லேப்டாப்பை மடியில் வைத்து வேலை பார்ப்பவரா நீங்க? உங்களுக்கான கடைசி எச்சரிக்கைதான் இது...!

மடிக்கணினிகள் இன்றைய உலகில் தவிர்க்க முடியாத ஒரு முக்கிய சாதனமாக மாறிவிட்டது, உற்பத்தித்திறன், தொழில்நுட்பம் மற்றும் புதிய உலகை உருவாக்கும் இன்றியமையாத கருவிகளாக அவை மக்களுக்கு பயன்படுகின்றன.

கொரோனா காலகட்டத்திற்கு பிறகு இந்த கையடக்க கணினிகள் அன்றாட வாழ்க்கையின் ஒரு அங்கமாகிவிட்டன, இது நாம் வேலை செய்யும் விதம், தொடர்புகொள்வது மற்றும் தகவல்களை அணுகும் விதத்தை மாற்றுகிறது.

தொழில் துறையில், மடிக்கணினிகள் தனிநபர்களுக்கு தொலைதூரத்தில் வேலை செய்ய வசதியை அளிக்கிறது, அதேசமயம் செயல்திறனையும் வளர்க்கிறது. தொழில்நுட்பத்தை சார்ந்து இருப்பது நமது ஆரோக்கியத்திற்கு சில எதிர்மறை விளைவுகளை ஏற்படுத்துகிறது.

மடிக்கணினிகளை நாம் எப்படி வைத்திருக்கிறோம் என்பதில் தொடங்கி அதனை எவ்வளவு நேரம் பார்க்கிறோம் என்பது வரை அனைத்தும் சில பக்கவிளைவுகளை ஏற்படுத்துகிறது. பெரும்பாலும் நாம் அவற்றை மடியில் வைத்து, குனிந்து, வேலை செய்வதை வழக்கமாக வைத்திருக்கிறோம். ஆனால் இதை தொடர்ந்து செய்து வந்தால் உடலுக்கு தீங்கு விளைவிக்கும் என்பது உங்களுக்கு தெரியுமா?

இன்றைய உலகில் மடிக்கணினிகளின் முக்கியத்துவம் கற்பனைக்கு அப்பாற்பட்டதாக இருப்பதால், உங்கள் ஆரோக்கியத்தை ஆபத்தில் ஆழ்த்தாமல் அவற்றை எவ்வாறு திறம்பட பயன்படுத்துவது என்பதை அறிந்து கொள்வது அவசியம்.

சரும பாதிப்பு

நீண்ட நேரம் பயன்படுத்தும் போது லேப்டாப்கள் சூடாகலாம். சூடான கணினிகளை உங்கள் மடியில் வைத்து வேலை செய்யும் போது தோல் காயமடையலாம், மேலும் அவை ஒரு குறிப்பிட்ட வகையான தோல் புற்றுநோயையும் கூட ஏற்படுத்தலாம். உங்கள் கம்ப்யூட்டர்களை அருகில் வைத்துக்கொண்டால், உங்கள் அந்தரங்க பாகங்களில் வேறு வகையான புற்றுநோய்கள் வர வாய்ப்புள்ளது.

முதுகு வலி

உங்கள் மடியில் எப்போதும் மடிக்கணினியைப் பயன்படுத்தினால் உங்கள் முதுகு மற்றும் கழுத்து வலிக்கும். இதற்கான எளிதான தீர்வு, நீங்கள் உங்கள் மடிக்கணினியைப் பயன்படுத்தும் போது, அதை ஒரு மேஜையில் அல்லது ஸ்டாண்டில் வைத்து வேலை செய்யவும்.

புற்றுநோய் ஆபத்து

சுவிஸ் ஆராய்ச்சியாளர்கள், சூடான மடிக்கணினி உங்கள் மடியில் தோல் சேதத்திற்கு வழிவகுக்கும், மேலும் அது தோல் புற்றுநோயாக கூட உருவாகலாம் என்று கண்டறிந்தனர். சரும மருத்துவர்களும் கூட இந்த ஆராய்ச்சி முடிவை ஆதரித்தனர், நீடித்த தோல் அழற்சியானது ஸ்குவாமஸ் செல் தோல் புற்றுநோயின் வாய்ப்புகளை அதிகரிக்கும். மக்கள் தங்கள் இனப்பெருக்க உறுப்புகளுக்கு அருகில் மடிக்கணினிகளை வைத்திருப்பதால், அது டெஸ்டிகுலர் மற்றும் கருப்பை புற்றுநோய்களை ஏற்படுத்தலாம்.

படுக்கைக்கு அருகில் இருக்கக்கூடாது

உங்கள் மடிக்கணினியை படுக்கைக்கு முன் பயன்படுத்தினால், அதன் வெளிச்சம் உங்களை தூங்கவிடாமல் தடுக்கும். உங்கள் திரையின் பிரகாசத்தை மாற்ற உதவும் கருவியை பயன்படுத்தவும் அல்லது அதற்குப் பதிலாக புத்தகத்தைப் படிக்கவும்.

லேப்டாப் அதிகம் பயன்படுத்தும் பெண்களுக்கு குழந்தை பிறப்பது கடினமாக இருக்கும். கூடுதலாக, கணினிகளை அதிகம் பயன்படுத்தும் கர்ப்பிணிப் பெண்கள் தங்கள் குழந்தைகளின் ஆரோக்கியத்திற்கு ஆபத்தை ஏற்படுத்தலாம்.

உங்கள் சூடான மடிக்கணினியை உங்கள் மடியில் அதிக நேரம் வைத்திருந்தால், அது உங்கள் முகத்திற்கு விசித்திரமான தோற்றத்தைக் கொடுக்கும். இது அடிக்கடி நடக்காது, ஆனால் தொடர்ச்சியாக இதனை செய்யும்போது இந்த மாற்றங்கள் அடிக்கடி நிகழலாம்.

மடிக்கணினியை தெரியாமல் கூட மடியில் வைக்கக் கூடாது. அதற்கு பதிலாக, ஒரு மேசையைப் பயன்படுத்தவும். உங்கள் மடிக்கணினியைப் பயன்படுத்தும் போது கூடுதல் பாதுகாப்பை நீங்கள் விரும்பினால், மடிக்கணினி கவசத்தைக் கூட பயன்படுத்தலாம்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.