உங்க அந்தரங்க பகுதியில 'இத' செஞ்சத்துக்கு அப்புறம் நீங்க இந்த விஷயங்கள செய்யக்கூடாதாம் தெரியுமா?

வேக்சிங் செய்யப்படும் முறை

சருமத்தில் வளரும் தேவையற்ற முடியின் மீது, முடி வளரும் திசையை நோக்கி மெழுகை ஒரு மெல்லிய அடுக்காக பரப்ப வேண்டும். பின்பு ஒரு துணி அல்லது காகித துண்டு கொண்டு மெழுகு மேல் அழுத்தி, முடி வளரும் திசைக்கு எதிரான திசையில் மிக விரைவாக நீக்க வேண்டும். இவ்வாறு செய்வதன் மூலம் மெழுகு முடியை பற்றி இழுத்து, முடியை நீக்கி மென்மையான சருமத்தைப் பெற வைக்கிறது.

இறுக்கமான ஆடைகளை அணிய வேண்டாம்

இறுக்கமான பேன்ட் அல்லது உள்ளாடைகளை அணிவது மெழுகு பகுதியைச் சுற்றி அரிப்பு மற்றும் சிவப்பு தடிப்புகளை ஏற்படுத்தும். நீங்கள் வேக்சிங் செய்த பிறகு சில நாட்களுக்கு மிகவும் இறுக்கமாக இருக்கும் உள்ளாடைகளை அணிய வேண்டாம். தளர்வான ஆடைகள் மற்றும் மேக்சிஸைத் தேர்வுசெய்ய வேண்டும். ஜீன்ஸ் மற்றும் லெகிங்ஸ் சில நாட்களுக்குப் பிறகு அணிந்துகொள்ளுங்கள்.

தீவிரமான உடற்பயிற்சிகளையும் தவிர்க்கவும்

நீங்கள் வொர்க்அவுட்டை செய்யும்போது உங்களுக்கு அதிகப்படியான வியர்வை வெளியேறுகிறதா? அப்படியென்றால், இது தோல் எரிச்சல் மற்றும் தடிப்புகளுக்கு வழிவகுக்கும். எனவே நீங்கள் வேக்சிங் செய்த சில நாட்கள் வரை தீவிர பயிற்சிக்கு செல்ல வேண்டாம் என்று அறிவுறுத்தப்படுகிறது. உங்கள் வழக்கமான பயிற்சி அமர்வில் இருந்து ஓய்வெடுக்கக்கூடிய நேரம் இது.

முதல் இரண்டு நாட்களுக்கு உடலுறவைத் தவிர்க்கவும்

உங்கள் அந்தரங்க பகுதியில் வேக்சிங் செய்த முதல் இரண்டு அல்லது மூன்று நாட்களுக்கு உடலுறவில் ஈடுபட முயற்சி செய்ய வேண்டாம். ஏனெனில், செக்ஸ் உராய்வுக்கு வழிவகுக்கிறது மற்றும் சாஃபிங்கை ஏற்படுத்துகிறது. இது உங்கள் அந்தரங்கப்பகுதியில் வலியையும், மென்மையான தோலைச் சுற்றி சிவப்பு தடிப்புகளையும் ஏற்படுத்தும்.

சோப்பு அல்லது பாடி வாஷை தவிர்க்கவும்

மணம் கொண்ட சோப்புகள் மற்றும் பாடி வாஷ் ஆகியவை ரசாயனங்களைக் கொண்டுள்ளன. அவை உங்கள் அந்தரங்கப்பகுதியில் பயன்படுத்தும்போது, சருமத்தில் சிவந்து அல்லது அரிப்பு ஏற்படக்கூடும். அதற்கு பதிலாக தேயிலை மர எண்ணெயை அந்தப் பகுதியில் பயன்படுத்தவும்.

சூடான குளியல் எடுக்க வேண்டாம்

சூடான அல்லது வெதுவெதுப்பான நீரில் நீங்கள் குளிக்கும்போது, உங்கள் அந்தரப்பகுதியிலும் சூடான நீர் பயன்படுத்துவீர்கள். இதனால், புதிதாக அகற்றப்பட்ட முடியைச் சுற்றி பருக்கள் அல்லது சிவப்பு தடிப்புகள் ஏற்படலாம். வேக்சிங் செய்த சில நாட்களுக்கு பிறகு குளிர் அல்லது மந்தமான தண்ணீரில் குளிக்க அறிவுறுத்தப்படுகிறது.