Just In
- 2 hrs ago நீங்க ஏ.சி. போட போறீங்களா? இந்த 3 விஷயங்களை செய்ய மறந்துடாதீங்க...!
- 2 hrs ago சித்ரா பெளர்ணமி.. திருவண்ணாமலையில் குவியும் பக்தர்கள்.. கிரிவலம் செல்ல நல்ல நேரம் எது?
- 3 hrs ago அனுமன் ஜெயந்தியன்று உருவாகும் அரிய யோகங்கள்: இன்று இந்த 3 ராசிக்கு ரொம்பவும் அதிர்ஷ்டமா இருக்கப் போகுது..
- 3 hrs ago சித்ரா பெளர்ணமியில் கண்டிப்பாக இதை செய்யுங்கள்... செல்வம் சேரும்..!
Don't Miss
- News பள்ளிக்கரணை ஆணவக் கொலையால் இறந்த கணவன்.. துக்கம் தாளாமல் விஷம் குடித்து தற்கொலை செய்த மனைவி
- Movies பழனிக்கே பஞ்சாமிர்தமா?.. கூலி படத்தோட கதையில பல வருஷத்துக்கு முன்னாடியே ரஜினி நடிச்சிட்டாரே பாஸ்!
- Automobiles இந்தியாவை தாண்டினால் டாடா கார்களுக்கு மவுசு கிடையாது!! 5-ஸ்டார் ரேட்டிங் கார்களுக்கு இப்படியொரு நிலைமையா!
- Technology பிளிப்கார்ட் பிச்சிக்குது.. வெறும் ரூ.13,999 போதும்.. OIS கேமரா.. 6000mAh பேட்டரி.. 1TB மெமரி.. எந்த மாடல்?
- Finance 15-15-15 ரூல் பயன்படுத்தி ரூ. 1 கோடி பெறுவது எப்படி? இதை நோட் பண்ணுங்க!
- Sports சிஎஸ்கே அணிக்கு சிக்கல்.. பிளே-ஆஃப் வாய்ப்புக்கு ஆப்பு வைத்த 2 அணிகள்.. இனி என்ன செய்ய வேண்டும்?
- Education மாணவர்களுக்கோர் ஓர் நற்செய்தி.. நான்கு ஆண்டு இளங்கலை பட்டப்படிப்பு படித்தவர்கள் பிஎச்.டி.யில் சேர
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
வயிற்றில் உள்ள கொழுப்பைக் கரைக்க காலையில் குடிக்க வேண்டிய பானங்கள்!
உணவுகளில் உள்ள உட்பொருட்கள், உடலின் மெட்டபாலிசத்தை அதிகரித்து, உடலில் தேங்கியுள்ள கொழுப்புக்களைக் கரைத்து உடல் எடையைக் குறைக்கத் தூண்டுகின்றன. உணவுகளுடன் ஒருசில பானங்களும் உடல் எடையைக் குறைக்க உதவுகின்றன.
உடல் எடையைக் குறைப்பது என்பது மிகவும் சவாலானது. ஏன் சிலருக்கு இது ஒரு கனவாக கூட இருக்கலாம். ஏனெனில் அந்த அளவில் உடல் பருமனானது பலரது வாழ்க்கையை கஷ்டமாக்கியுள்ளது. அதுவும் அன்றாட செயல்பாடுகளைக் கூட செய்ய முடியாதவாறு பெரும் சிரமத்திற்கு உள்ளாக்கியுள்ளது.
இப்படி அதிகரித்த உடல் எடையை குறைக்க உடற்பயிற்சிகள் மற்றும் டயட்டுகள் பெரிதும் உதவி புரிகின்றன. முக்கியமாக உணவுகளில் உள்ள உட்பொருட்கள், உடலின் மெட்டபாலிசத்தை அதிகரித்து, உடலில் தேங்கியுள்ள கொழுப்புக்களைக் கரைத்து உடல் எடையைக் குறைக்கத் தூண்டுகின்றன. உணவுகளுடன் ஒருசில பானங்களும் உடல் எடையைக் குறைக்க உதவுகின்றன. அதுவும் சரியான பானங்களைத் தேர்ந்தெடுத்து குடிப்பது, பசியைக் கட்டுப்படுத்தவும், கலோரிகளைக் குறைக்கவும் உதவும் என்று மெடிக்கல் நியூஸ் டுடே தெரிவித்துள்ளது.
