Just In
- 52 min ago சப்பாத்திக்கு ஏற்ற மணமணக்கும்... ருசியான.. சைவ சிக்கன் கிரேவியை எப்படி செய்யணும் தெரியுமா?
- 2 hrs ago உங்க பற்கள் வலிமையாகவும், கிருமிகள் இல்லாததாகவும் இருக்கணுமா? இதில் ஒன்றை தினமும் சாப்பிடுங்க...!
- 3 hrs ago மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- 4 hrs ago Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
Don't Miss
- News ‛‛ஜெய் ஸ்ரீராம்’’ எழுதினாலே பாஸ் மார்க்.. ஹேப்பியான மாணவர்கள்.. உபியில் ஆசிரியர் செய்ததை பாருங்க
- Sports 4 பந்துகளில் 4 சிக்ஸ்.. டி வில்லியர்ஸ் சாதனையை முறியடித்த பட்டிதர்.. 19 பந்துகளில் மிரட்டல் அரைசதம்!
- Automobiles டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- Movies Pa Vijay: ஒரேயொரு சூரியன் மாதிரி.. ஒரேயொரு அப்படிபோடு பாடல்.. பா. விஜய் உற்சாகம்!
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
வயிற்று வலி வரும்போது நீங்கள் தவிர்க்க வேண்டிய உணவுகள்!!
வயிற்று வலியால் அவதிப்படும்போது, தவிர்க்க வேண்டிய மற்றும் சாப்பிட வேண்டிய உணவுகளை இந்த கட்டுரையில் காணலாம்.
வயிற்று வலிக்கு பொதுவான காரணம் ஜீரண மண்டல பாதிப்பு. வயிற்று வலி வயிற்றில் உண்டாகியிருக்கும் தொற்றுக்கான சாதரண வலி. ஃபுட் பாய்ஸன் ஆகியிருந்தால் அல்லது கிருமிகளின் தொற்றுக்களால் வயிற்று வலி உண்டாவதை சிறியவர்கள் முதல் பெரியவர்கள் வரை தவிர்க்க இயலாது.
வயிற்று வலி வந்தால் உடனே எல்லா மருந்துகளையும் நாம் ட்ரை பண்ணிப் பார்ப்பது வழக்கம். ஆனால் எந்த மாதிரியா உணவுகளை நாம் முதலில் தவிர்க்க வேண்டும் என்பதை நாம் நினைப்பதில்லை.
வயிற்று வலி வருவதற்கு பலப்பல காரணங்கள் உண்டு. அஜீரணம், தொற்று, வாய்வு, மலச்சிக்கல், என சாதாரண பாதிப்புகள் நிறைய உண்டு. வயிற்று வலிகான காரணம் கண்டுபிடிப்பது போல் எந்த மாதிரியான உணவுகளையும் நீங்கள் சாப்பிடக் கூடாது என்பதையும் நீங்கள் தெரிந்து வைத்துக் கொள்ள வேண்டும். அவற்றைப் பற்றி காணலாம்.
பால் உணவுகள் :
பால் உணவுகளில் இருக்கும் லாக்டோஸ் உங்கள் வயிற்று வலியை இன்னும் அதிகபப்டுத்திவிடும். காரணம் அவை எளிதில் செரிக்காது. இதனால் செரிமான மண்டலம் இன்னும் அதிகமாக எதிர்ப்புகளை தெரிவிக்கும்போது , வலி தீவிரமாகும். ஆகவே பாலை தவிருங்கள்.
கொழுப்பு :
சாதரணமாகவே கொழுப்பு உணவுகள் செரிக்க தாமதமாகும். வயிற்று வலி இருக்கும்போது கொழுப்பு, எண்ணெய் உணவுகளை சாப்பிடும்போது வயிற்று வலி மற்றும் வாந்தி போன்றவையும் ஏற்படும்.
காரம் :
கார உணவுகள் ஜீரண நொதிகளை தூண்டிவிடும். இதனால் அதிக அமிலத்தன்மை உண்டாகி நெஞ்செரிச்சல், எரிச்சல் போன்றவை உண்டாகும். ஆகவே காரமான உணவுகளை வயிற்று வலி இருக்கும்போது அறவே தவிருங்கள்.
