வெயிலால் உங்க முகம் கருத்துப் போச்சா? அப்ப இந்த ஃபேஸ் பேக்கை தினமும் நைட் போடுங்க..

Summer Skin Care Tips In Tamil: வெயில் காலம் வந்தாலே சருமத்தைப் பாதுகாப்பது என்பது சவாலாக இருக்கும். மேலும் இக்காலத்தில் பெரும்பாலானோர் சந்திக்கும் பொதுவான ஒரு பிரச்சனை தான் சரும கருமை. இது தவிர சுட்டெரிக்கும் வெயிலால் சரும பிரச்சனைகள் தீவிரமடைந்து, அதன் விளைவாக சருமத்தில் எண்ணெய் உற்பத்தி அதிகரிக்கும், முகப்பரு மற்றும் சருமம் தொடர்ந்து கருமையாக மாறும்.

பெரும்பாலும் எண்ணெய் பசை சருமத்தினர் தான் இப்படியான சரும பிரச்சனைகளை அதிகம் சந்திப்பர். அதுவும் கடலோர மாவட்டங்களில் இருக்கும் நிறைய பேர் இந்த பிரச்சனையை அதிகம் சந்திப்பார்கள். இதைத் தவிர்க்க சிறந்த வழி சருமத்திற்கு போதுமான பராமரிப்புக்களைக் கொடுப்பது தான்.

அதுவும் வீட்டின் சமையலறையில் உள்ள ஒருசில இயற்கை பொருட்களைக் கொண்டு ஃபேஸ் பேக்குகளை போட்டு வந்தால், சருமம் ஆரோக்கியமாகவும், பளிச்சென்று பொலிவாகவும் இருக்கும். கீழே சருமத்தில் உள்ள கருமையைப் போக்கும் சில ஃபேஸ் பேக்குகள் கொடுக்கப்பட்டுள்ளன.

1. எலுமிச்சை மற்றும் தேன் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் எலுமிச்சை சாறு மற்றும் 1 டேபிள் ஸ்பூன் தேனை எடுத்து ஒன்றாக கலந்து கொள்ள வேண்டும்.
* பின் அதை முகத்தில் தடவி 15-20 நிமிடம் ஊற வைக்க வேண்டும்.
* பின்பு வெதுவெதுப்பான நீரால் முகத்தைக் கழுவ வேண்டும்.
* இந்த ஃபேஸ் பேக் சருமத்தில் உள்ள கருமையைப் போக்குவதோடு, பருக்கள் வருவதைத் தடுத்து, முகத்தை பொலிவாக வைத்துக் கொள்ளும்.

2. மஞ்சள் மற்றும் தயிர் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டீஸ்பூன் மஞ்சள் தூளை எடுத்துக் கொள்ள வேண்டும்.
* பின் அதில் 2 ஸ்பூன் தயிரை சேர்த்து கலந்து கொள்ள வேண்டும்.
* பின்பு அதை முகம் மற்றும் கழுத்தில் தடவி 20 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.

3. வெள்ளரிக்காய் மற்றும் கற்றாழை ஃபேஸ் பேக்

* இந்த ஃபேஸ் பேக்கிற்கு சிறிது வெள்ளரிக்காயை எடுத்து அரைத்துக் கொள்ள வேண்டும்.
* பின் அதில் 2 டேபிள் ஸ்பூன் கற்றாழை ஜெல்லை சேர்த்து கலந்து கொள்ள வேண்டும்.
* பிறகு அதை முகத்தில் தடவி 30 நிமிடம் ஊற வைக்க வேண்டும்.
* பின்பு குளிர்ந்த நீரால் முகத்தைக் கழுவ வேண்டும்.
* இந்த ஃபேஸ் பேக்கை ஒருநாள் விட்டு ஒருநாள் பயன்படுத்தி வர, முகம் பளிச்சென்று இருக்கும்.

4. தக்காளி மற்றும் கடலை மாவு ஃபேஸ் பேக்

* இந்த ஃபேஸ் பேக்கிற்கு நன்கு கனிந்த ஒரு தக்காளியை எடுத்து அரைத்துக் கொள்ள வேண்டும்.
* பின் அதில் 2 டேபிள் ஸ்பூன் கடலை மாவை சேர்த்து பேஸ்ட் செய்து கொள்ள வேண்டும்.
* பின்பு அதை முகம் மற்றும் கழுத்தில் தடவி, 15-20 நிமிடம் ஊற வைத்துக் கொள்ள வேண்டும்.
* பிறகு வெதுவெதுப்பான நீரால் முகத்தைக் கழுவ வேண்டும்.

5. பப்பாளி மற்றும் எலுமிச்சை ஃபேஸ் பேக்

* இந்த ஃபேஸ் பேக்கிற்கு நன்கு கனிந்த பப்பாளியை எடுத்து மசித்துக் கொள்ள வேண்டும்.
* பின் அதில் 1 டேபிள் ஸ்பூன் எலுமிச்சை சாற்றினை சேர்த்து கலந்து கொள்ள வேண்டும்.
* பின்பு அதை முகத்தில் தடவி 20 நிமிடம் ஊற வைக்க வேண்டும்.
* அதன் பின் குளிர்ந்த நீரால் முகத்தைக் கழுவ வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)