடுங்க.. Income Tax-ன் திடீர் உத்தரவு!
- Movies டெய்லர் ஸ்விஃப்டுடன் கச்சேரி நடத்தப் போகிறாரா ஏ.ஆர். ரஹ்மான்?.. அந்த விருது வேற கிடைச்சிருக்கே!
- Sports தோனி கிடையாது! இந்த 28 வயது வீரர் தான் மிகவும் அபாயகரமான வீரர்.. மேத்தீவ் ஹைடன் கருத்து
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
திருமணமான ஒவ்வொரு ஆண்களும் சாப்பிட வேண்டிய உணவுகள்!
திருமணமான ஆண்கள் தங்களின் ரொமான்டிக் வாழ்க்கையும், உடல் ஆரோக்கியமும் சிறப்பாக இருக்க சாப்பிட வேண்டிய சில முக்கியமான உணவுகள் குறித்து இப்போது காண்போம்.
திருமணத்திற்கு பிறகு ஆண்கள் தாங்கள் உண்ணும் உணவில் கவனம் செலுத்த வேண்டும். ஏனெனில் நல்ல ஆரோக்கியமான உணவுகளை உண்பது டெஸ்டோஸ்டிரோன் அளவு, கருவுறுதல், நல்ல மனநிலை மற்றும் ஒட்டுமொத்த ஆரோக்கியத்தையும் மேம்படுத்தும்.
தற்போது பல தம்பதிகள் மன அழுத்தம் நிறைத்த வாழ்க்கை முறையால் தங்களின் காதல் வாழ்வில் முழுமையான அன்பை அனுபவிக்க முடியாமல் இருக்கின்றனர். சிலருக்கு காதல் உணர்வு இருந்தாலும், தங்களின் ரொமான்டிக் திட்டங்களை செயல்படுத்த உடலில் போதுமான வலிமை இல்லாமல் இருக்கின்றனர். உடலுக்கு வேண்டிய வலிமையை உணவுகள் மூலமாக எளிதில் பெறலாம்.
மேலும் திருமணமான ஆண்களின் காதல் வாழ்க்கை சிறப்பாக இருக்க, நல்ல இரத்த ஓட்டம் மற்றும் சகிப்புத்தன்மை போன்றவையும் முக்கியம். இதற்கும் உணவுகள் உதவி புரிகின்றன. எனவே திருமணமான ஆண்கள் தங்களின் ரொமான்டிக் வாழ்க்கையும், உடல் ஆரோக்கியமும் சிறப்பாக இருக்க சாப்பிட வேண்டிய சில முக்கியமான உணவுகள் குறித்து இப்போது காண்போம். அந்த உணவுகளை தினமும் உட்கொண்டு வந்தால், உடல் ஆரோக்கியம் மட்டுமின்றி, பாலியல் வாழ்க்கையும் சிறப்பாக இருக்கும்.
பூண்டு
பூண்டில் இருக்கும் அல்லிசின் திருமணமான ஆண்களுக்கு மிகவும் அவசியமான ஒன்று. ஏனெனில் இந்த பொருள் பிறப்புறுப்பு பகுதிகளுக்கு இரத்த ஓட்டத்தை அதிகரிக்கிறது மற்றும் படுக்கையில் நன்றாக செயல்பட உதவுகிறது. எனவே அன்றாட உணவில் தவறாமல் பூண்டு சேர்த்தால் திருமணமான ஆண்களின் பாலியல் வாழ்க்கை சிறப்பாக இருக்கும்.
சாக்லேட்
சாக்லேட்டில் ஃபைனிலெதிலமைன் உள்ளது. இது உடலில் டோபமைனை வெளியிட உதவும் ஒரு கலவை ஆகும். உடலில் டோபமைன் சிறப்பான அளவில் வெளியிடப்பட்டால், மனநிலை சிறப்பாக இருக்கும் மற்றும் எப்போதும் நன்கு உணர வைத்து, மன அழுத்தமின்றி வைத்துக் கொள்ளும்.
வாழைப்பழம்
திருமணமான ஆண்கள் வாழைப்பழத்தை தினமும் சாப்பிட வேண்டும். இதனால் உடலுக்கு வைட்டமின் பி6, பொட்டாசியம், கால்சியம் போன்றவை கிடைத்து, எப்போதும் சுறுசுறுப்பாகவும் வலுவாகவும் வைத்திருக்கும். மேலும் இதில் உள்ள சத்துக்கள் உடலில் காதல் ஹார்மோன்களை உற்பத்தி செய்ய உதவி புரிந்து, பாலுணர்ச்சியை நல்ல நிலையில் வைத்திருக்க உதவும்.
மாட்டிறைச்சி
நீங்கள் சைவ உணவாளராக இருந்தால், இந்த உணவைத் தவிர்த்திடுங்கள். ஆனால் மாட்டிறைச்சியில் எல்-கார்னைடைன் உள்ளது. இது டெஸ்டோஸ்டிரோன் அளவை அதிகரிப்பதாக கூறப்படுகின்றன. உடலில் டெஸ்டோஸ்டிரோன் அளவு சிறப்பாக இருந்தால், காதல் வாழ்க்கையும் சிறப்பாக இருக்கும்.
பசலைக்கீரை
பசலைக்கீரையில் உள்ள ஃபோலிக் அமிலம், ஆண்மை மற்றும் கருவுறுதலை அதிகரிக்கும். மேலும் இதில் உள்ள மக்னீசியம் இரத்த நாளங்களை விரிவடையச் செய்து, உடல் முழுவதும் இரத்த ஓட்டம் சிறப்பாக இருக்கச் செய்வதாக கூறப்படுகிறது. எனவே அடிக்கடி உணவில் பசலைக்கீரையை சேர்த்து ரொமான்டிக் வாழ்க்கையை சிறப்பாக வைத்துக் கொள்ளுங்கள்.
கடல் சிப்பிகள்
கடல் சிப்பிகளில் நுத்தநாகம்/ஜிங்க் உள்ளது. இது டெஸ்டோஸ்டிரோன் அளவை அதிகரிக்கக்கூடியது. மேலும கடல் சிப்பிகள் காதல் ஹார்மோன்களை சுரக்க உதவுகின்றன. நீங்கள் உங்கள் படுக்கையில் நீண்ட நேரம் சிறப்பாக செயல்பட நினைத்தால், கடல் சிப்பிகளை அடிக்டி சமைத்து சாப்பிடுங்கள்.
மாதுளை
பழங்களில் மாதுளை உடலுக்கு உடனடி ஆற்றலை வழங்குகின்றன மேலும் மாதுளை கெட்ட கொலஸ்ட்ரால் அளவைக் குறைக்க உதவுகிறது மற்றும் உயர் இரத்த அழுத்தத்தைத் தடுக்கிறது. ஏனெனில் இதில் வைட்டமின்கள், ஆன்டி-ஆக்ஸிடன்ட்டுகள் மற்றும் கனிமச்சத்துக்கள் அதிகம் உள்ளன. சில ஆய்வுகளில் மாதுளை ஜூஸை தினமும் குடித்து வந்தால், அது ஆண்களுக்கு வரும் புரோஸ்டேட் புற்றுநோயின் வளர்ச்சியைக் குறைப்பதாக தெரிய வந்துள்ளது.