இனிப்பு வகைகள் :
இனிப்பு வகைகள் உங்கள் ஜீரண மண்டலத்தை பாதிக்கும் உணவுகளாகும். இவை தொற்றினை இன்னும் அதிக தீவிரப்படுத்துவதால் நிலைமை இன்னும் அதிகம் பாதிக்கப்படும். ஆகவே இனிப்பு வகைகளை வயிற்று வலியின் போது சாப்பிடாதீர்கள்.
காஃபி :
காபி அஜீரணத்தை உண்டுபண்ணும். உங்களுடைய குடலின் செய்ல்பாடுகளை குறைக்கும். மலச்சிக்கலையும் உண்டு பண்ணும். ஆகவே வயிற்றுப் பிரச்சனை இருக்கும்போது காபி குடிக்கக் கூடாது.
சோடா :
வயிற்று வலி வந்தால் நிறைய பேர் சோடா குடிப்பார்கள். இது தவறு. அதிலுள்ள கார்பனேற்ற மூலக்கூறுகள் இன்னும் அதிக வாய்வை வயிற்றுக்குள் உண்டு பண்ணும்போது வலி அதிகமாகும். ஆகவே சோடா குடிக்காதீர்கள்.
ரிஃபைண்டு மாவுப் பொருட்கள் :
பொதுவாகவே கார்போஹைட்ரேட் உணவுகள் செரிப்பதற்கு தாமதமாகும். அவற்றினால் செய்யப்பட்ட சுத்தரிக்கப்பட்ட அரிசி மாவு, கோதுமை மாவு, மைதா மாவை தவிருங்கள். இவை குடல்களில் ஒட்டிக் கொண்டு பிரச்சனைகளை உண்டு பண்ணும்.
நார்ச்சத்து உணவுகள் :
நார்ச்சத்து நிறைந்த உணவுகள் மற்ற எல்லா நேரங்களிலும் மிகவும் நல்லது. ஆனால் வயிற்று வலி இருக்கும்போது நார்ச்சத்து நிறைந்த உணவுகளை தவிருங்கள். இவை வயிற்றுப் போக்கை உண்டாக்கிவிடும்.
மது :
மது எப்போதுமே குடிக்கக் கூடாது. குறிப்பாக வயிற்று வலி இருந்தால் நீங்கள் மதுவின் பக்கமே போகக் கூடாது. இவை நோயின் அறிகுறிகளை இன்னும் தீவிரப்படுத்திவிடும்.
என்ன சாப்பிடலாம் :
லாக்டிக் அமிலம் அதிகம் இருக்கும் உணவுகளை சாப்பிடலாம். உங்களுக்கு தொற்றினால் ஏற்பட்ட வயிற்று வலி என்றால் தயிர் மற்றும் யோகார்ட்டை சாப்பிடுங்கள். இவை நல்ல பாக்டீரியாக்களை உற்பத்தி செய்யும்போது உடலுக்கு நன்மைகளை தருகிறது. அது போல் பழங்களும் மிகவும் நல்லது.
மாதுளை
பழச் சாறுகளை குடிக்கலாம். இவை எளிதில் செரிக்கும். தேவையான தெம்பையும் பழச் சாறுகள் தரும். குறிப்பாக மாதுளைச் சாறு வயிற்றுப் பாதிப்புகளுக்கு மிகவும் உகந்ததாக இருக்கிறது.
வாழைப்பழம் :
வாழைப்பழம் தினமும் சாப்பிடுங்கள். அது உடலுக்கு தேவையான பொட்டாசியம் தருகிறது. வயிற்று வலிக்கு நல்ல மருந்தாக வாழைப் பழம் பயன்படுகிறது. பலவீனமன தசைகளை வலுப்படுத்துகிறது.
அரிசி பயித்தம் கஞ்சி :
பயிற்றம் பருப்பு மற்றும் அரிசியை வறுத்து பொடி செய்து கஞ்சியாக காய்ச்சி குடிப்பது நல்லது. எளிதில் ஜீரணமாகும். பயிற்றம் பருப்பு வயிற்று உபாதைகளை நீக்கும். உடலுக்கு தெவையான தெம்பும் கிடைக்கும்.