உங்க சருமம் ரொம்ப வறண்டு போகுதா? அப்ப இந்த ஃபேஸ் பேக்கை அடிக்கடி போடுங்க...

Winter Skin Care Tips In Tamil: குளிர்காலம் என்பதால் நிறைய பேர் சந்திக்கும் ஒரு பொதுவான பிரச்சனை தான் சரும வறட்சி. இப்படி சருமத்தில் வறட்சி அதிகரித்தால், அதன் விளைவாக சருமத்தில் பிளவுகள் ஏற்பட்டு, வலியுடன் கூடிய இரத்தக்கசிவும் ஏற்படும். அதுவும் ஏற்கனவே வறண்ட சருமத்தைக் கொண்டவர்களாக இருந்தால், குளிர்காலத்தில் இன்னும் நிலைமை மோசமடையக்கூடும்.

இதைத் தவிர்க்க வேண்டுமானால் முறையான சரும பராமரிப்பைக் கொடுக்க வேண்டும். அதுவும் குளிர்காலத்திற்கு ஏற்ற ஃபேஸ் பேக்குகளை பயன்படுத்தி வந்தால், வறட்சி தடுக்கப்பட்டு, சருமம் ஈரப்பதத்துடன் இருக்கும். இப்போது குளிர்காலத்தில் வறண்ட சருமத்தைக் கொண்டவர்கள் போட வேண்டிய ஃபேஸ் பேக்குகள் குறித்து காண்போம்.

1. தேன் மற்றும் ரோஸ் வாட்டர்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் அரிசி மாவை எடுத்து, அத்துடன் 1 டேபிள் ஸ்பூன் ஓட்ஸ் பவுடர், 2 டேபிள் ஸ்பூன் தேன் மற்றும் சிறிது ரோஸ் வாட்டர் சேர்த்து கலந்து கொள்ள வேண்டும்.
* பின் அதை முகம் மற்றும் கழுத்தில் தடவி 20 நிமிடம் ஊற வைக்க வேண்டும்.
* பின்பு குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கை வாரத்திற்கு 1 முறை பயன்படுத்தலாம்.

2. வாழைப்பழம் மற்றும் பால் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் நன்கு கனிந்த வாழைப்பழத்தை எடுத்து மசித்து, அத்துடன் 1 டேபிள் ஸ்பூன் பால் சேர்த்து கலந்து கொள்ள வேண்டும்.
* பின் அதை முகத்தில் தடவி 20 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கை இரவு நேரத்தில் பயன்படுத்துவது நல்லது.

3. கற்றாழை மற்றும் சந்தன ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் கற்றாழை ஜெல்லுடன், 1 டேபிள் ஸ்பூன் தேன் மற்றும் 1 டேபிள் ஸ்பூன் சந்தன பவுடரை எடுத்து கலந்து கொள்ள வேண்டும்.
* பின்பு அதை முகத்தில் தடவி 15 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கை வாரத்திற்கு 2 முறை பயன்படுத்தி வர நல்ல மாற்றத்தைக் காணலாம்.

4. கேரட் மற்றும் தேன் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் அரைத்த கேரட் விழுதை எடுத்து, அத்துடன் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின் அதை முகம் மற்றும் கழுத்தில் தடவி, 15 நிமிடம் ஊற வைக்க வேண்டும்.
* அதன் பின் குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கை வாரத்திற்கு 2 முறை பயன்படுத்தலாம்.

5. காபி ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் காபித் தூள், கொக்கோ பவுடர், தேன் மற்றும் சிறிது பால் சேர்த்து கலந்து கொள்ள வேண்டும்.
* பின் அதை முகத்தில் தடவி, குறைந்தது 15 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கை வாரத்திற்கு 2 முறை பயன்படுத்தலாம்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)