பால் போன்ற வெள்ளையான சருமம் வேண்டுமா? அப்ப இந்த பால் ஃபேஸ் பேக்கை போடுங்க..

Skin Care Tips In Tamil: உங்கள் முகம் பொலிவிழந்து டல்லாக காட்சியளிக்கிறதா? கண்ணாடியில் உங்கள் முகத்தை பார்த்தாலே நீங்கள் கருப்பாக தெரிகிறீர்களா? உங்கள் சரும நிறத்தை வெள்ளையாக நினைக்கிறீர்களா? அதற்காக நீங்கள் கடைகளில் விற்கப்படும் க்ரீம்கள், லோசன்களை வாங்கி பயன்படுத்தி வருகிறீர்களா? இருப்பினும் எந்த ஒரு மாற்றமும் தெரியவில்லையா?

குறைவான செலவில் உங்கள் சரும நிறத்தையும், அழகையும் மேம்படுத்த வேண்டுமா? அப்படியானால் வீட்டில் உள்ள பால் அதற்கு பெரிதும் உதவி புரியும். பாலில் உள்ள சத்துக்கள் சரும செல்களுக்கு ஊட்டமளித்து ஆரோக்கியமாக்குவதோடு, சருமத்தில் உள்ள அழுக்குகளை முழுமையாக வெளியேற்ற பால் உதவுகிறது.

இப்படிப்பட்ட பாலை வெறுமனே தினமும் சருமத்திற்கு ஒரு கிளென்சர் போன்று பயன்படுத்துவது மட்டுமின்றி, அதைக் கொண்டு ஃபேஸ் பேக் போட்டு வந்தால், சரும நிறத்தை அதிகரிக்கலாம். கீழே உங்களுக்காக ஒருசில பால் ஃபேஸ் பேக்குகள் கொடுக்கப்பட்டுள்ளன.

1. பால் மற்றும் மஞ்சள் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் காய்ச்சாத பாலை எடுத்துக் கொள்ள வேண்டும்.
* பின் அதில் 1 டீஸ்பூன் மஞ்சள் தூள் சேர்த்து கலந்து கொள்ள வேண்டும்.
* பின்பு அதை முகத்தில் தடவி 10 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கை வாரத்திற்கு 2 முறை பயன்படுத்தலாம்.

2. பால் மற்றும் தேன் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் காய்ச்சாத பாலை எடுத்துக் கொள்ள வேண்டும்.
* பின்பு அதில் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பிறகு அதை முகத்தில் தடவி 15-20 நிமிடம் ஊற வைக்க வேண்டும்.
* அதன் பின் குளிர்ந்த நீரால் முகத்தைக் கழுவ வேண்டும்.

3. பால் மற்றும் ஓட்ஸ் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் காய்ச்சாத பாலை எடுத்துக் கொண்டு, அத்துடன் 1 டேபிள் ஸ்பூன் ஓட்ஸ் பவுடரை சேர்த்து கலந்து கொள்ள வேண்டும்.
* பின்னர் அதை முகத்தில் தடவி காய வைக்க வேண்டும்.
* பின் குளிர்ந்த நீரால் முகத்தைக் கழுவ வேண்டும்.
* இப்படி வாரத்திற்கு 2 முறை பயன்படுத்தலாம்.

4. பால் மற்றும் வெள்ளரிக்காய் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் காய்ச்சாத பால் மற்றும் 2 டேபிள் ஸ்பூன் வெள்ளரிக்காய் சாற்றினை எடுத்துக் கொள்ள வேண்டும்.
* பின்பு அதை முகத்தில் தடவி நன்கு காய்ந்த பின் குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கை வாரத்திற்கு 2 முறை பயன்படுத்தலாம்.

5. பால் மற்றும் கடலை மாவு ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 2 டேபிள் ஸ்பூன் பாலை எடுத்துக் கொள்ள வேண்டும்.
* பின்பு அதில் 1 டேபிள் ஸ்பூன் கடலை மாவை சேர்த்து பேஸ்ட் செய்து கொள்ள வேண்டும்.
* பின்னர் அதை முகம் மற்றும் கழுத்தில் தடவி 15-20 நிமிடம் ஊற வைக்க வேண்டும்.
* அடுத்து குளிர்ந்த நீரால் முகத்தைக் கழுவ வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை இக்கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)