தினமும் ஐந்து கப் காபி குடிப்பதால் இந்த புற்றுநோயிலிருந்து தப்பிக்கலாம்

ஆய்வுகள்

பி.எம்.ஜெ நடத்திய ஆய்வு அதிகமாக காபி குடிப்பதால் ஹெபடோசெல்லுலர் புற்றுநோயிலிருந்து (HCC) நம்மை காக்கிறது என தெரிவித்துள்ளது. இது அதிகமான இறப்புகளை உண்டாக்குவதில் இரண்டாம் இடத்தை பிடித்திருக்கிறது என்பது குறிப்பிடத்தக்கது.

புற்றுநோய் ஆபத்து குறைகிறது

காஃபின் உள்ள காபியை ஒரு கப் அளவு தினமும் குடிப்பதால், 20 சதவீதம் ஹெபடோசெல்லுலர் புற்றுநோய் (HCC) அபாயம் குறைகிறது. இரண்டு கப் காபி குடிப்பதால், 35 சதவீதம் குறைகிறது.

நன்மைகள்

காபி குடிப்பதால் நிறைய ஆரோக்கியம் சார்ந்த நன்மைகள் இருப்பதாக ஆய்வுகள் தெரிவிக்கின்றன. மேலும் இந்த புதிய ஆய்வுகள் காபி குடிப்பது கல்லீரல் புற்றுநோய் வராமல் காக்கும் என தெரிவிக்கின்றன.

காபின் இல்லாத காபி

மேலும் காபின் அல்லாத காபி பருகுவதால் குறைந்த அளவு நன்மைகள் ஏற்படுவதாகவும் இந்த ஆய்வுகள் தெரிவிக்கின்றன.

புற்றுநோய் எதிர்ப்பு மூலக்கூறுகள்

காபியில், ஆண்டிஆக்சிடண்டுகள், புற்றுநோய் மற்றும் அலர்சி எதிப்பு மூலக்கூறுகள் அடங்கியுள்ளன. மேலும் காபியில் கல்லீரல் புற்றுநோயிலிருந்து காக்கும் பொருட்களும் அடங்கியுள்ளதாக ஆய்வாளர்கள் தெரிவித்துள்ளனர்.

மேலும் காபி இது போன்ற சில நோய்களின் ஆபத்துகளில் இருந்து பாதுகாப்பது மட்டுமின்றி, வேறு சில மரணத்தை உண்டாக்கும் நோய்களில் இருந்தும் நம்மை பாதுகாக்கிறது.

இயற்கை மருந்து

காபியை பற்றிய இந்த ஆய்வின் மூலம் காபி ஒரு மிகச்சிறந்த இயற்கை மருந்து என கண்டுபிடிக்கப்பட்டுள்ளதாக விஞ்ஞானிகள் தெரிவித்துள்ளனர்.