சாப்பிட்ட உடனே எந்த பிரச்னையும் இல்லாம ஜீரணமாகணுமா? அப்போ நீங்க இததான் சாப்பிடணும்...

நார்ச்சத்து மிக்க உணவு பொருள்கள்

நார்ச்சத்து அதிகமாக இருக்கும் உணவு பொருள்களை சாப்பிட்டால் மலச்சிக்கல் அகலும். வயிறு பிரச்னை உள்ளவர்கள் பழங்கள், காய்கறிகள் மற்றும் தோல், தவிடு நீக்கப்படாத முழு தானியங்களை உண்ணலாம்.

வாயு தொல்லை இருந்தால் ஆப்பிள், திராட்சை ஜூஸ், வாழைப்பழம், பாதாம், முந்திரி, பிஸ்தா, வால்நட், கஸ்கொட்டை போன்ற கொட்டை வகைகள், உலர்ந்த திராட்சை, பிரெக்கோலி, காலிஃபிளவர் வகை காய்கறிகளை தவிர்க்க வேண்டும். நார்ச்சத்து குறைவாக இருக்கும் வெள்ளை பிரட், பாஸ்தா மற்றும் சர்க்கரையை குறைத்துக் கொள்ள வேண்டும்.

MOST READ: பிரியங்கா சோப்ரா பெட்ரூம்ல எப்படி இருக்கணும்னு அவர் கணவர் போட்ட ரூல்ஸ் என்ன தெரியுமா?

கொழுப்புச்சத்து குறைவான உணவு பொருள்கள்

ஆட்டு இறைச்சி, மாட்டு இறைச்சி, பன்றி இறைச்சி போன்ற கொழுப்புச் சத்து அதிகமான இறைச்சிகளை குறைவாக உண்ணவேண்டும். புரதச் சத்துக்காக தோல் நீக்கப்பட்ட கோழி இறைச்சி, வான்கோழி இறைச்சி ஆகியவற்றையும் குளிர்நீர் மீன்களான கோளா, கெண்டை மற்றும் கலவா ஆகியவற்றையும், பயிறு வகைகளையும் சாப்பிடலாம்.

அதிக கொழுப்புள்ள உணவுகள் மற்றும் நொறுக்குத் தீனிகள் செரிக்க சிரமப்படுவதுடன், பெருங்குடலுக்கும் தொல்லை தரும். பால் சார்ந்த தயாரிப்புகளிலும் கொழுப்பு குறைவானவற்றை உண்ணலாம்.

மிருதுவான உணவு பொருள்கள்

சுவையூட்டுவதற்காக தாளிக்கப்படும் உணவு வகைகள் குடல் பிரச்னை உள்ளவர்களுக்கு ஏற்றது அல்ல. பெருஞ்சீரகம், புதினா போன்றவை சேர்ந்த உணவு நல்லது. மணமூட்டிகள் பயன்படுத்தப்பட்ட எல்லா உணவுகளையும் தவிர்க்கவேண்டும் என்ற அவசியம் இல்லை.

எந்த உணவு வயிற்றுக்கு ஒத்துக்கொள்ளவில்லை என்று அடையாளம் கண்டு அவற்றை தவிர்க்க வேண்டும். சாஸ், மிளகாய் தூள், மிளகாய் வற்றல், பூண்டு, இஞ்சி ஆகியவை வயிற்று உபாதையை ஏற்படுத்தக்கூடியவையாதலால் அவற்றை தவிர்க்க அல்லது குறைத்துக்கொள்ள வேண்டும்.

MOST READ: சனிபகவானுக்கு எள் தீபம் ஏற்ற வேண்டிய மூன்று ராசிக்காரர்கள் யார் யார்? ஏற்றினால் என்னாகும்?

தவிர்க்க வேண்டியவை

வயிற்று உபாதை உள்ளவர்கள் அனைவரும் தவிர்க்கக்கூடியவை என்று உணவு பொருள்களை வகைப்படுத்த இயலாது. சிலருக்கு ஒத்துக்கொள்ளும் உணவு பொருள்கள் வேறு சிலருக்கு வயிற்றுக் கோளாறை கொண்டு வரும். ஆகவே, உங்களுக்கு எந்த உணவு ஒத்துக்கொள்ளும், எவை ஒத்துக்கொள்ளாது என்ற பட்டியலை தயாரித்து அதன்படி சாப்பிடுங்கள்.

பொதுவாக, பால் சார்ந்த உணவு, ஆல்கஹால் மற்றும் காஃபைன் கலந்த பானங்கள், பதப்படுத்தப்பட்ட உணவு, செயற்கை இனிப்பு பானங்கள் ஆகியவற்றை தவிர்ப்பது நல்லது.