கத்ரீனா கைஃப் கலந்து கொண்ட லெக்மீ வின்டர் பெஸ்டிவ் பேஷன் வீக் ஷோ

பேஷன் வீக் ஷோ

2018 ஆம் ஆண்டில் நடந்த லெக்மீ வின்டர் பெஸ்டிவ் பேஷன் வீக் ஷோவிலும் கத்ரீனா கைஃப் கலந்து கொண்டு தனது அழகால் ரசிகர்களை ஈர்த்தார். அப்போதும் அவர் ஆடையை வடிவமைத்தவர் மனிஷ் மல்ஹோத்ரா ஆவர். சென்ற ஆண்டு சல்மான் கான் உடன் சேர்ந்து புகைப்படத்தை வெளியிட்டு இருந்தார். எனவே இந்த ஆண்டும் எதிர்பார்ப்பு இருந்தபோது கத்ரீனா 2019 லெக்மீ வின்டர் பெஸ்டிவ் பேஷன் வீக் ஷோ இன்று நடைபெற்று புகைப்படங்கள் வெளியாகி உள்ளன.

ஆடை

கத்ரீனா அணிந்து இருந்த ஆடையானது வடிவமைப்பாளரான மனிஷ் மல்ஹோத்ராவின் தொகுப்பான 'மஹ்ரூமிஷா' விலிருந்து வந்தது, மனிஷ் மல்ஹோத்ராவின் இந்த ஆடையானது ஒரு புதிய வழியை விடுத்தது. அதாவது எப்போதும் போல் பாரம்பரிய சிவப்பு நிறத்தை தவிர்த்து ஒரு புது விதத்தை அறிமுகப்படுத்தி கருப்பு நிற லெஹங்கா அணிந்து இருந்தார்.

லெஹங்கா

ஹிந்தி நடிகையான கத்ரீனா கைஃப் அணிந்து இருந்த லெஹங்கா முழுவதும் கருப்பு நிறமுடையது. கத்ரீனா ஸ்லீவ்லெஸ் ஜாக்கெட் அணிந்து இருந்தார். அந்த ஸ்லீவ்லெஸ் ஜாக்கெட்களில் எந்தவித வேலைப்பாடுகளும் செய்யவில்லை. கத்ரீனா அணிந்து இருந்த பாவாடைகளில் முழுவதுமாக மனிஷ் மல்ஹோத்ரா தனது கைவண்ணத்தை தீட்டி இருந்தார். அந்த பாவாடை முழுவதும் மலர் வேலைப்பாடுகள் தீட்டப்பட்டு இருந்தன. பாவாடைகளில் மலர் எம்பிராய்டரிகள் தங்க நிற தொனியில் சிக்கலான மலர் வடிவங்களால் மிக அழகாக இடம் பெற்று இருந்தன. இவை பார்ப்பவர் கண்களை கவரும் வண்ணம் இருந்தது.

அணிகலன்கள்

கத்ரீனா கைஃப் அணிந்து இருந்த அணிகலன்கள் அவரின் அழகை இன்னும் மேன்படுத்துவதாக இருந்தது. தனது லெஹங்காவிற்கு ஈடாக விலை மதிப்பற்ற கற்கள் கொண்ட நெக்லெஸ் அணிந்து அத்துடன் ஒரு கல் கொண்ட காதணி மற்றும் இடது கையில் அணிந்து இருந்த மோதிரமும் கத்ரீனா ஆடைக்கு மிக பொருந்தி இருந்தது.

மேக்கப்

கத்ரீனா மேக்கப் என்று பார்க்கும் போது அவர் கிளாசிக் ஸ்மோக்கி கண் மேக்கப், பளபளக்கும் நியூடு லிப்ஸ்டிக், கன்னங்கள் வண்ண மயத்துடனும் சிறப்பிக்கப்பட்டு இருந்தன. மேலும் கத்ரீனா தோள்பட்டைக்கு மேல் விழுந்த அலை அலையான கூந்தல் அவரின் ஸ்மோக்கி கண்களுடன் இணைந்து கத்ரீனாவின் தோற்றத்தை நிறைவு செய்தன.