நீங்கள் உடல் எடையைக் குறைக்க காலையில் தினமும் உடற்பயிற்சியை செய்து வருபவராயின், அத்துடன் காலையில் எடை இழப்பு இலக்குகளை அடைய உதவும் ஒருசில பானங்களைக் குடித்து வாருங்கள். இதனால் உங்களின் உடல் எடை இரட்டிப்பு வேகத்தில் கரையும். இப்போது உடல் எடையைக் குறைக்க காலையில் குடிக்க வேண்டிய பானங்கள் எவையென்று காண்போம்.
MOST READ: உங்க கையில இப்படி நட்சத்திர குறி இருக்கா? அது நல்லதா, கெட்டதா? அதுக்கு என்ன அர்த்தம்?
தண்ணீர்
காலையில் எழுந்ததும் நூறு சதவீதம் கலோரி இல்லாத பானத்துடன் அந்நாளைத் தொடங்குவது மிகவும் நல்லது. தண்ணீர் ஒருவரது தாகத்தைத் தணிப்பதோடு, பல்வேறு நன்மைகளை வழங்கக்கூடியது. அதுவும் உணவிற்கு முன் தண்ணீரைக் குடிப்பது, ஒவ்வொரு ஆண்டும் 27,000-க்கும் குறைவான கலோரிகளை எடுக்க உதவுகிறது. மேலும் இது கலோரிகள் மற்றும் சர்க்கரையை குறைப்பதற்கான மிகவும் எளிய வழியாகும். அதோடு கலோரிகளை எரிப்பதற்கு நீரேற்றம் செயல்படுகிறது. ஆகவே உங்களின் எடை இழப்பு ஒரு நீண்ட கால நோக்கமாக இருந்தால், நீரேற்றத்துடன் இருப்பது அதற்கு ஒரு நல்ல துவக்கமாக இருக்கும்.
காய்கறி ஜூஸ்
கலோரி மற்றும் சர்க்கரை குறைவான காய்கறி ஜூஸ்கள், உடல் எடையை நிர்வகிக்க ஆரோக்கியமான வழியை வழங்குகின்றன. காய்கறிகளான கேரட், வெள்ளரிக்காய், செலரி மற்றும் கேல் போன்றவற்றில் நார்ச்சத்து அதிகம் உள்ளது. மேலும் இந்த காய்கறிகளில் அத்தியாவசிய கனிமச்சத்துக்களும், வைட்டமின்களும் உள்ளதால், இது உடலை ஆற்றலுடன் வைத்திருப்பதோடு, கடுமையான உடல் செயல்பாடுகளை செய்யும் போது உடல் இழக்கும் எலக்ட்ரோலைட்டுக்களை நிரப்புகின்றன. மொத்தத்தில் காய்கறி ஜூஸ்கள் புத்துணர்ச்சி அளிப்பதுடன், செரிமானத்தை விரைவுப்படுத்தும் மற்றும் பசியைக் கட்டுப்படுத்த உதவுகின்றன. ஆகவே காய்கறி ஜூஸ்களை காலையில் ஒரு டம்ளர் குடிக்கும் பழக்கத்தைக் கொள்ளுங்கள்.
சியா விதைகளுடன் எலுமிச்சை ஜூஸ்
காலையில் எழுந்ததும் ஒரு டம்ளர் நற்பதமான எலுமிச்சை சாறு பிழிந்த நீரில், அரை டீஸ்பூன் சியா விதைகள் மற்றும் ஒரு டீஸ்பூன் தேன் சேர்த்து கலந்து குடிப்பது எடை இழப்பிற்கு மிகவும் நல்லது. இதனால் நீண்ட நேரம் வயிறு நிறைந்திருப்பதோடு, நோயெதிர்ப்பு சக்தியும் மேம்படும். அடிக்கடி பசித்தால் தான் கண்ட உணவுகளின் மீது நாட்டம் எழும். ஆனால் இந்த ஜூஸ் பசியைக் கட்டுப்படுத்துவதால், எடை இழக்க நினைப்போருக்கு இது ஒரு அற்புதமான காலை பானம்.
