உங்க முகம் அதிகமா வறண்டு போகுதா? அப்ப இந்த ஃபேஸ் பேக்குகளை தினமும் போடுங்க..

Winter Skin Care Tips In Tamil: பொதுவாக குளிர்காலம் வந்தாலே, நிறைய பேர் சந்திக்கும் ஒரு பிரச்சனை தான் சரும வறட்சி. அதுவும் ஏற்கனவே வறண்ட சருமத்தைக் கொண்டவர்கள் இக்காலத்தில் இன்னும் அதிக சரும வறட்சியை சந்திப்பார்கள். இந்நிலையில் சருமத்தில் ஏற்படும் கடுமையான வறட்சியைப் போக்கவும், தடுக்கவும் ஈரப்பதமூட்டும் ஃபேஸ் பேக்குகளை போடுவது நல்லது.

இப்படி ஃபேஸ் பேக்குகளை போடும் போது, சரும வறட்சி தடுக்கப்பட்டு, சருமம் ஈரப்பதத்துடனும், ஆரோக்கியமாகவும், பொலிவோடும் இருக்கும். உங்களுக்கு வறண்ட சருமமா அல்லது குளிர்காலத்தில் உங்கள் சருமம் அதிகமாக வறட்சி அடைகிறதா? அப்படியானால் கீழே கொடுக்கப்பட்டுள்ள ஃபேஸ் பேக்குகளை குளிர்காலத்தில் அடிக்கடி அல்லது தினமும் பயன்படுத்துங்கள். இப்படி பயன்படுத்தினால், குளிர்காலத்தில் சந்திக்கும் சரும வறட்சியை தடுக்கலாம்.

ஃபேஸ் பேக் #1

* இந்த ஃபேஸ் பேக்கிற்கு நன்கு கனிந்த பாதி வாழைப்பழத்தை மசித்துக் கொள்ள வேண்டும்.
* பின் அதில் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின்பு அதை முகத்தில் தடவி, 15 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கிற்கு நன்கு கனியாத வாழைப்பழத்தை பயன்படுத்த வேண்டாம். இல்லாவிட்டால் சருமம் இன்னும் வறண்டு போகும்.

ஃபேஸ் பேக் #2

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் காய்ச்சாத பாலை எடுத்து, அத்துடன் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின் அதை முகத்தில் தடவி சிறிது நேரம் மசாஜ் செய்து, 10-15 நிமிடம் ஊற வைக்க வேண்டும்.
* பின்பு குளிர்ந்த நீரால் முகத்தைக் கழுவ வேண்டும்.

ஃபேஸ் பேக் #3

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் கொக்கோ பவுடரை எடுத்து, அத்துடன் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின் அத்துடன் சில துளிகள் பால் சேர்த்து கலந்து கொள்ள வேண்டும்.
* அடுத்து அதை முகத்தில் தடவி 10-15 நிமிடம் ஊற வைக்க வேண்டும்.
* பின்பு குளிர்ந்த நீரால் முகத்தைக் கழுவ வேண்டும்.

ஃபேஸ் பேக் #4

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் கற்றாழை ஜெல்லை எடுத்து, அத்துடன் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின் அதை முகத்தில் தடவி 15 நிமிடம் ஊற வைக்க வேண்டும்.
* அதன் பின் குளிர்ந்த நீரால் முகத்தைக் கழுவ வேண்டும்.
* இன்னும் சிறப்பான பலனைப் பெற, கற்றாழை ஜெல்லை ஃப்ரிட்ஜ்ஜில் வைத்து பின் பயன்படுத்துங்கள்.

ஃபேஸ் பேக் #5

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் தேங்காய் எண்ணெயை எடுத்து, அத்துடன் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின் அதை முகத்தில் தடவி 15-20 நிமிடம் ஊற வைக்க வேண்டும்.
* பிறகு வெதுவெதுப்பான நீரால் முகத்தைக் கழுவ வேண்டும்.
* இன்னும் சிறப்பான பலனைப் பெற இந்த ஃபேஸ் பேக்கை இரவு தூங்கும் முன் பயன்படுத்த வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)