க்ரீன் டீ
எடை இழக்கும் முயற்சியில் இருப்பவர்கள், க்ரீன் டீயை குடிப்பது நல்லது. க்ரீன் டீயில் உள்ள பயோஆக்டிவ் மெட்டீரியல்களான காஃப்பைன் மற்றும் ஊட்டச்சத்துக்கள், கலோரிகளை குறைக்க உதவுகின்றன. ஆகவே உங்கள் எடையைக் குறைக்க விரும்பினால், காலையில் எழுந்ததும் க்ரீன் டீயை ஒரு கப் குடியுங்கள். அதுவும் உடற்பயிற்சி செய்வதற்கு முன் ஒரு டம்ளர் க்ரீன் டீ குடிப்பது இன்னும் நல்லது.
இஞ்சி டீ
மருத்துவ குணங்கள் அதிகம் நிறைந்த இஞ்சி எடை இழப்பு செயல்பாட்டை விரைவுப்படுத்துவதோடு, உடல் ஆரோக்கியத்தையும் மேம்படுத்தும். இஞ்சியில் உள்ள அழற்சி எதிர்ப்பு பண்புகளும், ஆன்டி-ஆக்டன்ட்டுகளும், உடல் பருமன் மற்றும் நாள்பட்ட இதய பிரச்சனைகளை எதிர்த்துப் போராடி பாதுகாப்பளிக்கின்றன. தினமும் இஞ்சியைக் கொண்டு டீ தயாரித்து இரண்டு வேளை குடித்து வந்தால், எதிர்பார்த்த உடல் எடையைக் குறைக்கலாம். இஞ்சி டீயின் சுவையை அதிகரிக்க விரும்பினால், அத்துடன் சிறிது எலுமிச்சை சாற்றினை சேர்த்துக் கொள்ளலாம்.
பட்டை மற்றும் தேன்
மிகவும் பழமையான மூலிகை தான் பட்டை. இந்த ஆரோக்கியமான மூலிகை இரத்த அழுத்தத்தைக் குறைக்கவும், கொழுப்புக்களைக் குறைக்கவும், இன்சுலின் செயல்பாட்டை மேம்படுத்தவும் மற்றும் செரிமானத்தை ஊக்குவிக்கவும் உதவுகிறது. இப்படிப்பட்ட பட்டையின் பொடியை வெதுவெதுப்பான நீரில் சேர்த்து, சுவைக்கு தேன் கலந்து குடித்தால், உணவுகளின் மீதான ஆர்வம் குறைந்து, உடல் எடையும் வேகமாக குறையும்.
ப்ளாக் டீ
ப்ளாக் டீ வயிற்றுப் கொழுப்பைக் குறைத்து, எடை இழப்பை மேம்படுத்துவதாக ஆய்வுகளில் கண்டறியப்பட்டுள்ளது. ப்ளாக் டீயில் உள்ள காப்ஃபைன் என்னும் பொருள், எடையைக் குறைக்க உதவுகிறது. எனவே உங்கள் எடையைக் குறைக்க விரும்பினால், ப்ளாக் டீ தயாரித்து தேன் கலந்து, அத்துடன் சிறிது எலுமிச்சை சாற்றினையும் கலந்து குடியுங்கள்.
ஆப்பிள் சீடர் வினிகர் நீர்
ஆப்பிள் சீடர் வினிகரில் உள்ள அசிட்டிக் அமிலம், வயிற்றில் தேங்கியுள்ள கொழுப்புக்களை நீக்கவும், உடலின் மெட்டபாலிசத்தை மேம்படுத்தவும் உதவுவதாக ஆய்வுகளில் நிரூபிக்கப்பட்டுள்ளது. மேலும் ஆப்பிள் சீடர் வினிகர் எடை இழப்பிற்கு மட்டும் உதவுவதோடு மட்டுமின்றி, ஆரோக்கியமான உணவுப் பழக்கத்திற்கும் ஆதரவளிக்கிறது.